معلومات مفيده جدا لست البيت
موضوعى اليوم يهم ست البيت الشطوره ونقم لها معلومات مفيده جدا لكى نجعلك سوبى ستار
فى بيتك وشطوره فجمعت ليكى معلومات سحريه لكى تنال اعجابك
حطي في ملاحه الطعام .. كام حبايه رز عشان الملح ميتجمدش منك في ايام الرطوبه
2 . لو عندك شرابات بيضاء اللون .. عاوزاها تبقي زي الفل ..
انقعيها الاول نص ساعه في مايه سخنه ومعاها لمونه متقطعه شرائح .. هتفرق كتير في
النضافه
3 . لو بتستعملى شموع في بيتك و حابه انها تعيش و تقعد فتره اطول
و متخلصش بسرعه .. حطيها قبل الاستخدام بفتره في الفريز . كده هتعيش معاكي اطول
4 . لو جبتي جزمه جديده ليكي او لحد من اولادك او حتي جوزك و
اكتشفتوا انها بتعمل صوت اثناء المشي ( بتزيء) هاتي زيت و دفيه او سخنيه و
هاتي قماشه و ادهني النعل و الجناب بيه .. والصوت هيختفى تماما
5 . لو حطيتي كوبايتن جوا بعض و معرفتيش تخرجيهم .. حطي الكوبايه الي تحت
في مايه سخنه جدا .. و صبي في اللي فوق مايه ساقعه جدا . هينفصلوا
بسهوله
6 . لو بتستعملى مفرمه لحمه في البيت . و حابه انك تنضفيها يسهوله ..ومن
غير ما تسيب اثر لريحه اللحمه فيها .. بعد ما تخلصى الفرم هاتى قطعه عيش
ناشفه و افرميها جواها .. و اغسليها . هتلاقي غسيلها سهل و مفيش روايح
7 . لو الانتريه او السجاده او اي مفرش عندك اتبقع . اتعاملى مع تنضيفه
بطريقه الضغط .. مش الدعك . لانك لو دعكتي البقعه هتنتشر و تكبر اكتر ..
انما هتجيبي فوطه نضيفه و فيها المنضف بتاعك و تضغطي مره ورا مره لحد ما
البقعه تختفى تدريجيا .
8. لو عندك دهون في البوتجاز صعبه التنضيف .. هتجيبي مايه دافيه و نقطتين سائل
تنضيف الصحون و 3 معالق كبيره خل .. هتفرق معاكي كتير و بدعكه خفيفه الدهون
هتنضف .
9 . عشان تقللى كتير من ريحه السمك المقلى جوا البيت .. حطي في الزيت
الي هتقلى فيه نص لمونه او او نصيين . هتقلل من الريحه كتير
10 . لو عندك في التلاجه صدا او خدش مشوه شكلها نضفى المكان المخدوش او
المصدي كويس و هاتى منوكير ابيض او كوريكتور و ادهني المكان ده و سيبيه ينشف
.. و هتلاقي الشكل بقي احلى كتير من الاول
