طريقة عمل عجينة البيتزا المتوسطة

طريقه عمل عجينه البيتزا المتوسطه

البيتزا من الماكولات الايطاليه الشهيره و اللذيذه وتعتبر من الوجبات المفيده ايضا ويحبها الصغار و
الكبار كما انها  وجيه سريعه وسهله التحضير ولا تحتاج لوقت او مجهود كبير لتحضيرها واليكم
طريقه عملها

نبتدي بعجينه البيتزا ومننساش انها بتحتاج وقت لتخمر وفيه اكتر من طريقه لعمل عجينه البيتزا
يعني فيه ناس بتعملها ببيض ولبن وفيه ناس بتعملها من غير بيض ولا لبن،وانا هقولك
ع على الطريقتين واللي يعجبك فيهم اعمليه..

العجينه على طريقه نابولي

المقادير:

• 3 اكواب دقيق
• 2 ملعقه خميره بيره
• 2/1ملعقه صغيره ملح
• كوب ماء دافئ
• 3معالق كبيره زيت ذره

الطريقه:

1- اخلطي كوب ونصف دقيق مع الخميره والملح وبعد كده ضيفي الميه والزيت، واضربيهم كلهم
بمضرب البيض الكهربائي على سرعه عاليه لمده 3 دقائق.
2- ضيفي باقي الدقيق الى الخليط السابق وقلبيه باستخدام ملعقه خشبيه.
3- انقلي العجينه على رخامه المطبخ او على لوح خشبي وابدئي في عجنها بايدك لغايه
ما تلاقيها بقت طريه ومطاطه وسهله التشكيل على شكل دوائر كبيره.
4- انقلي العجينه الى الطبق البلاستيك او طبق زجاجي كبير وادهنيها بالزيت وغطيها بقطعه قماش
وسيبيها في مكان دافي لمده ساعتين علشان تخمر وحجمها يزيد…

العجينه على طريقه ملاينو

المقادير:

• 2 كوب دقيق
• 2 بيضه
• 2 معلقه زبده
• كوب لبن
• ذره ملح وفلفل
• 2 معلقه خميره بيره
• 2/1معلقه سكر

الطريقه:

1- اخلطي الخميره مع السكر.

2- هاتي طبق زجاج او بلاستيك كبير وحطي فيه السمنه واضربيها بالمضرب الكهربائي وبعد كده
ضيفي اليها باقي المقادير والخميره والسكر واضربيهم مع بعض بالمضرب هتلاقي ان العجينه بقت جامده
شيلي المضرب واعجني العجينه بايدك لغايه ما تلاقيها بقت طريه ومطاطه غطيها وسيبيها لمده 3
ساعات عشان تخمر.
بس يا ستي دول كانوا اشهر طريقتين لعمل عجينه البيتزا في ايطاليا وحبيت اقولهم في
الاول لان زي ما انت عارفه ان اهم حاجه في البيتزا هي العجينه وعلى فكره
العجينه دي هتستخدميها في عمل اي نوع انت عايزاه من انواع البيتزا.
.
وفيه حاجه تانيه مهمه لازم تكوني عارفاها علشان هتحتاجيها في عمل كل نوع من انواع
البيتزا وهي..

صلصه البيتزا

المقادير:

• 4 حبات طماطم مقشره ومقطعه مكعبات صغيره
• 4 ملاعق كبيره معجون طماطم
• 2 ملعقه كبيره زيت ذره
• 1 ملعقه صغيره زعتر جاف ومطحون
• 1 ملعقه صغيره اوريجانو، او نعناع، جاف ومطحون
• 1 ملعقه كبيره ملح وفلفل

الطريقه:

1. سخني الزيت في طاسه على نار هاديه، وبعد كده ضيفي الطماطم ومعجون الطماطم والزعتر
والاوريجانو او النعناع و4/3 كوب ماء وسيبي الخليط على النار لمده نص ساعه علشان يتسبك…

بعد ما تلاقيه اتسبك او بقى تقيل شيليه من على البوتجاز واستخدميه في عمل البيتزا
زي ما قلنا.

ودلوقتي هنعرف ازاي تعملي كل نوع بيتز
بيتزا بالخضروات

المقادير:

• عجينه بيتزا
• 1 حبه فلفل اخضر مقطعه مكعبات او عيدان
• 2/1 كوب صلصه بيتزا او “معجون طماطم”
• 2 حبه طماطم مقطعه قطع صغيره او حلقات
• بصله متوسطه الحجم مقطعه حلقات
• 1 كوب عيش الغراب شرائح
• 2 فص ثوم مفروم
• 1 ملعقه صغيره زعتر
• 2/1 كوب جبنه موتزاريلا مبشوره
• 2/1 ملعقه صغيره فلفل اسود
• عرقان من الكرفس مقطعان قطعا صغيره
• زيتون اسود مقطع دوائر
• اوراق ريحان للزينه “حسب الرغبه”

