غير الوله والغلا عليك وش حده
شعر جميل جدا لابن فطيس بعنوان غير الوله والغلا عليك وش حده واليكم كلماته كامله
لكل من يبحث عن الكلمات
يا قو قلبك
ياقو قلبك على الصده ويا صبرك وياوسع صدري على صدك ويا صبري
وياطول عمرك بذاكرتي وياكبرك وياشيب عيني بشيب عاد ذا كبري
والله لون حمل صبري فوقك..ان تبرك والله ولو تعتذر منت بعلى خبري
ان ما جبرك الغلا ما اقدر على جبرك ياللي على ارض الوفا ما شبرك بشبري
تزعل وترجع وتلقاني على خبرك وانا انكسر لك واجيك ادور لجبري
طيفك وذكراك طيله غيبتك سبرك وشوقي لشوفتك طيله غيبتك سبري
امحق وليف ومحبه والا اقول ابرك حسبي عليك اعشقك وانت اتحفر قبري
غيبتك
غيبتك لو هي دقيقه تعتبر صده…..
الوقت دونك سجن وغيابك اسياجه
لا تعتذر لي ترى ماعاد في شده…..
اعيد حكي يكود الصدر مخراجه
دامه يوصف بجود ابيك وبجده…..
وشلون تبخل على المجروح بعلاجه؟
ووشلون قاوااك قلبك رده وصده…..
مع انه بين عليه الضعف والحاجه
ياقو قلبك برد ايمينك ورده…..
بخلت بمصافحه وارهيت بحراجه
لو ماسقى غيم عينه جرهدي خده…..
تراه يبكي وقلبه يلحق اخلاجه
ولو شفته يمازحك تراه من جده…..
الضحك عن درب ضيق الصدر ماعاجه
غير الغلا والوله عليك وش حده…..
يادرب ليله ويامسراه وسراجه
كنه يعرفك قبل يلقاك من مده…..
مع ان مابينك وما بينه امواجه
هواك بدو نووا للقلب بالشده…..
ورياض قلبي لشوف البدو محتاجه
والوصل..بحر متى انت بتسمح ابمده…..
السيف صبري وبحرك شح بامواجه
قصيدي اللي قريته واللي اعده…..
قديم لا يزعلك معناه واخراجه
وفراغ قلبي غلاك ارهى على سده…..
ليتك تشوف الغلا وابراجه وعاجه
اقوى رياح العذل ما تقدر تهده…..
والا الجفا لو تنفس هدم ابراجه
تغانم الوصل لن البعد لابده…..
ياتيك في يوم ثم ياخذك بادراجه اللي لي انك تلين وتترك الشده…..
واللي لك اني ما سولف بك لهراجه
ولاني بزعلان واللي نرتجي مده…..
يا باب قلبي ويا قفله ومزلاجه
