قصيده شعريه عن الوطن المغربي
من اجمل ماقيل عن المغرب من قصايد
كي نهدر معاك حاولي تفهميني
و اللي راه في قلبك غير هدريه
نا ما قلتلكش بالسيف بغيني
قلبك من حقوا يعشق اللي يبغيه
نا طلبت منك غير تصارحيني
و لو بخط بريه واش عليه
جوابك كيما كان يربيني
و ما تهمنيش كلمه لالا ولا يه
غير كلمه , تفري اللي بينك وبيني
و تريحني من لعذاب اللي راني فيه
يا الغاليه راكي عييتي ني
وقتاش قلب العاشق تفهميه
طبطبت و ناديت ما جاوبتيني
ما عرفتش علاش بابك بلعتيه
لو صرالك ما صرالي تعدريني
نا همي غير ربي اللي عالم بيه
محقور في عشقك حقرتيني
قلبي كان هاني و نتي هولتيه
مظلوم في غرامك ظلمتيني
و جميع من ظلم الدنيا دارت عليه
بريء و بسكاتك تهمتيني
ربي يحاسبك على الشيء اللي درتيه
درتيني عدوك في قفصك سجنتيني
عماتك الدنيا عقلك ودرتيه
في سجن لعذاب وحدي خليتيني
بلعتي لبواب و المفتاح ديتيه
لكن ربي كريم و قادر ينجيني
و ما بقالي غير نوكل مري ليه
قادر المولى يبليك كيما بليتيني
و يسجنك فالقفص اللي راني فيه
ما طلبتش المحال غير حاجه تكفيني
صارحيني و اللي في قلبك هدريه
نا حتى لو كان نعرف بلي تكرهيني
نحلف على وجهي ما تزيديش تشوفيه
ما نبكيلك ما تطيح دمعه من عيني
لو كان يبكي قلبي نقلعه نرميه
نبغيك , نبغيك ومانرضاش باش تذليي
و لو نموت , الذل ما نرض بيه
نا نموت غير فالقلب اللي يبغيني
و اللي باعني تدور الدنيا نشريه
نتي صاح طفله شابه تعجبيني
و هاد الشي لازم عليك تعرفيه
و ماتقدريش تعرفي حتى تعرفيني
و باش تعرفيني لازم عقلك تكاكيه
هامل في قلبي و زدتي هملتيني
الهامل هموم اللي عداها تكفيه
راني كي الطير في قفصك سجنتيني
و اللي فديته بدمعه ربي عالم بيه
- قصيدة حب الوطنالمغربي
