المقادير:مقادير السمسميه : نص كيلو سمسم محمص 150جرام سكر +150جرام عسل جلوكوز التحضير:نص كيلو سمسم
محمص ونفرده في صينيه ونحطه في الفرن علشان يكون دافي اثناء العمل (خطوه مهمه جدا)
150جرام سكر +150جرام عسل جلوكوز
يعني حوالي نص كوب سكر واقل شويه من النص جلوكوز
حبه ميه صغيرين اوي اقل من ربع كوب
(الجلوكوز موجود بالكيلو في محلات بيع لوازم الحلويات)الطبخ: نحط السكر والجلوكوز والميه في طاسه واسعه
نحطهم علي النار لغايه ما يغلوا
يوصلوا للمرحله انهم يعملوا الشكل ده (خيوط من السكر بين الشوكتين وهو المفروض بين الاصابع
بس طبعا بيكون سخن جدا)
وبسرعه نحط السمسم الدافي ونقلب كويس
نكون مجهزين صينيه او قالب مدهون زيت ونفرد فيه السمسميه بالنشابه او بضهر معلقه مدهونه
زيت
هي هتتماسك بسرعه واقلبها
احاول اقطعها وهي لسه طريه شويه علشان متتكسرش اثناء التقطيع
الفوليه هنعملها بنفس المقادير والطريقه
وطبعا بنفس الطريقه ممكن نعمل الحمص او البندق او الفستق او اللوز
الملبن :
نحط الماء والسكر في طاسه او حله ونحطهم علي النار
ندوب النشا في الميه
بعد ما السكر والميه تغلي نضيف الجلوكوز
اسهل طريقه علشان ناخد الجلوكوز من العلبه نبل ايدنا وناخد بيها او نبل المعلقه بتطلع
بسهوله جدا ومش بتلزق خالص
هنا المعلقه نزل منها الجلوكوز بسهوله
بعد ذوبان الجلوكوز نضيف رشه ملح ليمون صغيره اوي علشان نتاكد انه مش هيسكر
ونضيف النشا المذوب في الماء
نقلب الخليط وده شكله في الاول خالص زي لون اللبن
وبعد غليان الخليط نوطي النار خالص ونخليها هاديه ونقلب كل شويه وننزل اللي علي الاجناب
ضروري لانه لو لزق هيخلي الملبن بعد كده يسكر (يعني زي السكر او الفندان كده
)
وهنا مراحل الملبن اثناء الغليان
وبيستمر حوالي ساعه علي النار
هنا بدا يتقل
وهنا اخر مرحله
اتجمع كله علي بعضه مع التقليب
ولما بنرفعه بيسيب قعر الطاسه
بس خلي بالك متزوديش اكتر من كده والا هينشف
نحط معلقه الماء زهر ونطفي
نجهز اي قالب وندهنه بالزيت كويس اوي
نصب فيه الخليط
ونسيبه يبرد خالص لغايه ما يتجمد ومش لازم في التلاجه هنخليه في الجو العادي
بعد مايجمد نرش عليه نشا ونقلبه ونرش نشا الناحيه التانيه
ونقطعه زي ما نحب بس نرش السكينه كمان بالنشا اثناء التقطيع
وبالهنا والشفا
