كلام عن الخيل الوفي

يعد الخيل من اجمل الحيوانات التي خلقها الله فيتميز الخيل انه حيوان اصيل وفي لصاحبه
فاليكم اجمل الكلمات مدحا في صفات الخيل

خدود فاطمه بنت مختار === حازيتن مثيل الفتايل

اللي ولعوهن الشطار === في واسعات الوكايل

والا برق برعود وامطار === رقي فوق روى العمايل

ومضحك كما عاج صرار === خرط راح ما له مثايل

وشفه كما تمر ذكار === تاليس نقوه سايل

دور فاطمه وين يندار === زناكيل هيل جدايل

جناح حيدبي نام ما طار === ع النوم عنده غلايل

عيونها مهاليع وكبار === وفي خزرهن ما تقايل

غداري نهار قلع لميار === فوق من ظهور السلايل

فيد من نزر دار ما ثار === حسب عد قولات قايل

اما نموت منهن ونقبار === والا يخلفن لي علايل

ان جت لابسه قشر وسوار === والشال والردا والخلايل

وعقد دار ع الصدر دودار === والخد حاضيه جايل

والا سوكني سمح كركار === نقاشه نصح مو محايل

نموت غير من شبح لنظار === فيه حلو ردع المسايل

الفقر شين للحي مكار === ماصخ ثقيل العدايل

لو كان عندنا ضين وابقار === وميه لقيح وشوايل

نناغم اللي خلفت نار === خلت العامر دقايل

حتى كان شياب وكبار === وما نقمحوا م الفلايل

نداد سيدها كانا صغار === ثلب لاعبه سهايل

نلقان خالها فوق نقمار === ما عرقه في قوايل

طويل الثلاثه بلشبار === عريض الثلاثه وخايل

ان جيت للظهر فيه تحتار === قبضتين ذيله كمايل

وقيون ردعات وقصار === دوب ما تحط الحجايل

وحافر مدور علي الكار === ما هاوياته جطايل

رضي وجه والذان حضار === اقلام كاتبين العدايل

ما ينحرس موش دنقار === رفيع شوف خيله قلايل

احلى كلام عن الحب ووصفه