طريقة عمل السجق البلدى بالصور

طريقه عمل السجق البلدى بالصور

جيبالكوا يابنات انهرده وصفه جميله وسهله اووى للسجق البلدى تقدرى تعمليها فى نص ساعه ، 
المكونات اكيد موجوده فى مطبخك ، جربى الوصفه وهتحبيها اوى لانها عمليه وبسيطه ولذيذه

المقادير

1. كيلو سجق
2. بصلتين متوسطين
3. 2 فص ثوم
4. حبتين فلفل حار
5. حبتين فلفل رومى
6. حبتين طماطم
7. معلقتين سمنه
8. معلقه صلصه

الطريقه

1. حطى السمنه علي النار وقطعى عليها البصل لغايه ما يدبل وبعدين ضيفى التوم المتقطع صغير
   وبعدين ضيفى عليهم السجق المقطع وبعدين الفلفل الحار
2. لما يقرب يستوى حطى الطماطم المقطعه والفلفل الرومى و الصلصه وقلبيها كويس ، وطى  النار
   و بعدين تتبليها بالملح و الفلفل وبعدين قدميه سخن وجمبه عيش وبالهنا والشفا .