اغانى 6 اكتوبر
اروع ما غني من اجل احتفالات 6 اكتوبر والنصر العظيم لمصر
على اسم مصر التاريخ يقدر يقول ما شاء
وانا مصرعندي احب واجمل الاشياء
باحبها وهي مالكه الارض شرق وغرب
وباحبها وهي مرميه جريحه ف حرب
باحبها بعنف وبرقه وعلى استحياء
واكرهها والعن ابوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بالف نغمه وضرب
على اسم مصر
مصر النسيم في الليالي وبياعين الفل
ومرايه بهتانه ع القهوه – ازورها – واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوقفي الفرانده واسمها جولييت
ولما جيت بعد روميو بربع قرن بكيت
ومسحت دمعي في كمي ومن ساعتها وعيت
على اسم مصر
مصر السما الفزدقي وعصافير معديه
والقله ممليه على الشباك – منديه
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمه مقريه
قريتها من قبل ما اكتب اسمي بايديا
ورسمتها في الخيال على ابدع الاشكال
ونزلت ايام صبايا طفت كل مجال
زي المنادي وفوادي يرتجف بجلال
على اسم مصر
النخل في العالي والنيل ماشي طوالي
معكوسه فيه الصور – مقلوبه وانا مالي
يا ولاد انا ف حالي زي النقش في العواميد
زي الهلال اللي فوق مدنه بنوها عبيد
وزي باقي العبيد باجري على عيالي
باجري وخطوي وئيد من تقل احمالي
محنيه قامتي – وهامتي كان فيها حديد
وعينيا رمل العريش فيها وملح رشيد
لكني بافتحها زي اللي اتولد من جديد
على اسم مصر
- ٦ اكتوبر
- أغاني جميله قدامه
- اغانب عن 6 اكتوبر
- اغانى6اكتوبر
- اغاني 6 اكتوبر
- اغاني حرب أكتوبر
- اغاني حرب اكتوبر
- اغاني6اكتوبر
- تصميم ابتكاري عن انتصارات اكتوبر
