شعر مدح صديق
اشعار رائعه نقدمها لكم تضم بيوت شعريه عتاب ولوم وتبين اهميه الصديق العزيز لاتجعلها تفوتك
كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق
____________________________
يا سائلا عني من القلب لبيه..
صوتك عزيز وغصب عنا نلبيك..
مثلك من الاجواد لاشك نغليه ..
ونفتح لك ابواب الخفوق ونحييك ..
واشري رضى من يشتريني وارضيه..
واقول له بالروح والعين نشريك…
___________________________________
سر يا قلم و اكتب من المدح ما طاب
في الي جزيل المدح يستاهلونه
ناس مزايين و الرجا فيهم ما خاب
الروح و القلب فدى لهم لو يطلبونه
و اكتب لهم شيك محبه مفتوح الحساب
يسحبون من رصيد الغلى و ابد ما ينقصونه
________________________________________
كتبه شعري عسى شعري يجود
بالحروف اللي حلاها من حلاك
كل حرف ما بلغ وصفك حسود
لعنبو قاف عجز يلحق مداك
_________________________________
لو اكتب احساسي بالشعار وبديه..
فيك المشاعر كيف بس اختصرها..
قدرك كبير ويعجز الشعر يوفيه..
كل القصايد فيك ينضب بحرها..
رفع يديني وسل الله ورجيه..
ينجيك من شر الحياه وكدرها..
_____________________________
من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري ش سميك
كل الخصال النادره ينتمن لك
الطيب كنه شابك ايديه فيديك
ان كان له صاحب فهو صاحبلك
_ والله ماني على مدح الرياجيل بخيل
خاصه لا جيت امدح في زحول الرجال
المشكله مدحهم حمل لا شلته ثقيل
من ثقلها ما يقدر عليها كبار الجمال
حتى لو تحاملت على حملها لابد يميل
مال الجمل حيله على حمل الاثقال
اجل وش حيله قلم بالقصايد يخيل
في معانيها صدق من مزون الخيال
قصيده ماهي غزل فالطرف الكحيل
ولا هي عتاب وشكوه حال دون حال
قصيده مدح في ذاك الشهم الاصيل
- اجمل مدح في الصديق
- صور الصحاب
