كلمات عن اخ

كلمه عن الاخ فالاخ هو اجمل النعم التي وهبها الله لنا يساعدنا على تخطي الازمات
في الحياه فما اجمل ان يكون اخوك بجانبك يحفزك ويعاونك في حياتك

قصيده في الاخوه :

ياصاحبي لاتشتكي الوقت والحال

خل الذي في قلبك اليوم خافي

ما كل حكي يا ابيض القلب ينقال

و لا كل عمر من شقى الحال غافي

رح و اشتكي للي له الكل رحال

و ارفع كفوفك له ترى الله كافي

و اعرف ترى كل من همومها شال

و لا عاد شفت اللي من الهم صافي

ما انت الوحيد اللي شكى الوقت و الحال

و ما انت الوحيد اللي له الوقت جافي

اكذب عليك ان قلت لك خالي البال

ياما مشيت الدرب و النور طافي

همي بقلبي يالخوي اتعب الحال

دمعي بعيني رقص اليوم قافي

انت الرفيق اللي بهالكون ما مال

لا ضاق صدري منهم القاك لافي

ترى غلاك اليوم ثابت و لا زال

و لا عاد ابي ربع القلوب المقافي

خذني يمينك وابشر بذرب الافعال

لامشي معك لو وين كان انجرافي

اقسم قسم انك على الراس تنشال

خذ من قصيدي وشوف جل اعترافي