طرق عمل الفطير باللبن والسكر
مكونات العجينه:
3 كوب دقيق
1 بيضه
1 معلقه سكر
نصف معلقه صغيره ملح
ماء دافئ للعجن حسب الدقيق
باقى المكونات:
ذبده
لبن حليب سايل
سكر بودره
فاكهه خوخ انانس كيوى تفاح حسب الموجود و المفضل
مكسرات و زبيب ان وجد
الطريقه:
– نضيف مكونات العجينه الجافه و نزيد الماء الدافئ بالتدريج
لحد لما العجينه تلم و نديها عجن و لو بالعجان يبقى احسن
و ميقلش العجن عده 15 دقيق متواصله و ده بيخلى
الجلوتين ايلى فى الدقيق ينشط و يمط معانا و يبقى سهله الفرد
– نقسم العجينه كور متساويه و ندهنها زيت و نتركها ترتاح
لمده لا تقل عن نصف ساعه و كل لما تتساب ترتاح بتبقى
احسن فى الفرد
فطير بالذبده و السكر البودره و اللبن
اول حاجه بفرد العجينه على سطح مدهون زين و افردها
بالنشابه على قد ما اقدر
و بعدين امط العجين بايدى من الاطراف لحد لما يبقى عجينه
شفافه و مفروده جد
و بعدين بدهن الفطيره بالذبده و ارش عليها سكر بودره
و بعدين بطبق الفطير على بعضها زى الصوره
و بعدين بحمر الفطيره فى مقلاه تيفال بقطعه ذبده على نار
هاديه و بقلبها على الجانبين
اول لما بشيل الفطيره بقطعها و بسقيها لبن حليب سايل
و بعدين ارش عليها السكر البودره
خفيفه جدا و لذيذه جدا جدا بجد حتحبوها
- طريقه عمل قرص طريه بالسكر
- الفطير المصري بالسكر فيسبوك
- طريقة عمل الفطير باللبن
- طريقة عمل الفطير باللبن والسكر
- طريقة عمل فطير بالسكر واللبن
- عمل فطير سايل
- غمل الفطيره با للبن
- فطير باللبن والسكر قناة فتافيت
- فطيره اللبن والسكر