الطريقه:

1- قطعي عجينه البيتزا الى قطع صغيره مدوره وحطيها على رخامه المطبخ او على سطح
خشبي مرشوش بالدقيق وابدئي في فردها لتغطي صاج او صينيه البيتزا وبعد كده حطيها في
الصينيه اللي هتسويها فيها بس خدي بالك انك قبل ما تحطيها تدهني الصينيه بالزيت.
2- ضيفي صلصله البيتزا فوق العجينه ورشي الثوم المفروم وضيفي الفلفل الاخضر والطماطم والبصل والكرفس
والزيتون الاسود وعيش الغراب ورشي الفلفل الاسود وقطعي البيتزا على شكل مثلثات.
3- رشي الجبنه الموتزاريلا والزعتر من على السطح.
4- سخني الفرن على درجه حراره “220 – 200 مئويه” بعد كده دخلي صينيه البيتزا
في الفرن لمده 15 دقيقه وبعد ما تلاقي وشها احمر خرجيها، واوعي تاكلي صوابعك وراها.

بيتزا بالسجق

المقادير:

• عجينه بيتزا
• 1 حبه فلفل اخضر مقطعه مكعبات او عيدان
• 2/1 كوب صلصه بيتزا او معجون طماطم
• بصله متوسطه الحجم مقطعه حلقات
• 2 فص ثوم مفروم
• 2/1كوب جبنه موتزاريلا مبشوره
• 2/1 ملعقه صغيره فلفل اسود
• عرقان من الكرفس مقطعان قطعا صغيره جدا
• سجق مقطع
• 2/1 كوب زيتون اسود او اخضر مقطع شرائح

الطريقه:
1- قطعي عجينه البيتزا الى قطع صغيره مدوره وحطيها على رخامه المطبخ او على سطح
خشبي مرشوش بالدقيق وابدئي في فردها لتغطي صاج او صينيه البيتزا وبعد كده حطيها في
الصينيه اللي هتسويها فيها بس خدي بالك انك قبل ما تحطيها تدهني الصينيه بالزيت.
2- ضيفي صلصله البيتزا فوق العجينه ورشي الثوم المفروم وضيفي الفلفل الاخضر والبصل والكرفس والزيتون
الاسود والسجق ورشي الفلفل الاسود.
3- رشي الجبنه الموتزاريلا والزعتر على السطح وقطعي البيتزا على شكل مثلثات.
4- سخني الفرن على درجه حراره “220 – 200 مئويه” بعد كده دخلي صينيه البيتزا
في الفرن لمده 15 دقيقه وبعد ما تلاقي وشها احمر خرجيها واوعي تاكلي صوابعك وراها.

يبتزا باللحمه المفرومه وعيش الغراب

المقادير:

• عجينه بيتزا
• ربع كيلو لحم مفرومه
• 1كوب عيش الغراب شرائح
• 1حبه فلفل اخضر،مقطعه قطعا صغيره
• 1بصله صغيره مقطعه شرائح
• 1 فص ثوم مفروم
• 2ملعقه كبيره معجون طماطم
• 2كوب جبنه موتزاريلا
• 2ملعقه كبيره زيت ذره

الطريقه:

1- قطعي البصل الى شرائح وبعد كده سخني الزيت في طاسه كبيره على نار هاديه
وابدئي في اضافه اللحمه المفرومه مع التقليب المستمر علشان اللحمه ما تلزقش منك لمده عشره
دقائق بعد كده ضيفي عيش الغراب والبصل والثوم والفلفل الاخضر وشويه ملح وفلفل وقلبيهم كلهم
مع بعض وسيبيهم على النار حوالي 10 دقائق كمان.
2- قطعي عجينه البيتزا الى قطع صغيره مدوره وحطيها على رخامه المطبخ او على سطح
خشبي مرشوش بالدقيق وابدئي في فردها لتغطي صاج او صينيه البيتزا وبعد كده حطيها في
الصينيه اللي هتسويها فيها بس خدي بالك انك قبل ما تحطيها تدهني الصينيه بالزيت.
3- ضيفي صلصله البيتزا فوق العجينه وبعد كده رشي عليها خليط اللحمه المفرومه اللي عملتيه
عليها ورشي الجبنه الموتزاريلا على السطح البيتزا وقطعي البيتزا على شكل مثلثات.
4- سخني الفرن على درجه حراره “220 – 200 مئويه” بعد كده دخلي الصينيه في
الفرن لمده 15 دقيقه وبعد ما تلاقي وشها احمر خرجيها واوعي تاكلي صوابعك وراها.

