شعر مصري مضحك

يلي فتحت البتاع فتحك عل مقفول

لان اصل البتاع واصل عل موصول

فاي شيء في البتاع الناس تشوف على طول و الناس تموت في البتاع فيبقى من
مسوول؟

و ازاي حتفتح بتاع في وسط ناس بتقول بان هذا البتاع باب الخراب بالطول

لان حته بتاع جاهل غبي مخبول امر بفتح البتاع لانه كان مسطول

و بعد فتح البتاع جابوا الهوا المنقول نكش عشوش البتاع و هد كل اصول و
فات في

غيط البتاع قام سلل المحصول و خل لون البتاع اصفر حزين

و ساد قانون البتاع و لا عله و لا معلول فالقاضي تبع البتاع فالحق عالمقتول

و الجهل ساد في البتاع و لا مقري و لا منقول و الخوف سرح في
البتاع خل الديابه تصول

يبقى البتاع في البتاع

والناس صايبها ذهول و الحد قال للبتاع يقولولوا مش معقول

و ناس تعيش في البتاع و ناس تموت بالفول

و ناس تنام عالبتاع و ناس تنام كشكول

ادي اللي جابه البتاع

جاب الخراب مشمول لان حت البتاع مخلب لراس الغول

باع البتاع بالبتاع و عشان يعيش على طول

عين حرس بالبتاع و برضه مات مقتول

و ما يضحك ايضا من الشعر المصري :

كان كلب الست ام كلثوم هجم على واد مر جنب قصرها

في الزمالك من سنين و في حمى النيل القديم قصر من قصر اليمين ملك وحده
من الحريم

صوتها اكتر من الاذان يسمعوهالمسلمين و التتار و التركمان و الهنود و المنبوين

ست فاقت عن الرجال في المقام و الاحترام

صيت و شهره و تل مال يعني في غايه التمام

اصله يعني هي كلمه ليها كلمه في الحكومه

بس ربك لاجل حكمه قام حرمها من الامومه

و الامومه طبع ثابت جوا حوى من زمان

تعمليه الست جابت فوكس رومي و له ودان

فوكس دا عقبال امانتك له دسته خدامين

يعني مش موجود في عيلتك شخص زيه يا اسماعين

و اسماعين ده يبقى واحد من الجماعه التعبانين

اللي داخوا في المعاهد و المدارس من سنين

حب يعمل واد فاكاكا و يمشي حبه في الزمالك

و الايامه و الفتاكه يرموا طبعا عالمهالك

عمي سمعه من ايامته حب يعمل فيها فيلا

بعد ما بوظ بجامته اشترى حته مجله

قول مش بيعرف حكايه من حكايات الغرام

و اندماجه في القرايه خلا مشيه مش تمام

عاليمين يحدف بعيد خطوتين و يروح شمال

لمحه فوكس من الحديد قال : دا صيد سهل و حلال

هوب نط فكرشه دغري جاب بجامته لحد ديلها

و اسماعين بدل ما يجري قال: يا رجلي رجلي مالها

بص شاف الدم سايح من ععاليها و من واطيها

و يلي جاي و يلي رايح المجله مش لاقيها

حبه و اتلموا الضنايا اللي هما البوابين و الهكايا و الهوايا قالهم ده كلب مين

كلب مين ما كلب منش سمعه زود حبتين

قاله واحد فيهم امشي اللي جابك عنده مين؟

قال ده شارع يا مواشي للي راكب و اللي ماشي

كلبه من ده و كلمه من ده زاطوا و ترسمت فضيحه و النهايته و القصد
من ده اسماعيل اكل الطريحه

راحوا قسم الشرطه طبعا و ترموا في الحجز طبعا لان ما ييجي الدور معاه

تفتكر يفضل سي سمعه قد ايه في الغسم نايم

استضافه الحجز جمعه يا بلاش ادي العزايم

هيص يا كلب الست هيص لك مقامك في البوليس بكره تتولف وزاره للكلاب ياخدوكرئيس