كلمات شعر

كلمات شعر كتير رائعه بكلمات من ذهب كلمات جمعت بين الاحساس والجمال

1: الذهب

يا كثر ما رافقت خلان واحباب
ويا كثر ما في شدتي هملوني

على كثر ما اعدهم ستر وحجاب
على كثر ما احتجتهم واتركوني

من صارت الخوه ثمن حفنه تراب
نفس الوجيه اللي نصوني… نسوني

من غير ذكر فروق وعروق ونساب
كانوا ثلاثه …والثلاثه جفوني

علمتهم وشلون الهداف تنصاب
ولما سواعدهم قوت… صوبوني

عشاني اصغرهم عمر صاروا احزاب
عشاني اصدقهم قصيد اظلموني

اللي نجاح اسمي زرع فيهم انياب
حتى النصيحه ما بغوا ينصحوني

دام العطايا عندهم دين وتعاب
والله لو اطلب ذنبهم ما عطوني

طالب نصيحه كني طالب ارقاب
وهي نصيحه؟!كيف لو زوجوني؟

كنت اكتب لنفسي مشاريه وعتاب
ولا ادري ان اللي قروني… قروني

تضاربت من دوني عقول ولباب
واجد بغوا غيري… وواجد بغوني

قفل هدب… تسهر على شعري اهداب
كني حبست ارقادهم في جفوني

لو شفتهم واحد… يشوفوني اسراب
من وين مالدوا نظرهم لقوني

ثري وجودي بينهم محرق اعصاب
ومزعل بعضهم من بعض لو طروني

يا كبري بعيني ونا توني شاب
واهم كتاب الشعر حاربوني

حتى ولو يهوي على نجمي شهاب
يكفيني ان اسمي كبير بعيوني

كد قال ابوي: ان هبتهم قول: ما هاب
لو يقدرونك قول: ما تقدروني

مادام قبري محتضن راس مرقاب
على كثر ما تقدرون ادفنوني

لو ماني بذيب انهشت عظمي ذياب
لو ما عرفت اثبت وجودي لغوني

لو ما سكنت وجيههم مت بغياب
لو ما قدرت امحي ورقهم محوني

صبحت الصعب لنهم كانوا اصعاب
جننتهم مثل ما جننوني

ماجيت ابدبل كبدهم شعر وخطاب
لين ادبلوا كبد الذي خلفوني

يا ويل وجهي كن للدمع مخلاب
ما جف ماه ولا استحى من طعوني

كل ما طرالي منظرمريب ورتاب
كان الوحيد اللي يحرك شجوني

قبله صلاه،وذكر وخشوع وكتاب
ومي على سجاده النور دوني

تدعي لي الله يفتح بوجهي ابواب
تتوسله بالشده يكون عوني

من كثر ما خفاقها بالدعاء ذاب
صارت تحس ان زملاي اكرهوني

بشرتها: يمه معي ربع وصحاب
ماني لحالي واجد اللي يبوني

من يوم ما حاز قلمي كل الالقاب
قلطتهم في دفتري واحفظوني

الله وهبنيهم بني عم وجناب
من يوم جيت اعجبتهم واعجبوني

واعجابهم فيني ما هو بيه اعجاب
باسلوبي بشرحي بطرحي بلوني

لوقلت عن نفسي( بشر)..صرت كذاب
لو قلت : ( دمي من ذهب) صدقوني

لو بكيفهم كان ازرعوا دربي اعشاب
لوبيدهم يتشبهون اشبهوني

من كثر ما صاروا من طبوعي اقراب
حتى بلبسه شمغهم قلدوني

واجد دعوني واغلقوا دوني الباب
واكثار ناس ابكي لهم ما بكوني

لوطالوا لهدمي مناسيب وطناب
كان وغلاتك من زمان اهدموني

مدام حطوا فيني عيوب وسباب
جنبت عنهم مثل ماجنبوني

صلا لو ان بخوتي شي ينعاب
ذبحت نفسي قبل لايذبحوني

نا يدي لو ماكست متني ثياب
نذر على لقطع يدي من متوني

موعيب اجي مدعو ولا اشوف ترحاب
العيب لو اني رجعت ان دعوني

مادمت اجي ولا يحسبون لى حساب
حرمت اروح اذا يبوني يجوني

بعد ماقابلتني عاتبوها

على شوف الحبايب حاسبوها

خذوها وبعدوها غصب عني

وعن وجهه طريقي جنبوها

وشالوها عن عيوني غصيبه

عواذل وغصبوني وغصبوها

خذوها من يديني شوف عيني

وعن عيني تعدوا وحجبوها

كلام وصدقوا بالبنت كذبه

وهم اللي من اول كذبوها

وهم وشدخلهم في مال بين

لبوها والخلايق طالبوها

وفيه لاتخون ولاتعاند

جسوره والمواعيد ارعبوها

ملاك كامله والكامل الله

ولكن العواذل عذربوها

وهي كلما دعتني تشتكي لي

عن اللي سالفتنا سربوها

تخاف وتلتفت مع كل كلمه

تظن ان العواذل راقبوها

تلفت من عقب ماهي جريئه

شجاعه ماتهاب وهيبوها

وهديها ونا حاير وثاير

مصيبه ياعذاب عذبوها

وهم كلما خذوها عن طريقي

تراهم صوب قلبي قربوها

ونا ماتعبت قلبي خيانه

خيانه رتبوها وحسبوها

ولا يعجز خفوقي لايقابل

جفا من حاربوه وحاربوها

ونا لي عزه تفرض عليه

خاطب بالجفا من خاطبوها

وكسر لوحه الماضي وزيله

وخربها مثل ماخربوها

وذوقهم ندم ماصار فيها

وشربهم من اللي شربوها

ودلعها وولعها بنفسي

وشرقها بعد ماغربوها

وعوضها عن اللي راح كله

وعن ذيك الليالي كلبوها

غلاها بالحشى لازال ثابت

ولو حتى بغيري حببوها

وغلاي بقلبها مر وتعدى

غلاها لمها ولا لبوها