مقال فى حب مصر وطنى مصر , ما اجملها من كلمه عظيمه حبيبه الى القلوب ,
تتغنى بها الالسنه , وتنطق بها الشفاه من جيل الى جيل , فما اطهرها من
معنى يثير فى النفوس اسمى المشاعر , واعذب الذكريات انها جنه الله فى ارضه ,
وكنانته , من ارادها بسوء قصمه الله , فحب الوطن طاعه وعباده , والموت من
اجله شهاده .
قال رسول الله (ص) : ” من مات دون ارضه فهو شهيد ” , وطنى
مصر الحبيب , الذى اكلت من خيراته , وشربت من نيله , ومشيت على ارضه
, وعشت تحت سمائه , وتعلمت فى مدارسه , حب يسرى فى قلبى ودمى
وهذه كلمات فى حب مصر
نحن الجنود
ابناء الاسود
ابناء من عبرو وحطمو القيود
ابناوك يا مصر الخلود
نعاهدك يا مصر بان نكون
فوق الجبال تحت التلال امامها اسود
سفينه الحق تجرى امامك يا مصر
تحمى السلام
تبث الامان ترمى الورود
شراعها يطوى السماء
يشق البحار والانهار يبغى النهوض
يا مصر اذا كانت حياتنا ثمن بقاءك
ها هيا تبغى الخلود
نحن الجنود نطوى السماء
نرفع الرايات خلف الحدود
شعارنا للمجد للعلا للصعود
مصر الخلود بحمى رجالك الفهود
لن نخاف الموت وبدمائنا نحمى العهود
واذا العدو يوما تطاول
فنحن يا مصر الصمود
بالامل لا بالغرور نحقق السلام نبث الامان نرتقى الى العلا الى الامام
يا مصر عشتى وعاشو رجالك
اوفياء اقوياء شجعان
كانو يا مصر النور
لما كان فى الدنيا الظلام
كانو يا مصر السفينه
لما كانت ساعه الطوفان
رجالك يا مصر حربو
ضحو عبرو
رجالك يا مصر قالو
تحيا مصر ويسقط الطغيان
بص شوف يا جندى واسال
عن رجال كانو هناك
على ارض سينا الغاليه
فوق الرمال وقفين
صحيين وسلحهم بين ايديهم
وحالفين ما ييجى يوم عليكى يا مصر تعيشى فى ظلام
بص شوف يا مصرى واسال كام سنه عشنا فى سلام
ومين يا مصرى ضحى بحياته
ومين يا مصرى عايش ولسه شايل ذكرياته
كلام في حب مصر:
مكتوب في بطاقتي الشخصيه
انا دمي سكر زي النيل
وملامحي ملامح مصريه
والنيل مرسوم جوه عروقي
وعيوني عيون فرعونيه
وخدودي جبالك وهضابك
وصوابعي صوابع عسليه
وشفايفي باسمك موشومه
و صوتي نغم سمسميه
مكتوب في بطاقتي الشخصيه
الصبح انا بفطر علي شوفك
وعشايا حبك يا بهيه
والليل بتمشى علي شطوتك
عاشق لياليكي السحريه
والقلب معلق في هواكي
علي قد ما كان عشقك ليا
وكمان مكتوب جوه بطاقتي
علي روح الوحده الوطنيه
مكتوب في بطاقتي الشخصيه
كلام في حب مصر:
مصر ياام الحضاره والعصر مصر يا ام الطيابه والاصل
مصر يا ام النيل الجديد مصر يا ام الوادي الجديد
مصر بلادي احبها من كل دمي وفوادي
مصر ياام الاراضي الخضراء مصر يا ام السماء الزرقاء
مصر يا ام العلم والعلماء مصر يا ام الفقه والفقهاء
مصر بلادي احبها من كل دمي وفوادي
مصر يا ام الجبال الصفراء مصر ياام النخيل الخضراء
مصر يا ام المياه العذباء مصر يا ام القلوب البيضاء
مصر بلادي احبها من كل دمي وفوادي
مصر يا ام الشعر والشعراء مصر يا ام امير الشعراء
مصر ياام المنيا عروس الصعيد في الدنيا
مصر يا ام الاسكندريه عروس البحر الابيض دي حاجه تانيه
كلام في حب مصر:
على اسم مصر التاريخ يقدر يقول ما شاء
انا مصر عندي احب واجمل الاشياء
بحبها وهي مالكه الارض شرق وغرب
وبحبها وهي مرميه جريحه حرب
بحبها بعنف وبرقه وعلى استحياء
واكرهها والعن ابوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بالف نغمه وضرب
على اسم مصر
مصر النسيم في الليالي وبياعين الفل
ومرايه بهتانه ع القهوه .. ازورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى حبيب الكل
المصري باشا بشواربه اللي ما عرفوا الذل
ومصر فوق في الفرانده واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
انا اللي اسمي حتحور .. انا بنت رع
مثال الامومه ورمز الحنان
تفيض حلماتي وتملا الترع
وتسقي البشر كلهم والغيطان
نهايته يا مصر اللي كانت اصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتوره ف ابو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون امم متفسخه تعيش ليش
وحصان صهل صحى جميع الجيش
على اسم مصر
النخل في العالي والنيل ماشي طوالي
معكوسه فيه الصور .. مقلوبه وانا مالي
يا ولاد انا ف حالي زي النقش في العواميد
زي الهلال اللي فوق مدنه بنوها عبيد
وزي باقي العبيد باجري على عيالي
باجري وخطوي وئيد من تقل احمالي
محنيه قامتي .. وهامتي كان فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات احرف الساكنه اللي شاحنه ضجيج
زوم الهوا وطقش موج البحر لما يهيج
وعجيج حوافر خيول بتجر زغروطه
حزمه نغم صعب داخله مسامعي مقروطه
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبره مربوطه
اسمعها مهموسه والا اسمعها مشخوطه
شبكه رادار قلبي جوه ضلوعي مضبوطه
على اسم مصر
وترن من تاني نفس النبره في وداني
وموشر الفرحه يتحرك في وجداني
واغاني واحشاني باتذكرها ما لهاش عد
فيه شيء حصل او بيحصل او حيحصل جد
او ربما الامر حاله وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه اسمه قمح اليوم وامس وغد
ومصر يحرم عليها .. والجداليشتد
- بحث عن حب مصر
- اجمل نغمه مصريه مجننه مصر للطيران
- مقال في حب مصر
- مقالات في حب مصر
