المطاعم:
على الكورنيش عندك 4 مطاعم رااااقيه ولها جلسات كوفي خياااال
وكلها جمب بعض وفي مباني ملتصقه بس كل مطعم له ديزاين مختلف وعل البحر مباشره
اسعارها شوي عاليه بس مو كلها وهي جمب بعض :
1- براشا ( برازيليا) : مطعم مكسيكي بوفيه مفتوح الشخص 150 بدون المشروبات
يقدمولك 15 نوع من اللحوم المشويه
( غزال- دجاج-سمك-حاشي- بقر-ربيان-غنم………..الخ)
واحلى شي انك بس تاخذ السلطات بنفسك وبعدها تجلس وهم يلفوا عليك بالمشويات
باسياخها ويكون عندك على الطاوله طبق منوع من الخضار والسلطات والرز.
2- السمبوك: اكلات بحريه اسعاره مبالغ فيها وانا اشوف البقيه افضل منه.
3-لاقونا: مطعم ياباني يقدم كل الاكلات عربيه وهنديه واوروبيه واحلى شيء
جلساتهم اللي عالبحر.
اسعاره شوي عاليه بس حلووو.
4- مطعم ايطالي : مو متذكره اسمه ولا جربته.
الجهه الثانيه من الكورنيش اللي هي جهه ماكدونالد:
حتلاقي فيها اغلب المطاعم السريعه والكافيات
عندك مطعم وكوفي:
بونا بانانا: فطورهم مررره حلووو واجهاته قزاز تشوف البحر والكورنيش وانت جالس هذا بالنسبه للي
فوق.
واللي تحت المطعم الرئيسي اكلهم جيد جدا
اسعارهم معقوله.
بابا هباس: لبناني اظن واكلاته حلوه واسعاره معقوله وعلى البحر.
وفيه جمبه كام مطعم ناسيه اسمائهم من ضمنها
مارينا: اكلات بحريه بس اسعاره مبالغ فيها.
وعندك المطاعم اللي بجوار قاعه السيف
اظنها 4 مطاعم اولها :
مطعم البلد: مطعم لبناني اكلهم سيء جدا
واسعارهم ناااار
مطعم ايشين قريلد : مشويات اسيويه اسعاره شوي غاليه
بس مو متذكره اذا حلو او لا.
مطعم ساندوتشات اسباني: ماعليه زين واسعاره غاليه شوي,
مطعم بيتزا:اكلهم حلوو واسعارهم معقوله.
وفيه على البحر مجمع كااامل جمب مكتبه جرير مطاعم وكافيات كلها حلوه
الكافيات فخمه جدا وجلساتهم حلوووه وتقدم فطور بس اسعارها غاليه.
من اشهرها :
ابل بيز: حلو
الاصفهاني: رااائع واكله مررره حلو
اسعاره يعني معقوله.
بالنسبه لداخل الخبر:
موغل: لا انصحك فيه ابدا اكلهم حلوو لكن وسخيييين جدا
وانا شفت بعيني العامل يجيب الصواني من شقق العماله الخلفيه.
كوبر شندني: مطعم هندي اكلهم حلو
اسعارهم غاليه شوي
بس خدمتهم سيئه بطيئين جدا.
مطعم التنور: اكلهم رووووعه كل شي موجود
واسعارهم حلوووه.
الوزان: معروف اكلهم مررره حلو جلساتهم عاديه
اسعارهم حلوه بس ازعاج وزحمه.
المطاعم الشعبيه:
فيه مطعمين جديده في العقربيه قريب من الراشد:
ماضينا: اكلهم رااائع وجلساتهم مناسبه للعوائل وفيها خصوصيه على شكل غرف بديكورات شعبيه.
اسعارهم جدا حلوه.
روازن: جدا رائع وجمب ماضينا لكن راقي اكثر من ماضينا وطريقه الضيافه عندهم حلوه يقدمولك
قهوه وشاي مجاني
اكلهم حلووو جدا
بس اغلى من ماضينا لكن يستاهل التجربه.
مطعم فلامنقو: جمب ساكوا في العقربيه
على شارع الظهران
اكلهم مرررره حلو
اسعارهم معقوله.
