طريقه عمل كفته الحاتى
اجمل طرق اعداد الاكلات السريعه التي لا تطلب وقتا ولا مجهودا .. انها طريقه عمل
كفته الحاتي بالمقادير والخطوات ما اطيب من ذلك
المقادير تكفي لفردين :
هنجيب ربع كيلو لحمه حمرا مفرومه ( 225 جم)
يبقى احنا هنحط تقريبا 70 جرام ليه ضاااني ( قطعه بحجم قبضه الايد ) ..
وهنخلطهم مع بعض في الكبه كويس لحد لما يبقوا نسيج واحد وهنلاقي ان لونهم بقى
فاتح ..
ثاني سرانه بنضيف رز .. ودا اللي بيعوض الدهن الزياده ويخلي الكفته تنفش ويبقى حجمها
حلو .. وفي نفس الوقت بيدي طراوه للكفته
نجيب معلقتين طعام رز وننقعهم في شويه ميه ..
وبعدين نصفيهم ونطحنهم في الكبه ضربه واحده بس
علشان مش عايزينه ناعم لان لو ناعم هيخلي الكفته مكتومه
عايزينه بس يتكسر ويبقى حتت صغيره تبان في نسيج اللحمه ..
بصله صغيره نفرمها بالسكينه ناعم علشان ما تنزلش ميتها ..
في طبق نخلط اللحمه مع البصله مع الرز المطحون ونضيف رشه خفيفه خالص قرفه مانكترش
منها
ورشه بهارات او كبيبه صيني مطحونه
ونص معلقه شاي ملح وربع معلقه فلفل اسود .. بس كدا ..
ولو بتحبوا عليها بقدونس ممكن تضيفوا كمان
نصبعها على اسياخ لو مفيش يبقى نصبعها على قلم نظيف ومغسول .. بس الاسياخ افضل
ونرصها في صينيه ..
علشان ما تنشفش
+ قبل ما ندخل الصينيه نسخن الفرن كويس على درجه 200 من فوق وتحت لحد
لما يسخن ويوصل للدرجه المطلوبه
بعدها ندخل الصينيه في الفرن .. بدون ما نصيف سوايل ولا شئ لانها هتنزل سوايل
وتستوي منها فيها وبعدين تتحمر
ودا شكلها في الفرن
كفته الحاتي ولا اجدعها محل مشويات .. اسرار من مطبخ مرسم
مش بتاخد وقت .. ربع ساعه بالكتير هتكون استوت واتحمرت واول ما تتحمر نخرجها على
طول
+ علشان نديها ريحه الفحم
بعد ما تستوي نحطها في حله ونحط فنجان في النص ونحط فيه الفحمه المولعه ونصب
عليها الدهن اللي نزل من الكفته او حته سمنه سايحه وسخنه
اول ما يدخن نغطي الحله بسرعه علشان تتشرب الكفته ريحه الفحم
+ وطبعا هتكون احلى واحلي لو اتشوت على الفحم بدل الفرن ..
نرصها في الاسياخ .. ونشويها يااما فوق شبكه على الفحم …
او لو مفيش شبكه يبقى فيه خطوه مهمه لازم نعملها الاول وهي تشمييع الكفته
يعني اول ما نحطها على الفحم نلفها باستمرار علشان اللحمه تتماسك من جميع الجهات بنفس
النسبه فتمسك كلها على السيخ وما تقعش
لان لو سيبناها على جهه واحده بدون تقليب الناحيه اللي ناحيه الفحم هتتماسك اما اللي
فوق هتبقى لسه لحمه طريه
والنتيجه ان الكفته بتفصل عن السيخ لان الجزء الاتقل اللي تحت بيشدها وتنزل على الفحم
وتسيب السيخ ..
- الكفته بطلع مكتومه
