ازاى اظبط ميزانيه بيتى بسهوله
موضوعى بجد مهم للغايه وهو ازاى اظبط ميزانيه بيتى من غير ما تخلص قبل الشهر
تعالى اقولك ازاى تظبطى ميزانيتك على قد ظرووفك ومرتب جوزك تعالى هنا
اكتب الاساسيات اللى هحتجها الشهر ده
2- اقسمها
لحوم (فراخ كامله وبانيه ولحوم وسمك)
وخزين البيت(الرز والمكرونه والفول والدقيق والسكر والزيت وخلااافه)
حاجه التلاجه ومنتجات الالبان ( اللبن والجبن بانواعها والزبادى والبيض وخلافه)
حاجه البيت ( ادوات التنظيف والمناديل والبامبرز والمسحوق وخلافه)
الخضار والفاكهه
مصاريف البيت (الكهربا والميه والغاز والنت )
3- بعدين فيه اجنده عشان يتكتب فيها اللى اتصرف يوميا
وكل ما جوزى او انا نصرف حاجه نكتبها عشان نعرف فلوسنا بتروح فين و نتكسف
كل ما نجيب حاجه تافهه وملهاش لازمه …واكتر حاجه بضيع الفلوس والصحه هى الفلوس اللى
رايحه على الشيبسى والبيبسى والحاجات ديا
*******- وعشان نحوش ان شاء الله فيه افكار عشان التحويش لاااااازم نتبع اى حاجه منها:
i) تجيبى حصاله وتلمى اى جينيهات معدن تبقى موجوده معاكى او مع جوزك ( ويفضل
كل فتره تفتحيها وتطلعيها لله كصدقه… عشان ربنا يباركلكم فى فلوسكم
ii) تعملى جمعيه مع حد دى حتجبرك انك تقتصدى فى المصاريف
iii) تخدى مبلغ ما من المرتب وتبعديه عن ايديك كانه مجاااش اصلا وتنسيه خااااااالص ومتمديش
ايديك عليه الا للشديد القووووووووووووووووووووووى
iv) تشيلى كل يوم 5 جنيه مثلا( او حسب مقدرتك) وتحطيها فى حصاله كانك جبتى
بيهم شيكولاته او عصير او حاجه ساقعه ….مش حتحسى بيها ان شااااااااء الله
دى كانت شويه افكار جمعتها من كتر ما انا بدور وببحث فى موضوع التوفير ده
ومحل تنفيذ عندى ان شاااء الله
واهم حاااااااااااااااجه اللى لازم تعملها عشاااان ربنا يرزقكم من فضله و يباركلكم فى فلوسكم وصحتكم
وولادكم تكثرووووووووووو من الصدقااااااااااااااااااااات والاستغفاااااااااااااااااااااااااار وصله الارحااااااااااام
والله يا جماعه ليهم سحر خطير
يلا قولو تعليقاتكم على الكلام ده وكل واحده تدخل تقول بتعمل ايه وحتعمل ايه…
