مانوع العجينه المستخدمه في الاوزي
الاوزى هى اكله بعجينه ولكنها اكله رائعه تعرف على المقادير الخاصه بها وطريقه تحضيرها وايضا
تعرف على الطريقه التى من خلالها تتم تحضير الاكله الاوزى الرائعه
دجاج
رز حبه طويله
عجينه رقائق – نوع الهنا المفضل عندي وسهل الاستخدام –
لحمه مفرومه
بصله مفرومه ناعمه
خضار مشكله -جزر – بازيلاء- ذره – حسب الرغبه طبعا
بهارات مشكله
ملح
كاري
ورق غار
لوز للزينه
بننقع الرز وبنكون مجهزين الدجاج مقطعينه ومنظفينه بنغلي ماء ساخن وبنقلي الدجاج بملعقه زيت بالطنجره
وبس يتغير لونه وينزل عنه الماء بنصب عليه الماء المغلي وبنضيفله بهارات مشكله وكاري وملعقه
صغيره قرفه وورق غار وملح وبنتركه يغلي وعلى جنب بنحضر مقلاه بنقلي فيها لحمه مفرومه
مع بصله مفرومه ناعمه وبنضيفلها بهارات وملح لما تستوي بنشيلها وبنفس المقلاه بنقلي خضار مشكله
جزر وبازيلاء واللي بحب ينوع ممكن طبعا وبنشيله لما يبلش يتذبل وبنقلي اللوز -المكسرات –
بكون بهالفتره الدجاج صار جاهز بنشيله من الطنجره وبنشويه بالفرن او بنتركه زي ما هو
حسب الرغبه – وبنضيف الرز للطنجره بعد ما نصفيه وبنطبخه عادي بس يستوي عنا الرز
بنفرغه بسدر كبير وبنخلط معه اللوز واللحمه والخضار وبنقلبهم كويس وبنحضر عجينه الرقائق بنطلعها من
الفريزر قبل بفتره وبنحتفظ فيها بقطعه قماش رطبه حتى ما تيبس معنا وتظل لينه وتسهل
علينا الشغل
بزبديه متوسطه من زبادي السلطه او الشوربه بنفرد الرقاقه اذا حسيتيها كثير رقيقه ممكن تستعملي
2 فوق بعض حتى ما تتفدق ويطلع منها الرز وبتملئي الزبديه بالرز وبتسكريها وبتقلبيها بتطلع
معك زي ما بتظهر بالصوره بالزبط وبنزينها باللوز واحيانا بدهن وجهها بالسمنه مع انه مش
ضروري وتدخل الفرن حتى تتحمر الرقائق ويصبح لونها ذهبي من تحت ومن فوق وصحه وعافيه
… تقدم مع سلطه الخيار باللبن
