كيك بجيلي المانجو
المقادير:
كوب زبده
2 كوب سكر
كيس جيلي بالمانجو
4 بيضات
1/2 كوب مانجو مهروس او مضروب في الخلاط بدون ماء
3 الا ربع كوب دقيق
2 ونصف ملعقه صغيره بيكينج باودر
ملعقه صغيره فانيليا
كوب لبن
للحشو:
جيلي مانجو بارد (في قالب بنفس مقاس قالب الكيك)
الطريقه:
1- اخلطي الزبده مع السكر بالمضرب لغايه ما يبقى الخليط عامل زي الكريمه، وبعد كده
ضيفي حبيبات الجيلي مع الاستمرار في الخلط، لغايه ما كل المكونات تتجانس مع بعضها.
2- بعد كده ضيفي بيوريه المانجو والبيض مع الاستمرار في الخلط.
3- اخلطي الدقيق مع البيكينج باودر والفانيليا، وبعد كده ضيفيهم للخليط السابق مع الاستمرار في
الخلط، وبعد كده ضيفي اللبن واضربي كل المكونات مع بعضها لغايه ما تحسي ان كلها
تجانست.
4- هاتي الصينيه اللي هتعملي فيها الكيك وادهنيها بالقليل من الزبده وشويه دقيق، وبعد كده
تخلصي من الدقيق الزياده، وبعدين صبي فيها خليط الكيك اللي جهزتيه، وساوي السطح.
5- دخلي الصينيه في فرن ساخن على درجه حراره 180، وسيبيها تستوي لمده نصف ساعه
او لغايه ما تحسي انها استوت.
6- طلعي الكيكه من الفرن وسيبيها لغايه ما تبرد خالص تماما، وبعد كده اقسميها بالعرض
الى 3 طبقات متساويه في الارتفاع.
7- حطي اول طبقه من الكيكه في طبق التقديم، وافردي عليها طبقه من جيلي المانجو،
وبعد كده حطي طبقه تانيه من الكيكه وكرري نفس الحركه مع باقي الطبقات، وبعد كده
ممكن تزيني سطح الكيكه بالكريم شانتيه وقطع المانجو وقدميها.. وبالهنا والشفا.
كاسترد بالمكسرات
المقادير:
4 اكواب لبن كامل الدسم
1/4 كوب سكر
3 ملاعق كبيره بودره كاسترد
1/2 1 ملعقه صغيره حبهان مطحون
مكسرات للتزيين؛ اي نوع انت بتحبيه (جوز او فستق او عين جمل او جوز الهند
او زبيب)
الطريقه:
1- سخني اللبن والسكر والحبهان في اناء، وسيبيهم على نار هاديه لغايه ما يغلوا مع
التقليب المستمر.
2- دوبي بودره الكاسترد في حوالي 4/1 كوب ميه، وضيفيها تدريجيا الى خليط اللبن والسكر
والحبهان، وخدي بالك انك في الوقت ده تكون النار هاديه، وتقلبي بملعقه خشبيه باستمرار علشان
الخليط ما يلزقش.
3- سيبي الخليط ده يغلي على النار كويس، وبعد ربع ساعه شيليه من على النار،
وضيفي اليه ماء الورد، ورجعيه تاني على النار لمده خمس دقائق كمان مع التقليب المستمر.
4- بعد كده هاتي اطباق التقديم وصبيه فيها، وبعد ما يبرد زيني الاطباق بالمكسرات، وحطيه
في الثلاجه وطلعيه عند التقديم.
حلويات مصريه سريعه التحضير 2024 بالصور حلويات سريعه التحضير
السمبوسك الحلو
المقادير:
1/2 لفه جلاش
1/2 كوب زبد سايحه
1/2 كيلو جبنه ريكوتا
2 ملعقه كبيره سكر
3/4 كوب شربات
2 ملعقه كبيره فستق مفروم للتزيين
مقادير الشربات:
1/2 كوب سكر
3/4 كوب ميه
عصير ليمونه
فانيليا
الطريقه:
1- اخلطي الجبنه الريكوتا مع السكر في طبق.
2- حطي رقائق الجلاش على سطح مستوي وقطعي كل ورقه جلاش لمربعات عرضها حوالي 4-5
سم.
3- خدي كل مربع وحطي فيها 2 ملعقه صغيره من خليط الريكوتا في الوسط، واطوي
كل الاطراف للداخل علشان تبقى على شكل ورده مربعه وبداخله الحشو، وبتكرري نفس الطريقه دي
لغايه ما تخلصي كل اللي عندك.. وادهني طرف كل واحده بشويه زبده علشان تلزق.
4- هاتي صينيه فرن وادهنيها بالزبده، وحطي فيها مثلثات السمبوسك، وادهني سطح السمبوسك بالزبده.
5- سخني الفرن على درجه حراره عاليه (220 مئويه)، ودخلي الصينيه الفرن لمده 30 دقيقه
او لغايه ما تلاقي ان وش اللفائف بقى ذهبي، وممكن انك تحمريها في الزيت بدلا
من وضعها في الفرن.
6- خرجيها من الفرن، وصبي على كل واحده ملعقه من الشربات البارد ورشي عليها فستق.
حلويات مصريه سريعه التحضير 2024 بالصور حلويات سريعه التحضير
كنافه مقليه بالكريمه والفاكهه
مقادير الكنافه:
1/2 كيلو كنافه
زيت للقلي
كوب شربات
كوب كريمه مخفوقه
كوب فاكهه مشكله (مانجو – تفاح – جوافه – كريز)
مقادير الشربات:
1/2 كوب سكر
3/4 كوب ماء
عصير ليمونه
فانيليا
طريقه عمل الشربات:
حطي السكر والميه كلهم مع بعض في اناء على نار هادئه لمده ربع ساعه، وبعد
كده ضيفي الليمون، وسيبيه لمده 5 دقائق لغايه ما يغلي، وحطي الفانيليا وشيليه من على
النار، وسيبيه لغايه ما يبرد.
طريقه عمل الكنافه:
1- اقلي الكنافه في زيت ساخن لغايه ما لونها ياخذ اللون الذهبي.
2- بعد ما لونها يبقى ذهبي شيليها من على النار وحطيها على ورق لامتصاص الزيت
الزائد.
3- هاتي طبق الحلويات، وحطي فيه طبقه من الكنافه واسقيها بالشربات وهي سخنه وحطي طبقه
تانيه من الكريمه والفاكهه وطبقه اخرى من الكنافه وزينيها من فوق بالكريمه والفاكهه.
