السلام عليكم
الحمدلله اخييييرا توصلت لسر الترمس
اللى حير الناس كلها
بيطول الشعر ولا بيمنع نمو شعر الجسم؟؟
طب استخدم الترمس المر ولا الترمس الحلو؟
بعد البحث والتنقيب فى المواقع الاجنبيه لمده اسبوع وسهر الليالى توصلت للحقيقه
الترمس المر بيقلل نمو الشعر
الترمس الحلو بيطول الشعر
حلو كدا ؟؟
لاء مش حلو انا لازم مخى يشتغل واعرف ايه السر فى كدا
ركزى معايا بئه عشان الموضوع طلع كبييير
>
>
>
>
نبدا الحكايه من الاول خاالص
الموضوع هيكون على شكل سوال وجواب عشان يكون سهل الفهم
ايه هو الترمس؟؟؟
هو نبات بقولى مشهور يكثر فى مصر وسوريا ولبنان
ومن مواده الفعاله 30% بروتين
كما يحتوى على كالسيوم وفوسفور ومواد اخرى
ايه هى انواعه؟؟؟؟
يوجد نوعان للترمس
الترمس البلدى او المر
والترمس المستورد او الحلو او بيسموه السريع
نفرق بينهم ازاى؟؟؟؟
الترمس المر بيبقى لونه مصفر
والترمس الحلو بيبقى ابيض شويه
الجزء الاول من الموضوع هيتكلم عن الترمس المر ودا اللى بيستخدم لتقليل نمو شعر الجسم
ليه اسمه ترمس مر؟؟؟
لانه يحتوى على قلويدات alkaloids وهى مواد ذات طعم مر وشديده السميه
ليه بيستخدم لتقليل نمو الشعر ومنعه نهائيا؟؟؟
لان القلويدات دى بتقلل الدوره الدمويه يعنى الغذاء مش هيوصل للشعر اصلا
طب هنستخدمه ازاى؟؟؟
100 جرام حبوب ترمس مر تنقع فى لتر ماء فاتر وتوضع فى التلاجه
وعند الاستخدام يوخذ كوب من ماء الترمس ويضاف ليه عصير ليمونه
ويقلب جيدا ويدهن بيه المنطقه المراد وقف نمو الشعر فيها
ليه حطينا ليمون؟
لان جسمك مش هيعرف يمتص القلويدات اللى فى المايه دى الا فى وسط قلوى
ودا ممكن نعمله بعصير الليمون
رغم انه حامضى!!!
وذلك لان حامض السيتريك يتاكسد ويطرد من الجسم ويتبقى الاحماض القلويه التى تجعل الوسط كله
قلوى
طيب هنستخدمه بعد ازاله الشعر ولا قلبه؟؟
بعد ازاله الشعر بالطريقه المعتاده بتدهن المنطقه كل يوم لمده 6 ايام
والكلام دا كل شهر بعد ازاله الشعر لغايه ما يتوقف نمو الشعر نهائيا
طيب استخدمه مطحون ولا حبوب؟؟؟
حبوب
هندهن بعد الازاله على طول؟
لا مش على طول
الاول هتدلكى المنطقه بالليمون لمده خمس دقايق بعدين تشطفيه
او تدوبى معلقه ملح فى 3 معالق ماء وتدلكى المنطقه 5 دقايق بردو وبعدين تشطفيه
وتسيبى جسمك يهدا شويه
ممكن بعد ساعتين مثلا تبداى تدهنى بميه الترمس
النتيجه هتبان امتى؟؟؟
من اول شهر هتلاقى الشعر طالع ضعيف وفيه اماكن لم ينبت فيها الشعر وبردو دا
بيعتمد على كثافه وسمك الشعر
طب فيه اعشاب تانيه فيها ماده القلويدات دى؟
اه فيه…عشبه السعد
وبتستخدم بنفس الطريقه بس بتتنقع فى ماء مغلى
وتانى يوم يوضع فى التلاجه بعد ما تصفيه
ينفع استخدم الاتنين مع بعض؟
يا ريت..هتلاقى نتيجه مزهله وسريعه جداا
********
الجزء التانى من الموضوع الترمس الحلو او المستورد او السريع ودا اللى بيستخدم لتطويل الشعر
و منع تساقطه
ليه اسمه ترمس حلو ؟؟
لانه مش مر
يعنى مفهوش ماده القلويدات اللى بتسبب المراره
طب ليه بيستخدم لتطويل الشعر ؟؟
لانه يحتوى على ماده ال anageline
التى تعمل على
1- تقلل من تصنيع الانزيم المسئول عن تساقط الشعر
2- توصل الغذاء لجزور الشعر وتقويها عن طريق تحسين الدوره الدمويه
3- بتزود الحرق بتاع جزور الشعر وبالتالى بتزود من تصنيع ماده الكيراتين المكون الاساسى للشعر
طيب بنستخدمه ازاى؟؟
3 معالق ترمس حلو مطحون منقوع فى كوبين ماء حار ليله كامله
ثم يصفى
ويدهن بماء الترمس يوميا جزور الشعر مع تدليك خفيف
طيب لما هو بيطول الشعر ليه شركات التجميل مش استخدموه فى الشامبو او ادوات العنايه
بالشعر؟
مين قالك كدا
هما فعلا استخدموه
ما هو دا اللى اسمه بل فود pilfood
ودا فيه منه امبولات وفيه شامبو وفيه فيتامينات توخذ عن طريق الفم
طيب هبتدى اشوف النتيجه امتى؟؟
بعد شهر من الاستخدام المنتظم
بيتقل الشعر ولا بيطوله بس؟؟
بيتقله كمان وعشان اكون دقيقه اكتر ….بعد 85 يوم بالظبط كثافه الشعر هتزيد 12%
ومع المداومه النسبه بتزيد
لو وقفته شعرى هيقع؟
لا مش هيقع بس يفضل تركه بالتدريج
طيب سمعت انه الترمس بينقى البشره وبيفتحها استخدم مين فيهم؟
يعنى بذكاءك كدا هتستخدمى اللى يقلل شعر بشرتك ولا اللى يزودها
طبعا بنستخدم المر بنفس الطريقه ويستخدم كتونر
بقطعه قطنه تمسح به الوجه والرقبه بعد الغسول المعتاد
وكدا هيكون 3 فى 1
تقليل شعر الوجه
تفتيح
قفل المسام
************************************
- فوائد ماء سلق الترمس
- فوائد مياه سلق الترمس المر
- فائدة ماء سلق الترمس للشعر
- استخدام ماء سلق الترمس
- فوائد ماء الترمس
- فوائد مياه سلق الترمس
- فوائد ماء سلق الترمس الحلو
- فائدة ماء الترمس
- فائدة ماء سلق الترمس
- استخدام ماء الترمس المسلوق
