شعر عن الصدق والكذب
الصدق اجمل الصفات فى الانسان ووصى به نبينا المصطفى صلى الله عليه وسلم والكذب
من صفات ابليس اللعين ونهان عنها سيدنا محمد صلى الله عليه وسلم
الصدق مفتاح القلوب المقافيل
ياماحلا طعمه ولونه وريحه
لونه بياض وريحته كنها الهيل
والذ من طعم الشفاه المليحه
بس اعذورني ماعلى الوصف تهويل
ايجمل الاخلاق لو هي شحيحه
له وقفه عند النسا والرجاجيل
مايثبت الا فالنفوس الصحيحه
لوه مره ماضيعوها المشاكيل
ولوه رجل مافيه بنت تزيحه
اتعب على الصادق وكب المهابيل
هذي النصيحه كان تبغى النصيحه
والكذب ماحبه ولا فيه تحليل
ياخنز ريحه والوصايف قبيحه
لونه سواد مجهم كنه الليل
واجمل وصوفه سرعته في مطيحه
ماتلقطه مرات لو جبت دربيل
لكن تحرص يوم تسمع فحيحه
حبله قصير وقطعته المقابيل
هراجه المقفي تعده ذبيحه
امسيلمه وابليس والقال والقيل
ذولا معازيمه وياهي فضيحه
جنب عن الكذاب مافيه تبجيل
- اشعار عن الكذب والصدق
- الصدق الحبيب
