طريقة عمل كفتة الحاتى

كيفية عمل كفتة الحاتى

 

احلى طرق اعداد الطبخات السريعة التي لا تطلب و قتا و لا مجهودا .. انها كيفية عمل كفتة الحاتى بالمقادير و الخطوات ما اطيب من ذلك

 

المقادير تكفى لفردين :

هنجيب ربع كيلو لحمة حمرا مفرومة ( 225 جم)


يبقي احنا هنحط تقريبا 70 جرام لية ضاانى ( قطعة بحجم قبضة الايد ) ..


وهنخلطهم مع بعض فالكبة كويس لحد لما يبقوا نسيج و احد و هنلاقى ان لونهم بقي فاتح ..

ثاني سرانة بنضيف رز .. و دا اللى بيعوض الدهن الزيادة و يخلى الكفتة تنفش و يبقي حجمها حلو .. و فنفس الوقت بيدى طراوة للكفته


نجيب ملعقتين اكل رز و ننقعهم فشوية مية ..


و ثم نصفيهم و نطحنهم فالكبة ضربة و احدة بس


علشان مش عايزينة ناعم لان لو ناعم هيخلى الكفتة مكتومه


عايزينة بس يتكسر و يبقي حتت صغار تبان فنسيج اللحمة ..

بصلة صغار نفرمها بالسكينة ناعم علشان ما تنزلش ميتها ..

فى طبق نخلط اللحمة مع البصلة مع الرز المطحون و نضيف رشة خفيفة خالص قرفة ما نكترش منها


ورشة بهارات او كبيبة صينى مطحونه


ونص ملعقة شاى ملح و ربع ملعقة فلفل اسود .. بس كدا ..


ولو بتحبوا عليها بقدونس يمكن تضيفوا كمان

نصبعها علي اسياخ لو مفيش يبقي نصبعها علي قلم نظيف و مغسول .. بس الاسياخ افضل


ونرصها فصينية ..

علشان ما تنشفش


+ قبل ما ندخل الصينية نسخن الفرن كويس علي درجة 200 من فوق و تحت لحد لما يسخن و يوصل للدرجة المطلوبه


بعدين ندخل الصينية فالفرن .. بدون ما نصيف سوايل و لا شئ لانها هتنزل سوايل و تستوى منها بها و ثم تتحمر


ودا شكلها فالفرن

كفتة الحاتى و لا اجدعها محل مشويات .. اسرار من مطبخ مرسم

مش بتاخد و قت .. ربع ساعة بالكتير هتكون استوت و اتحمرت و اول ما تتحمر نخرجها علي طول

+ علشان نديها ريحة الفحم


بعد ما تستوى نحطها فحلة و نحط فنجان فالنص و نحط فية الفحمة المولعة و نصب عليها الدهن اللى نزل من الكفتة او حتة سمنة سايحة و سخنه


اول ما يدخن نغطى الحلة بسرعة علشان تتشرب الكفتة ريحة الفحم

+ و بالتاكيد هتكون احلي و اجمل لو اتشوت علي الفحم بدل الفرن ..


نرصها فالاسياخ .. و نشويها يااما فوق شبكة علي الفحم …


او لو مفيش شبكة يبقي فية خطوة مهمة لازم نعملها الاول و هى تشمييع الكفته


يعنى اول ما نحطها علي الفحم نلفها باستمرار علشان اللحمة تتماسك من كل الجهات بنفس النسبة فتمسك كلها علي السيخ و ما تقعش


لان لو سيبناها علي جهة و احدة بدون تقليب الناحية اللى ناحية الفحم هتتماسك اما اللى فوق هتبقي لسة لحمة طريه


والنتيجة ان الكفتة بتفصل عن السيخ لان الجزء الاتقل اللى تحت بيشدها و تنزل علي الفحم و تسيب السيخ ..

 

 

 

• الكفته بطلع مكتومه