اشعار شهد الشمري كتابة

اشعار شهد الشمرى كتابه

شعر شهد الشمرى كتابة فامسة خاصة معكم زوارنا الاعزاء و هى عراقية الاصل من عائلة فنية تهوي الشعر

محتاجة كلش الك

محتاجة كلش الك يل الشاغل انت الفكر

محتاجة الك مو حجى و ارتاح من ينذكر

هنيالة من كابلك يا احلي صورة شعر

محتاجة الك ما تجى ما باقى شى بالعمر

زعلان؟ ليش الزعل زعلان انه اعتذر

بس ارجع لخاطرى صير علي نحري

عطر

صير علي جفنى كحل

حلينى بين السمر تعبنى ذرف الدمع

بس ما طفالى الجمر بركان فداخلي

ويا خوفى لا ينفجر شماخرك ما تجي

ماظل الك جميع عذر

اهلال جرحك كمل اي كمل و اصبح بدر

صدكنى حيل اتعبت حبك عسر مو يسر

اترجيت و توسلت بيك شكثر و شكثر

مافاد بيك الرجة و جبرتنى لهل امر

ما بعد اضلن شهد خليك منى حذر

واحجيهة لاتستحى كول انت طبعك

غدر

حبك تحية صبح ما تلفض بالعصر

روح و بعد لاترد شى عادى صار الهجر

الماعرف معني العشك ما بعد احطلة كدر

جانت درجتك الف بس هسة صارت صفر

مشكور سهمك

مشكور سهمك و صل مشكور ما قصرت

مو انت اول جرح كبلك جرحنى الوكت

وجنت اطمع بطيبتك و انت بدموعى طمعت

وانة اتخذتك اخو جا ليش بية اخذلت

وتكول عنى اخطئت فهمنى بيش اخطئت

واحسبنى اخوك و خطا تخسر لون سامحت

وانة اعتذرت شكثر عالماكو و توسلت

وطخيت الك هامتى و بزايد تكبرت

لتصير غيمة بسمة يلى بدليلى اثبتت

ومن دون ربح و طمع منك شفتنى طلبت

شمعة انه فرقتى و بطيبك تلذذت

تحركنى نارك حرك و كبال عينك ذبت

هلبت كسر خاطرك حالى و علية شفقت

ادرى بظميرك عدل معقولة انت المتت

معقولة كلبك جلد و بطيبك انه و همت

ضليت اشك بالعقل بس بيك ما شككت

خلينى احس بالالم بس كونك انت فرحت

ادرى الزمان اضلمك و براسى راسك خذت

ولهسبب عاذرك حاسبنى اخوك و منت

ماحسبتنى انذبح ادريك ما حسبت

لو حسبت جا كلت هسة انتة ليش عركت

يل تستحى من الهوة لو كابلك دنكت

وهذة الكتلنى قهر بس بسهم نيشنت

وبجرئة صبت الهدف لمن علية سددت

مشكور سهمك و صل مشكور

نسيتك

نسيتك اي نسيتك و انتهي الشوك

وبهاى القصيدة اتذكريتك

امس باحلى قصايد جنت اناغيك

ودلال اطفال بيهن دلليتك

الف كلمة احبك كاتبة عليك

وكتبت اليوم عنك بس هجيتك

فوك الراس شلتك شفتك انسان

ورميتك من فلا تسوة لكيتك

دفتر حسبيتك منكتب بيك

جنت ما اشوف لمن صفحيتك

اثارى بورقتك كتبوا دواوين

وانة احدث ظرير الى اشتريتك

اسود من ضميرك ثارى ما ضيك

وبمرود مذلتك كحليتك

منك ما خذت عكس المشة و ياك

خذت من روحى راحتهة و نطيتك

جنت لمن تحس تجوينى ترتاح

وانة المستعرة نارى و ما جويتك

وجنت يومية تعشك و احد اثنين

وعلي الحبونى كلهم فضليتك

ما نادم هجرتك جان مفروض

كبل كلشى الخلص تخلص قضيتك

• شعر شهد الشمري
• اشعار شهد الشمري
• اشعار شهدالشمري كتابه
• اشعار شهد الشمري كتابة
• شعر كتابة
• شهدالشمري
• شهد الشمري شعر حب
• شعر كتابه
• اشعار كتابة
• اشعار كتابه