شعر نبطى عن الحب
تنوعت واختلفت انواع الكتابه فى الشعر فهناك الشعر العامى وهناك النبطى ويعتبر الشعر النبطى هو
من الشعر العربي المنظوم بلهجه الجزيره العربيه.
شعر نبطى عن الحب
اللي يقول الحب ولى زمانه
مايدري ان الناس مايستووني
صحيح بعض الناس خان الامانه
لكن بعظهم مانوى انه يخوني
الحب بقلوب البشر له مكانه
البعض صانه والبعض مايصوني
اللي يصونه يهتني في كيانه
يلقى لطعمه الف شكل ولوني
يعيش فيه ويرتوي من حنانه
ولا يظن بسيئات الظنوني
واللي ماصانه صار محبط وهانه
يقول ولى قبل جيله يجوني
ماغير يسمع فيه ياليل ادانه
يفكره روتين ولا فنوني
مايدري ان الحب عظيم شانه
ممزوج بارواح البشر والشجوني
الحب اكبر من مجرد ميانه
ماهو كلام اعجاب شخص يموني
الحب يلوي القلب كالخيزرانه
ويميله يم الحبيب الفتوني
غصب عليك الحب يفلت عنانه
ماينتظر جوارحك يذنوني
بس البشر فيهم جحود ولعانه
ون صادفك مكروه جو يشمتوني
والحب ماله ذنب يقتل عشانه
بعض البشر للحب مايرحموني
اما البعض ..فالحب فيهم ديانه
واحبابهم بقلوبهم يسكنوني
هذا جوابي ..يامدور بيانه
كل البشر للحب ما يستووني
