طريقه عمل الفراخ المشويه فى اكياس الفرن بطريقه سهله وبسيطه وطعم خطير ولذيذ
- الكميه تكفي:4 اشخاص
- وقت التحضير:10 دقائق
- وقت الطهي:90 دقيقه
- المقادير:فرخه متوسطه او اي حجم تحبيه
بطاطس وجزر للشوي
وللتتبيله
2 بصله متوسطه
خل
ليمون
ملح وفلفل
للحشوه
نصف كوب رز مصري
بصله مبشوره
ملح وفلفل وجوزه الطيب
2 ملعقه عصاج
2ملعقه زبيب ( حسب الرغبه 
- التحضير:هنغسل الفرخه كويس بالدقيق والليمون وننشفها
هنبشر البصلتين ناعم جدا ونضيف عليهم الخل والليمون والملح والفلفل
هنحشي الفرخه بالتتبيله كويس وندخل التتبيله ما بين الجلد واللحم ونسيبها اكبر وقت ممكن تشرب
التتبيله ولو باتت في التلاجه ليله يكون افضل
- الطبخ:نيجي بقي للحشوه
هنشوح البصله في معلقه سمن لحد ما تصفر
- وبعدين نضيف الرز المغسول ونقلب تقليبتين ونضيف الملح والفلفل وجوزه الطيب وبعدين نضيف حوالي نص
كوبايه ماء ونوطي النار ونغطي لحد مايبقي الرز نص سوي
وبعدين نقفل النار ونضيف العصاج والزبيب وكده تكون الحشوه جاهزه
هنجيب الفرخه ونحشيها ونا عن نفسي مبخيطهاش يدوبك بس بربط رجلها بخيط في بعض عشان
متتفسخش وهي بتستوي
وبعدين هنحط الفرخه في الكيس ونحط معاها بطاسيتين وجزرتين متقطعين سميك ومتبلين بالملح والفلفل بيقي
طعمهم رووعه لنهم بيشربوا الصوص بتاع الفرخه
ونقفل الكيس بالربطه بتاعته ونخرمه من فوق 3 اخرام عشان الهوا الزياده يخرج منهم
ونحطها في صينيه مرشوشه شويه دقيق عشان الكيس ميلزقش في الصينيه
وندخلها فرن حامي الفرخه دي كيلو ونص خدت وقت حوالي ساعه ونص
- فراخ بالخضار في كيس الشوي