بيتزا بالجمبري

المقادير:

• عجينه بيتزا
• نص كيلو جمبري متوسط مقشر.
• 4 ملاعق صلصه بيتزا او معجون الطماطم
• 1فص ثوم مفروم ناعم
• 2/1حبه فلفل اخضر مقطع مكعبات صغيره
• 2/1 حبه فلفل احمر او فلفل حار مقطع مكعبات صغيره
• 1حبه طماطم مقطع مكعبات صغيره
• 1 بصله مقطعه شراح
• 1كوب جبنه موتزاريلا مبشوره
• 2/1كوب جبنه شيدر مبشوره
• 2ملعقه كبيره زيت ذره
• ملح وفلفل
• نص حزمه كرفس.

الطريقه:

1- هات الجمبري ونظفيه كويس واغسليه اكتر من مره وبعد كده ضيفي اليه الثوم المدقوق
مع الملح والفلفل.
2- سخني الزيت في طاسه على نار عاليه وبعد كده ضيفي اليه الجمبري والثوم مع
التقليب لغايه ما لون الجمبري يتحول الى اللون البرتقالي.
3- قطعي عجينه البيتزا الى قطع صغيره مدوره وحطيها على رخامه المطبخ او على سطح
خشبي مرشوش بالدقيق وابدئي في فردها لتغطي صاج او صينيه البيتزا وبعد كده حطيها في
الصينيه اللي هتسويها فيها بس خدي بالك قبل ما تحطيها تدهني الصينيه بالزيت.
4- تضاف صلصه البيتزا فوق العجينه ثم يضاف الجمبري ثم يضاف الفلفل الاحمر والاخضر والطماطم
والبصل وترش الجبنه الموتزاريلا والشيدر من على السطح وتقطع البيتزا على شكل مثلثاث.
5- سخني الفرن على درجه حراره “220 – 200 مئويه” بعد كده دخلي صينيه البيتزا
في الفرن لمده 15 دقيقه وبعد ما تلاقي وشها احمر خرجيها واوعي تاكلي صوابعك وراها.

وعلى فكره طريقه عمل “بيتزا السي فوود” شبه طريقه عمل “بيتزا الجمبري” بس كل الحكايه
انك هتضيفي الى المقادير “كابوريا مقشره” و”سبيط مسلوق”

بيتزا بالفراخ

المقادير:

• عجينه بيتزا
• 2/1 كوب صلصه بيتزا او معجون طماطم
• 2/1 كوب ريحان اخضر الاوراق فقط “اختياري”
• 2/1كيلو صدور دجاج
• 2 ملعقه كبيره زيت زيتون
• 2/1 كوب جبنه رومي مبشوره او بارميزان
• 2/1 كوب جبنه موتزاريلا مبشوره
• 1 كوب عيش الغراب او شرائح زيتون اخضر
• ملح وفلفل
• بصله صغيره مقطعه قطع صغيره

الطريقه:

1- قطعي صدور الفراخ الى قطع متوسطه الحجم وتبليها بالملح والفلفل والبصله الصغيره وسيبيها لمده
ساعه ونص وبعد كده شيليها من البصل.
2- سخني زيت الزيتون في طاسه على نار متوسطه وبعد كده ضيفي اليها الفراخ مع
التقليب لغايه ما تحسي ان الفراخ بدات تستوي اطفي البوتاجاز.
3- قطعي عجينه البيتزا الى قطع صغيره مدوره وحطيها على رخامه المطبخ او على سطح
خشبي مرشوش بالدقيق وابدئي في فردها لتغطي صاج او صينيه البيتزا، وبعد كده حطيها في
الصينيه اللي هتسويها فيها بس خدي بالك انك قبل ما تحطيها تدهني الصينيه بالزيت.
4- رشي صلصه البيتزا على العجينه وضيفي اليها قطع الدجاج وبعد كده رشي عليها عيش
الغراب او الزيتون ونصف كميه اوراق الريحان. واخلطي الجبن الموتزاريلا والجبن البارميزان وبعد كده رشيهم
على سطح البيتزا وقطعي البيتزا على شكل مثلثات.
5- سخني الفرن على درجه حراره “220 – 200 مئويه” بعد كده دخلي صينيه البيتزا
في الفرن لمده 15 دقيقه وبعد ما تلاقي وشها احمر خرجيها ,وبالهنا والشفا

ودي طريقه عمل البيتزا الفرنسيه

مقادير البيتزا بالطريقه الفرنسيه
عدد 2 خبز فرنسي كبير
1 علبه معجون بندوره
مالح ، بهارات
زعتر ناشف
ثوم مدقوق
زيت زيتون
جبنه مازارولا
زيتون اسود مقطع جاهز

طريقه عمل
1. تخلط المكونات الخاصه لعمل الصوص الخاص بالبيتزا
2. تقطع الخبز الفرنسي الى اربع اقسام وتقطع من النصف الاخر (جهه وحده فقط)
3. تدهن فوق الخبز المكونات الصوص وبعد ذلك وضع السلامي و الجبنه والزيتون

• البيتزاالمتوسطه
• طريقة عمل عجينة البيتزا المتوسطة
• طريقه عمل عجينه البيتزا