حتى توصل للجزائر لازم يجيك شهاده ايواء او طلب دعوه من حدا جزائري او من
شخص مقيم و يكون معك ١٠٠٠ دولار لانو بيشوفوها بالمطار او بدو يكون معك ٤٠٠٠
دولار ساعتها مافي داعي لشهاده الايواء ، التكسي من مطار الجزائر لقلب العاصمه بياخد الف
دينار و في منن بيلطشوا اكتر و الاوتيلات اسعارها بالنسبه للاربع النجوم تتراوح بين ٧٠
و ١٠٠ دولار لليله سرير مزدوج مع وجبه فطور اما اسعار ايجارات البيوت بتبلش من
٢٥٠ دولار غرفتين و منتفعات و طبعا مو كل المناطق بتنسكن لانو في مناطق فيها
زعران و يلي بيحب يستفسر اكتر عن المناطق انا بساعدو ، اما الاكل و الشرب
فسعرهن بسعر الشام حاليا يعني في الغالي و في الرخيص كمان حسب من وين عم
تشتري و المواصلات هون تعتبر غاليه بالنسبه لدخل المواطن لانو اغلبن عندن سيارات او بيستعملوا
الباصات و القطارات و الترامواي و الميترو يلي موجود بالعاصمه .
العاصمه فيها عجئه رهيبه بتبلش من ٥ الصبح و بتهدا من بعد ٦ المسا و
الشعب الجزائري صعب التعامل معو شوي بس بيحبوا السوريين اجمالا و فرص العمل هون ماشي
الحال بس المشكله بموضوع بطاقه العمل انو بتاخد وقت و الاقامه نفس الشي لانو بيحق
للاجنبي يقعد ٣ شهور بدون ما حدا يحكي معو و طبعا اذا قعد اكتر مو
مشكله المهم ما يعمل مشاكل بس لحتى يقدم على اقامه لازم يكون اما عم يشتغل
بشركه و هنن يتكفلوا بكلشي او بدو يكون معو مصاري مشان يعمل شغل و بيعطوه
سجل تجاري و اقامه بموجب عقد الايجار تبع المنشاه و يلي بدو يجي لهون و
عامل حسابو يسوق سياره يجيب معو شهاده دوليه من الشام احسن لانو الروتين تبع الوزارات
هون اخرى من عنا .
بالنسبه للمدارس هون في حكوميه و في خاصه و المناهج هون بالعربي للمدارس الحكوميه بالاضافه
لانو اللغه الفرنسيه هي اللغه المتداوله اكتر من الانجليزي بس لازم يكون معكن اوراق الاولاد
يعني لانو صف واصلين و مافي باصات للمدارس يعني انت بتاخد الولد و انت بتجيبو
و على دوامين من ٨ الصبح لل١١ و بعدين من ١ لل ٣ و نص
و في يوم بالاسبوع من ٨ لل ١٢ الضهر هيك الوضع باغلب المدارس و اللهجه
السوريه تقريبامفهومه بس اللهجه الجزائريه يلي مالو متعود عليها بيفوت بالحيط مباشره او بدو يكون
بيحكي فرنسي لانو هون الزبال بيحكي فرنسي .
لعيله مولفه من ٤ اشخاص بدن تقريبا ١٥٠٠ دولار بالشهر بين ايجار بيت و اكل
و مواصلات
١٠٠ دولار = ١١٠٠٠ دينار جزائري و احيانا اقل شوي
١٠٠ يورو = ١٤٥٠٠ دينار جزائري و احيانا اكتر شوي
- نموذج شهادة ايواء بالعربية
- شهادة ايواء pdf
- شهادة ايواء
- شهادة الايواء
- شهادة إيواء
- نموذج شهادة ايواء pdf
- شهادة اواء
- شهادة إيواء نموذج
- نموذج شهادة الايواء
- شهادة الإيواء pdf
