طريقه عمل البيتي فور
لا تتعودي شراء الحلوي المباعه بل اعدي كل ما تشتهين او يشتهي افراد اسرتك بالمنزل حتي
تضمني نظافه هذه الماكولات و تضمني صحه اسرتك … معنا اليوم طرق عمل البيتي فور
مقادير عمل البتي فور البيتي بطريقه سهله جدا :
المقادير دى للتشكيل بالماكينه الشكال لن البيتي عمل بالكيس بنزود الزبده شويه نحو 150 جراما.
1 كيلو دقيق
700 جرام زبده بحراره المطبخ بس انا عملتها كانت ساقعه شويه او 750 جراما لن
في دقيق بيتشرب زبده
1 و1/2 كوب سكر بودره ناعم جدا
6: 8 حبات بيض على حسب حجم البيض لو صغير حطى 8 حبات
فانيليا كتير انا حطيت 4 باكو هتشوفوا في الصور
وعملت تاتش 1/2 معلقه صغيره قشر برتقال مجفف مطحون وده علشان اقضى على الزفاره للبيض
تماما.
الطريقه لاعداد عجينيه البيتي فور :
بالمضرب الكهربى نخفق الزبده لما تكون هشه جدا ونضيف السكر البودره ونخفق لغايه لما يكونوا
فاتحين جدا ولونهم مائل للبياض
نبدا نضيف البيض واحده واحده مع الخفق على العالى ونزود الفانيليا ونخفق لما يتجانسوا.
نطفى المضرب ونزود بعد كده الدقيق شويه شويه ونقلب بمعلقه خشب او سباتيولا او باليد
زى ما انا عملت بس نقلب براحه خالص ومنعجنش كتيير علشان الدقيق ميعملش عرق اول
ما الدقيق يختفى خلاص نلم العجينه ونحطها تستريح في التلاجه ساعه.
وبعدها نحطها بالماكينه ونشكل اشكال زى ما تحبوا.
ولو عايزه بالشيكولاته قسمى العجينه نصفين وحطى معلقتين كاكااو غامق بدون سكر مع معلقه كبيره
زبده وقلبيها على نص العجينه وشكلى
وندخل الفرن يكون متسخن على 160: 170 درجه.
لمده 10: 15 دقيقه لحد ما قعره يبقى دهبى وردى ولما يبرد شيليه من الصوانى
وزينى بالشيكولاته او المربى والفارماسيل او المكسرات
- مقادير عمل البيتي فور
