قصيده عن الرجال
نستعرض اليوم اجمل و احلى القصائد الخاصه بالرجل حيث تتسم القصيده باستعراض سريع لصفات الرجال
و شرح طريف لمواقف الرجل حيث انه من المحبب للنساء معرفه تصنيفات لانواع الرجال لذا
تعتبر قصيده ممتعه جدا
((وصف الرجال ومواقفهم ))
يقول الرياحي :
يوم استمرت لي بيوت القصيده=نبدا بوصف وكل وصف نجيده
وصف الرجال صعيب للي يريده=لكن انا فالوصف مانيب بلشان
رجل معك بالحيل والحال والمال=لو مل بعض الناس ماهوب ملال
يمشي معك بالروح في لاهب اللال=لا ضايق باله ولا هوب زهقان
ورجل ليا منه بغى منك ضحاك=ون خذ لزومه غاب عنك وتناساك
يبور بك تالي زمانه ويجفاك=نسي الجمايل يوم قفا والحسان
ورجل رويغي ماتصيده محابيل=يمتاز فالمجلس برشف الفناجيل
ماقط ضالو في محله مشاكيل=ولاقط شكر له عن الزاد ضيفان
ورجل كريم ودائما مرحباني=يمناه تبذل كل يوم حساني
يملا بصنف البيضين الصياني=رز بها مزبور وذيال خرفان
ورجل ربادي يفعل الزين والشين=دلو تجي مويه ودلو تجي طين
يواعدك بالسبت ويجي يوم الثنين=لاهوب لاناسي ولاهوب غلطان
ورجل فقير وينفق الصبح والليل=بيته لعكفان الشوارب مداهيل
والرزق ياتي له من الله تساهيل=مايترك الماجوب لوكان فقران
ورجل غني لكن مايفعل الجود=يدس ماله فالمواضيع مرصود
ليامات عن ماله محاسب ومنشود=والمال يقسم بين وارث وطمعان
ورجل تعلق خافقه بالمساجد=تلقاه دايم فالمحاريب ساجد
يالله عسى امثاله من الناس واجد=الدين رس المال والرب رحمن
اللي مسك دينه وربه يخافه=عقل حكيم وقوه باللطافه
مؤمن قوي ماهوب مؤمن ضعافه=قاسي قساوه حق وليا قسوا لان
ورجل معقد غاطس فالحماقه=ماكنه الا ابليس بين الرفاقه
في كل يوم قاطعين بناقه=قشر ويلقى له من الناس قشران
ورجل يغامر مير مامن مخاريج=وحيان يبلش ويتمنى المناهيج
حيث العلوم الها سلوم ومداريج=والرجل قد قال المثل قلب ولسان
ورجل حسود ولا يبا الخير للناس=كنه على ابواب المواهيب حراس
عله نحر قاصر نظر خاوي الرس=يستخدم الضحك المزيف بالسنان
ورجل نموم يجمع الهرج دايم=بين البشر ضاري بنقل النمايم
كم غافل يرمي عليه الظلايم=عساه يذهب ضاريا بالتمحان
ورجل كذوب وكلمته ماتعدي=يجيب من هذا لهذا يودي
ولاينحسب قوله حقيقي وجدي=ون جاء مجاله قالوا الناس كذبان
- صور اشعار عن الحب
- قصيدة الرجال
- شعر عن الرجل
- اجمل صور الرجال
- صور واشعار عن الحياة
- صور عن الرفاقه
- صور عن الحب للرجال
- من كتب قصيدة وصف الرجال
- خذ حلات الهرج
- اجمل كلمات الحب للرجال
