شعر شعبى ليبى عن الشاي
قد يبدو الامر غريبا ان يصبح هنالك شعرا خاصا بشاى مثلا!! .. و لكن اذا علمنا ان ذلك الشعر كان فو قت الحرب العالمية الثانية =و ما ترتب عنها من نقص المواد التموينية كالشاى مثلا قد يزول قليلا هذة الدهشة .. و يصنف ذلك الشعر تحت الاشعار الشعية الليبيه
مانك باهى .. مسلط علي الواشون جميع دواهي
ان كان ما حضرت المنزل يبقي ساهي.. يقدم على عيشة بلا بسمله
مغير اخساره.. المساكين ما خلا عليهم باره
م الصبح للمغرب و هى تجارا ..ان ما حصلوة تبات ليلة غله
انتى مرة .. و انتى بقيتى للانسان مضره
كيف الخدم ياناس كيف الحره.. ريت الحيا منهم تبرم كله
انتى شينه.. رقيق الجهد منك غرق فدينه
من قبلا يصلى فيك يقلب عينه.. شينة خبارة خاطيات المله
مانطيق افراقه.. مغير ذلك و اخذنا بلا بنداقه
طايبين على الذملة بلا سواقه.. فشانها الحمل الثقيل انقله
خذانا كيفه.. دون بالطفل* كمين مية جيفه
ومن قلالى يعجبك توصيفة .. بدين اعظامة بيض كيف الهله
ماو محلل فيها.. و ين هو المذهب اللى طاريها
يفتح اكتابة كان فية القيها.. باب الشريعة ياعرب نركن له
ان كان هى مبدوعه.. خاطى كلام الله هو و شروعه
ماعاد خلت فرش فمربوعه.. غير العوايز يفرغن بالسله
نسال القاضي.. كان فكتابة م الزمان الماضي
عينى تبى و القلب ما هو راضي.. اللى تبع نفسة على الهلاك ادله
للهلاك اتجيبه.. هذه حشيشة يا اسلام عطيبه
عليك يا العباسى انعل سريبه.. افتح كلامى و امتبة بالمله
فرد الشاعر عبدالله العباسى و قال:
شربة باهي.. يجلى دراة الكبد تبقي زاهي
حشيشة حلال و ما عليها ناهي.. يلذ شربها و ين الثمن يتعلى
وهى منصوبه.. عليها القراية و الصلاة امحسوبه
وحتي الطرقى كان باطل دوبه.. يزهي معا السخان و ين رطن له
ويجفل النوم الليل تحت اهدوبه.. و يقدر على صلبة نهارا كله
شربة طيب .. و لانقدر و ا عنة نهار انغيب
وان عطشتة حتي البعيد اقريب.. الباطل القى كرعية يجارن له
ولا عاد فدورة القيت مريب.. باقى مثيل الفرض ما يتخلى
يدقل سخانه.. كما ثلب هايج و الابكار اركانه
ونعناع يغشى يعجبك فو جانه.. و سكر محاقن اتلج من قرطله
والع فينا ..وان الغدا و الصبح كان القينا
وان غيب الراس و جعة ناض علينا.. فية انهمكنا و الارزاق على الله
ووين يحصلن بارات بين ايدينا.. نعدوا منابة كيف باب الغله
لاتتركها .. ميط م الخلوق بشربها تتفكا
ان ما ذقتها بعد الغدا تتكى.. يروح سبيب النوم جارد كله
يدورد عليك ترك شينك ركه.. لاتدير حاجة لاصلا تصلى
بية و لعنا .. و عشنا على شربة منين طلعنا
لانقبلوا ناهى و لايقدعنا.. يدبر على روحة يفوت معله
لقيناة كيف و غيبتنا توجعنا.. غالى غلا ما و كذب نزاين له
كان الاكل اشوى ما شبعنا.. و ين نشربوا منة ايرد الغله
كى نفسنا كى الضيف كيف تبعنا.. ان غاب سكرة صادة انا راكن له
- شعر شعبي عن الشاي
- شعر ليبي علي براد الشاهي
- شعر عن الشاي الليبي
- شعر ليبي عن الشاي
- شعر ليبي ع الشاهي
- شعر ليبي عن الشاهي
- شعر ليبي على الشاهي
- شعر شعبي ليبي على الشاهي
- شعر ليبي علي الشاهي
- شعر ليبي على براد الشاهي
