كيفية عمل كفتة الحاتى
احلى طرق اعداد الطبخات السريعة التي لا تطلب و قتا و لا مجهودا .. انها كيفية عمل كفتة الحاتى بالمقادير و الخطوات ما اطيب من ذلك
المقادير تكفى لفردين :
هنجيب ربع كيلو لحمة حمرا مفرومة ( 225 جم)
يبقي احنا هنحط تقريبا 70 جرام لية ضااانى ( قطعة بحجم قبضة الايد ) ..
وهنخلطهم مع بعض فالكبة كويس لحد لما يبقوا نسيج واحد و هنلاقى ان لونهم بقي فاتح ..
ثاني سرانة بنضيف رز .. و دا الي بيعوض الدهن الزيادة و يخلى الكفتة تنفش و يبقي حجمها حلو .. و فنفس الوقت بيدى طراوة للكفته
نجيب ملعقتين اكل رز و ننقعهم فشوية مية ..
و ثم نصفيهم و نطحنهم فالكبة ضربة واحدة بس
علشان مش عايزينة ناعم لان لو ناعم هيخلى الكفتة مكتومه
عايزينة بس يتكسر و يبقي حتت صغار تبان فنسيج اللحمة ..
بصلة صغار نفرمها بالسكينة ناعم علشان ما تنزلش ميتها ..
فى طبق نخلط اللحمة مع البصلة مع الرز المطحون و نضيف رشة خفيفة خالص قرفة ما نكترش منها
ورشة بهارات او كبيبة صيني مطحونه
ونص ملعقة شاى ملح و ربع ملعقة فلفل اسود .. بس كدا ..
ولو بتحبوا عليها بقدونس يمكن تضيفوا كمان
نصبعها على اسياخ لو مفيش يبقي نصبعها على قلم نظيف و مغسول .. بس الاسياخ افضل
ونرصها فصينية ..
علشان ما تنشفش
+ قبل ما ندخل الصينية نسخن الفرن كويس على درجة 200 من فوق و تحت لحد لما يسخن و يوصل للدرجة المطلوبه
بعدين ندخل الصينية فالفرن .. بدون ما نصيف سوايل و لا شئ لانها هتنزل سوايل و تستوى منها بها و ثم تتحمر
ودا شكلها فالفرن
كفتة الحاتى و لا اجدعها محل مشويات .. اسرار من مطبخ مرسم
مش بتاخد وقت .. ربع ساعة بالكتير هتكون استوت و اتحمرت و اول ما تتحمر نخرجها على طول
+ علشان نديها ريحة الفحم
بعد ما تستوى نحطها فحلة و نحط فنجان فالنص و نحط به الفحمة المولعة و نصب عليها الدهن الي نزل من الكفتة او حتة سمنة سايحة و سخنه
اول ما يدخن نغطى الحلة بسرعة علشان تتشرب الكفتة ريحة الفحم
+ و بالتاكيد هتكون اجمل و اجمل لو اتشوت على الفحم بدل الفرن ..
نرصها فالاسياخ .. و نشويها يااما فوق شبكة على الفحم …
او لو مفيش شبكة يبقي به خطوة مهمة لازم نعملها الاول و هي تشمييع الكفته
يعني اول ما نحطها على الفحم نلفها باستمرار علشان اللحمة تتماسك من كل الجهات بنفس النسبة فتمسك كلها على السيخ و ما تقعش
لان لو سيبناها على جهة واحدة بدون تقليب الناحية الي ناحية الفحم هتتماسك اما الي فوق هتبقي لسة لحمة طريه
والنتيجة ان الكفتة بتفصل عن السيخ لان الجزء الاتقل الي تحت بيشدها و تنزل على الفحم و تسيب السيخ ..
- الكفته بطلع مكتومه
