قصيده عتاب للحبيب
العتاب هو دليل الحب ولكن في بعض الاحيان نفقد من تحب وقت العتاب فهناك وسائل
عديده لعتاب من تحب من ضمنها تلك القصيده
انا زعلان منك حيل وشايل لك بقلبي عتاب واتمنى تحملني مثل ما اتحمل عتابك
ترى بعض الصراحه جرح وثقل ونرفزه واعصاب ابي تسمع كلامي زين وتمسك زين اعصابك
تعاهدنا انا وانته على انا نكون احباب واحبابك هم احبابي واحبابي هم احبابك
وش الي غيرك فجاه تكلم واذكر الاسباب انا بسمع كلامك زين وبسمع زين اسبابك
رغم كل الخطاء منك فوجهك ما قفلت الباب ويوم اخطيت في حقك قفلت فوجهي ابوابك
رخصت الغالي لعيونك حنيت لخاطرك ارقاب رضيت احنيها ارقابي ولا تحنيها ارقابك
كفايه تمتحني هم وخل من ذم فيني وعاب ترى من عاب في غيرك ولو طال
الزمن عابك
ولا تفكر في يوم انساك او يشغلني عنك غياب انا اتنفسك اهواك وفيك اموت واحيابك
انا ما شوف احد غيرك جميل بفتنته جذاب انا اعجابي فيك اعمى يفوق اعجاب اعجابك
انا مهما قسى قلبي بكلمه منك احسه ذاب انا من زود عشقي لك عشقت العطر
في ثيابك
انا ياليت مغرم فيك انا كلي فغرامك شاب احسك جزء من روحي ولا اتحمل غيابك
ولا قد طاب لي جرحك ولو جرحي لذاتك طاب عجزت اقدر اشوف الدمع بل اطراف
اهدابك
ولكن كل شي الا جزاه الصد بالترحاب اذا صديت ترحابي ترى باصد ترحابك !!
- شعر عتاب للحبيب
- شعر عتاب
- قصائد عتاب للحبيب
