قصائد خالد الفيصل
من اروع ما تقرا من كلمات وقصائد هى قصائد خالد الفيصل لقوه الكلمات وروعتها واختياراته
الموفقه دائما واللغه الصحيحه التى يلتزم بها فى كتابه القصائد.
ومن قصائده
من يقول الزين مايكمل حلاه
كل شي(ن) في حبيبي اكتمل
الله اللي كمله والله عطاه
مابقى للزين في خلي محل
العيون احلى من عيون المهاه
شافها قلبي و صفق و احتفل
نظرته من فتنته شعله حياه
والجفون من الحيا فيها كسل
ساهم(ن) رمشه على الخد وسناه
كن لمعه وجنته ورد(ن) وطل
الشفايا كنها جمر الغضاه
تحرس الريق المحلى بالعسل
والشعر ليل(ن) نقل حمره مساه
جعد(ن) حول على صدره همل
مايج من فوق متنه ماطواه
لون شلال(ن) مع المغرب نزل
ونطلق جيده يماري في بهاه
فوق مياس(ن) تعزل واعتدل
بالرشاقه فيه من ظبي الفلاه
لي مشى كنه على الروح انتقل
ريحته من كل زهر(ن) منتقاه
والزياده للخزامى والنفل
صافي(ن) مثل المطر فوق الصفاه
باسم مثل البشاير بالمل
جامع(ن) من كل زين منتهاه
مستحيل الوصف في خلي سهل
كايد(ن) ماهو يلين لمن بغاه
يرتفع عن كل سقطات الزلل
كفاني عذاب الله يجازيك بفعالك
مريض المحبه داه ودواه بوصالك
الا كيف تبخل وانت نظرتك تشفيني
الا واعذابي كيف ما عاد يهنالك
سوى انك تشوف الموت بيديه يطويني
انا يوم احبك ما تصورت غربالك
ولا قد خطر في بالي انك تجافيني
تفرغت لك يا ساكن القلب ابحالك
تقل غيرك من الناس ما هم بحييني
انا قمت اناجي بين الاحلام مرسالك
و الذي شقوا خفوقي يشتكون
كبرت اللي باول ايامي تهون
ردت الايام دمعي بالجفون
و استبدت بي مواجيع الظنون
كيف يستهوي هل العشق المنون
في زمان ماعرف يوم حنون
مابقى غير الموادع يا حبيب
و اجلي من العين نزات السريب
الذلول تسير و الراكب غريب
و الثرى من حدرها جاله لهيب
لاهل ركب ما بعد طب الشعيب
و المراجل دربها دايم صعيب
ضعيوا بعيدهم واخطوا القريب
و يا بعد فرق الغرير من اللبيب
وان تحدث طاح من عين الرقيب
و اللسان يجمله و الا يعيب
و المسي بعيونك جروحي تطيب
يا شعاع بالعمر قبل المغيب
تبعث المال في وقت عجيب
نادميني..كلها ساعه و اغيب
هلي على خدانها ياسحابه
هلي عليها لين ينبت بها الورد
على محله لين يخضر جنابه
وافرح بشوفه فرحه مالها حد
خل سقاني في الهوى من شرابه
ماصد لي جاني والى جيت ماصد
عزاه ياقلب تزايد عذابه
على الذي حبه بقلبي تجدد
اللي رماني باربع من حرابه
ثنتين من عينه وثنتين بالخد
ياعمري اللي راح لا واسفابه
وين الرفيق اللي عليه ابدي السد
- اروع قصايد خالد الفيصل
