طريقة عمل القرع العسلى الحلو

كيفية عمل القرع العسلي الحلو

موضوعي اليوم طعمة حلو و ريحتة احلى  و هو كيفية عمل صنية قرع عسلي روعة بس بتكات تشرفك قدام عيلتك تعالي اقولك سر الخلطه  يارب اكون افدتك

 

 

• قرع سكر قطعة زبدة مقادير طبقة الباشميل 3معالق دقيق او حسب الكمية اللي هتعمليها زبدة كوباية لبن (محلي بالسكر)+المية اللي نزلت

• التحضير: بنشتري القرع و نفتحة و نضفة من البذر اللي جواة و نبتدي نقطعة شرائح رفيعة بالسكينة او بقشارة البطاطس اسهل بكتير
• الطبخ: بعد ما بنقشرة بنحطة فحلة و علية سكر (حسب الرغبه) و قطعة زبدة و اقلبهم و اهدي عليهم النار و متخفيش هو هينزل المية بتاعتة و جميع فترة اطمن علية و اقلبة و اضغط علية بالشوكة عشان يتفتفت معايا هتعرفي انه استوي الزاي لما تحسي ان شكلة بقا زي المربي كدة و ميتة نقصت منة و اما تضغطي علية هتلاقية استوى
  
  
  بعد ما ستوي شوفتوا بقا عامل الزاي (بعد ما طلعت عينة بالشوكة ) بحطة فمصفي و تحتها طبق عشان يصفي جميع ميتة و ينشف خالص و اواعي ترمي ميتة دي هقولك هنعمل بيها اية فالخطوات اللي جايه
  
  
  بعد ما لقرع صفي ميتة بفردة فصينية مدهونة زبدة و احط علية حوالي ربع كوباية لبن (اختيارى)
  
  
  وانا عن نفسي مبحبذش انني احط لبن فالقرع نفسة لاني لسة هعمل طبقة باشميل فمش عايزة الدنيا تبقي لبن xلبن
  
  
  نسيب الصينية دي بقا على جنب و نحضر طبقة الباشميل
  
  
  مقادير طبقة الباشميل بقا
  
  
  3معالق دقيق او حسب الكمية اللي هتعمليها
  
  
  زبده
  
  
  كوباية لبن (محلي بالسكر)+المية اللي نزلت من القرع فاكرينها اللي قولت مترموهاش تمام كده
  
  
  وحاولي تعادلي فالسكر لان مية القرع مسكرة يعني متزوديش كمية السكر فاللبن و دوقي الباشميل و انتي بتعملية لو احتاجتي سكر يبقي زودي على حسب احتياجك
  
  
  اول حاجة بنحط الزبدة تسيح و ثم ننزل بالدقيق نشوحة شوية كدة و ثم ننزل بمية القرع و نقلب كويس عشان ميكتلش معايا و ثم بحط ملعقة قشطة و اقلب و ثم بنزل باللبن شوية بشوية لغاية ما اوصل لقوام الباشميل اللي انا عيزاة و يحبذ يبقي قوامة متوسط
  
  
  ونحط طبقة الباشميل على القرع اللي فالصينية و نحط فوق الوش قشطة عشان الوش يحمر و يبقي لونة جمييل و كمان طعم جمييل و ندخلها الفرن لغاية ما وشها يحمر
  
  
  بعد ما خرجت من الفرن سيبها تبرد شوية و ثم تدخل التلاجة و تقدم بارده