قصص مضحكه جدا وقصيره عن البنات
اروع ما تقر من قصص البنات القصيره والمضحكه جدا
قصص بنات جميله
كان يا ما كان في قديم الزمان، ملك عنده ثلاث بنات .
حب في يوم من الايام انه يختبر حبهم اله. جاب الكبيره وقالها : يابا يا حبيبتي
قديش بتحبي ابوك الملك .
البنت من غير تفكير : بحبك قد ما السمك بحب البحر .
الملك فكر وقال في باله : ايهو السمك بقدر يعيش بدون بحر .
هاي البنت بتحبني كتير . وقال الها : انا كنت عارف انك بتحبيني بس مش لهدرجه
وقام اعطاها قصر كبير ومجوهرات .
جاب البنت التانيه وسلها نفس السؤال . فقالتله : بحبك قد ما الطير بحب السما انبسط
الزلمه وكيف . واعطاها قصر جنب اختها ومجوهرات .
بعدين جاب البنت الصغيره ( اخر العنقود اللي بموت فيها ) وسلها نفس السؤال .
قامت جاوبته : بحبك قد ما الدقه ( يعني زعتر ) بتحب الشطه .
الزلمه زعل وعصب وقام لفحها كف. ومسكها من شعرها وزتها بره القصر.
وما رضي يسمع منها ولا نص كلمه .
البنت دارت بالحواري وعلى ارصفه الطرقات وتسمع كلمه من هاد وكلمتين من هداك . لغايه
ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابه .
ودارت الايام ومرت الايام . وفي يوم من الايام كان الملك قاعد بتصيد بالغابه ونسي
حاله وسرح وضاع بالغابه دور على المرافقين .
ولا هم هون . طب الحرس . فص ملح وداب ؟؟؟ . ضل الملك يمشي
ويمشي لغايه ما لقي هالكوخ لصغير . قال بفوت برتاح وباكلي لقمه . دق على
الباب فتحلوا صاحب البيت وهو مش عارفه . دخلوا جوا وهو شايفه تعبان . وصار
يحكي مع الزلمه . مرته مش خافي عليها الصوت . قام الزلمه بيقول للمره اذبحيلنا
جاجتين خلينا نتعشى ونعشي الضيف . المره مين طبعا ؟؟ واضحه بنت الملك الصغيره .
بدت تشتغل بالجاجات وخطر على بالها فكره . نادت جوزها وقالتله خود شويه الدقه (
يعني زعتر ) هاي مع صحن زيت سلكو فيهم على بين ما يخلص الاكل شكله
الزلمه ميت جوع . والله الزلمه عجبته الفكره وقام حط الزيت والدقه قدام الملك وقاله :
اتفضل يا عمي على بين ما يجهز الاكل . الملك ميت جوع وهو بحب الدقه ( كمان
يعني زعتر ) كتير . ما بلع اول لقمه ولا صار بده يستفرغ . وصاح
بالزلمه : ولك شو هاد دقه من غير شطه ؟؟؟ كيف بتاكلوها هاي ؟؟؟؟
وفجه اتذكر بنته الصغيره وصار يعيط . قاله الزلمه :. شو مالك يا زلمه انت العاقل
. كل هاد مشان شويه دقه ( زعتر يا جماعه ) هسه الجاج بخلص. راح
الملك حكى للزلمه القصه . وهو خلص من هون نطت البنت وقالت : بخ كيفك بابا
؟ عرفت اديش بحبك ؟
وهيك عرف الملك قديش بتحبه بنته . وجابتله دقه بشطه . طبعا ما اكل منها
ولا لقمه لانه نزل بالجاج جرد , واعطاها قصرين ومجوهرات
- صورة بنت مضحكة
- قصص مضحكة لخاطبين البنات واسالة محرجة المرسال
