رجيم بطريقه سهله
كل بنت او ست زياده فى الوزن تحتاج ان تقلل من وزنها ولكن الموضوع مش
سهل الموضع صعب وعلشان كدا احدث طرق للرجيم الرائع الرجيم السريع وبباسهل الطرق تعالى معانا
اتعلمى ازاى تعملى رجيم
رجيم لنقص الوزن
الاسبوع الاول من4 ل7 كيلو (حسب طبيعه الجسم والسن واذا كان اول رجيم او لا)
الاسبوع التاني من 2 ل4 كيلو
الاسابيع التاليه كل اسبوع اتنين كيلو
اهم حاجه الالتزام
خسيت عليه29كيلو من 103 ل74 بس خدت وقت شويه عشان ماكنتش منتظمه
وماما خست50 كيلو من 120 ل 70 كانت باديه قبلي وخلصت بعدي
النظام
يحتوي النظام على 6 بنود ده هيبقى اكلك طول اليوم قسميهم بالطريقه اللي تناسبك
البند الاول: الالبان:
كوب ونص لبن خالي الدسم او 2كوب زبادي لايت
البند الثاني:النشويات:
3/4 رغيف بلدي(ماعرفش عنكوا اسمه خبز اسمر ولا ايه)
او 3ملاعق ارز مسلوق(طبعا بميه بس من غير زيت)
او حبه بطاطس مسلوقه
البند الثالث:اللحوم:
ربع دجاجه (من الصدر مسلوقه او مشويه بدون اي سمنه او زيت ومنزوعه الجلد )
او سمكه بلطي في حجم الكف(مشويه طبعا)
اوقطعه لحم بتيلو في حجم الكف مسلوقه او مشويه
او قطعتين جبنه قريش في حجم البيضه(دي للمش عايزه لحمه)
البند الرابع:
بيضه مسلوقه
البند الخامس:الخضراوات:
كميه غير محدده من الاتي:
كرنب -جزر(واحده فقط) -قرنبيط-خيار-سبانخ-طماطم-خس-كوسه-خرشوف-عصير لمون-فاصوليا خضر-بصل-جرجير
البند السادس:الفاكهه:
ثمره تفاح متوسطه الحجم او 1 موزه صغيره او 2 جوافه صغيره او 1 برتقاله
متوسطه او 2 كمثرى صغيره او 300 جم فراوله او 500 جرام بطيخ او500 جرام
شمام او2 خوخه متوسطه او3 يوسفي كبيره او 3برقوق كبيره او1 مانجو صغيره
———-
يتم اختيار صنف واحد من كل بند يوميا
ملاحظات:
-يجب شرب كوب ماء دافيء على الريق وقبل النوم
-ممنوع الشرب اثناء الاكل اوقبله او بعده بربع ساعه
-يمكن اضافه الملح والفلفل والبهارات والاعشاب والجيلاتين والبصل والتوم
-يمكن عمل الارز او الخضار على شوربه الدجاج او اللحمه المسلوقه(البند الثالث)
-عند الجوع ممكن اكل جريب فروت اوخضراوات(الموجوده في البند الخامس)
-يمكن شرب الشاي القهوه الليمون عصير جريب فروتعصير طماطم بيبسي او سفن دايت(باي كميه)
-ممنوع استعمال الزيت او السمن
-ممنوع استعمال السكر الطبيعي ويستبدل بسكر منخفض السعرات
نصائح تساعدك على انقاص وزنك:
-يجب ان تقتني ميزان صغير الحجم لمتابعه وزنك
-لا تاكلى الا عندما تشعري بالجوع
-يجب ان يكون غذائك في متناول يدك
-عدم شراء طعام غير الموجود في النظام
-عدم شراء اطعمه وانتي جوعانه
-لاتضعي على السفره اكتر من الكميه المقرر تناولها
-يجب الاكل ببطئ ولا تبتلعي الطعام الابعد مضغه جيدا
-تناول الطعام بالشوكه والسكين
-حاولى ان تفعلي شيء اخر بجانب تناول الطعام
-عند الشعور بالجوع حاولي ان تشغلى نفسك بشيء اخر
(المشي الاستحمام الكلام في التليفون قراءه كتاب)
يجب عليكى اتباع الخطوات بطريقه سليمه
