نصائح منزليه عامه للمطبخ
موضوعنا اليوم نقدم لكم ارووع النصايح المنزليه لست البيت الشطوره اللى تحب تبقى مميزه عن
جارتها فقرت مدونتنا اعطاء شويه نصايح لست البيت فيارب تنال اعجابكم
عارفين ليه البطاطس المحمره هيه الاكله الوحيده اللى اجتمع الناس على حبها ؟؟؟؟؟!!!!!
١- البطاطس المحمره لما تتقلى بتبقى عاده مقرمشه من بره و طريه من جوه .
– عشان كده لما حد يعمل معاك موقف سخن اوى حاسسه بس انك زعلان منه
و خد موقف بس خلى قلبك ابيض و طرى ( طيب يعنى) مش ناشف و
سامح عشان ربنا بيسامح .
٢- البطاطس المحمره تلاقيها عند ماكدونالدز و برضه تلاقيها عند بتاع الفول و الطعميه ،
– يعنى انت كمان خليك زى البطاطسايه ما تتكيرش على حد و صاحب كل الناس
غنى او فقير .
٣- البطاطس المحمره بتتقدم مع حاجات كثير : مايونيز ، كاتشب ، صلصه ، طحينه
بس بتفضل فى الاخر اسمها بطاااااطس ،
– مهما اتعرضت لثقافات و بيئات مختلفه احتفظ دايما بشخصيتك المستقله و طريقه تربيتك و
خلى الناس هى اللى تتاثر بيك .
٤- البطاطس كمان ممكن تبقى شيبسى و اول حاجه تيجى على بالنا لما نحس بالجوع
و احنا بره البيت .
– ساعد الناس دايما و خليك اول واحد ييجى على بالهم لما يقعوا فى مشكله
خليك جدع زى الشيبسى.
٥ البطاطس المحمره لو اتهرست بتبقى برضه طعمها حلو و ممكن نسميها ” بطاطس بيوريه”
– مهما الدنيا تهرس و تبهدل فيك خليك شخص كويس و لذيذ و قول انا
بطاطسايه بيوريه
– عشان تبقى محبوب من كل الناس : خليك بطاطس
و لما حد يقولك ازيك يا بطاطس، تعرف انك احلى و اجدع صاحب فى الدنيا
- نصاءح للمطبخ أفكارمنزلية
