اغاني 6 اكتوبر
افضل ما غنى من اجل احتفالات 6 اكتوبر و النصر العظيم لمصر
علي اسم مصر التاريخ يقدر يقول ما شاء
وانا مصرعندى احب و احلى الاشياء
باحبها و هى ما لكة الارض شرق و غرب
وباحبها و هى مرمية جريحة في حرب
باحبها بعنف و برقة و علي استحياء
واكرهها و العن ابوها بعشق زى الداء
واسيبها و اطفش فدرب و تبقي هى في درب
وتلتفت تلاقينى جنبها فالكرب
والنبض ينفض عروقى بالف نغمة و ضرب
علي اسم مصر
مصر النسيم فالليالى و بياعين الفل
ومراية بهتانة على القهوة – ازورها – و اطل
القي النديم طل من مطرح منا طليت
والقاها برواز ملعق عندنا فالبيت
فية القمر مصطفي كامل حبيب الكل
المصرى باشا بشواربة اللى ما عرفوا الذل
ومصر فوقفى الفراندة و اسمها جولييت
ولما جيت بعد روميو بربع قرن بكيت
ومسحت دمعى فكمى و من ساعتها و عيت
علي اسم مصر
مصر السما الفزدقى و عصافير معديه
والقلة مملية علي الشباك – منديه
والجد قاعد مربع يقرا فالجرنال
الكاتب المصرى ذاتة مندمج فمقال
ومصر قدامة اكتر كلمة مقريه
قريتها من قبل ما اكتب اسمى بايديا
ورسمتها فالخيال علي ابدع الاشكال
ونزلت ايام بنوتات طفت جميع مجال
زى المنادى و فوادى يرتجف بجلال
علي اسم مصر
النخل فالعالى و النيل ما شى طوالي
معكوسة فية الصور – مقلوبة و انا ما لي
يا و لاد انا في حالى زى النقش فالعواميد
زى الهلال اللى فوق مدنة بنوها عبيد
وزى باقى العبيد باجرى علي عيالي
باجرى و خطوى و ئيد من تقل احمالي
محنية قامتى – و هامتى كان بها حديد
وعينيا رمل العريش بها و ملح رشيد
لكنى بافتحها زى اللى اتولد من جديد
علي اسم مصر
- ٦ اكتوبر
- أغاني جميله قدامه
- اغانب عن 6 اكتوبر
- اغانى6اكتوبر
- اغاني 6 اكتوبر
- اغاني حرب أكتوبر
- اغاني حرب اكتوبر
- اغاني6اكتوبر
- تصميم ابتكاري عن انتصارات اكتوبر
