تعد الصداقه من اسمى وانبل العلاقات وارقاها، خصوصا اذا كانت مبنيه على اساس من المحبه
والموده والاخلاص والتفاني وايثار كل صديق صديقه على نفسه؛ فالصداقه هي اجمل مايميز العلاقات الانسانيه
بين البشر، واجمل الصداقات هي تلك التي تبقى عالقه على مدى العمر مهما طالت السنين
في ذهن الانسان، فمثلا علاقه الطلاب على مقاعد الدراسه؛ فهذه العلاقه تبقى عالقه في القلب
والعقل وكل جوارح الانسان؛ لانها دائما تشعل الحنين في قلوب الاصدقاء لماض ذهب بعيدا، واخذ
معه احلى الذكريات العذبه التي كانت ايام الطفوله البريئه، وفتره الشباب الحالمه المليئه بالمرح والضحك
.
وتتوج هذه الصداقه بان يجد الصديق صديقه في مواقف الضيق؛ ليكون سندا له في ايام
الشده، وهذا هو المعنى الحقيقي للصداقه.
ابيات شعريه في الصداقه
كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق
يا سائلا عني من القلب لبيه
صوتك عزيز وغصب عنا نلبيك
مثلك من الاجواد لا شك نغليه
ونفتح لك ابواب الخفوق ونحييك
واشري رضى من يشتريني وارضيه
واقول له بالروح والعين نشريك.
سر يا قلم واكتب من المدح ما طاب
في الي جزيل المدح يستاهلونه
ناس مزايين والرجا فيهم ما خاب
الروح والقلب فدى لهم لو يطلبونه
واكتب لهم شيك محبه مفتوح الحساب
يسحبون من رصيد الغلى وابد ما ينقصونه
اكتبه شعري عسى شعري يجود
بالحروف اللي حلاها من حلاك
كل حرف ما بلغ وصفك حسود
لعنبو قاف عجز يلحق مداك
لو اكتب احساسي بالاشعار وابديه
فيك المشاعر كيف بس اختصرها
قدرك كبير ويعجز الشعر يوفيه
كل القصايد فيك ينضب بحرها
ارفع يديني واسال الله وارجيه
ينجيك من شر الحياه وكدرها
من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري وش اسميك
كل الخصال النادره ينتمن لك
الطيب كنه شابك ايديه في ايديك
ان كان له صاحب فهو صاحب لك
والله ماني على مدح الرياجيل بخيل
خاصه لا جيت امدح في زحول الرجال
المشكله مدحهم حمل لا شلته ثقيل
من ثقلها ما يقدر عليها كبار الجمال
حتى لو تحاملت على حملها لا بد يميل
مال الجمل حيله على حمل الاثقال
اجل وش حيله قلم بالقصايد يخيل
في معانيها صدق من مزون الخيال
قصيده ما هي غزل فالطرف الكحيل
ولا هي عتاب وشكوه حال دون حال
قصيده مدح في ذاك الشهم الاصيل
ابو عبدالله اللي يشهد له فوح الدلال
سلام يا ابو عبدالله يا زحول الرياجيل
سلام عد ما على الصحاري من رمال
سلام عد ما هلمطر وسال المسيل
سلام عد ما اشرقت الشمس وطل الهلال
سلام ياللي له في قلبي مقر ومقيل
فداك العمر لو ان العمر للفنا والزوال
قالوا عن حاتم ماله في الكرم مثيل
ومن ذيك العصور تضرب به الامثال
وانا اقول ابو عبدالله حاتم هالجيل
قولوا لهتان الكرم عندنا للكرم زلال
فديت كل حرف من اسمه به خصل نبيل
ويا حي الحروف اللي لها في القلب منزال
الصاد (صدقك) فالكلام من دون تاويل
ويا حي الرجال اللي تثبت اقوالها بافعال
الالف (اهاتك) عطني ياها لو توريني الويل
ما همني غير شوفه بسمتك يا طيب الفال
اللام (لومك) فالحياه على كل شخص ذليل
عاش في هالدنيا وتطبع بطبع الانذال
الحاء (حبك) للمساكين وعابرين السبيل
وشموخك في هالدنيا كنه شموخ الجبال
شوف حالي مال السعاده بحياتي دليل
وفي غيبتك مال الصبر عندي اي مجال
النهار اسود ما عاد به فرق مع الليل
اسهر عيوني ودمعها على الخد همال
واتجه للقبله واطلب من الله الجليل
يا الله يا الله ترد من بغيابه علينا طال
تكفى تراني دخيل الله ثم عليك دخيل
مال السهر والصبر عندي اي احتمال
عطنا من باقي عمرك ووقتك القليل
ودي ادفى بك واحس ان للعز ظلال
ليه لا شفتك تقتل فرحتي بالرحيل
ما مداني اقولك وشلونك وكيف الحال
طلبتك تدور لاسلوب حياتك بديل
ما عاد اطيق بهالدنيا سالفه الترحال
وعيني ما عاد لها على السهر حيل
ما تدري انت في الجنوب ولا في الشمال
هذي نظم حروف قصيدي جاتك مقابيل
تشكي عليك من هموم الليالي الطوال
الصداقه كنز معناها جميل
من ملكها اشهد انه ملك
تعرف اوصافك من اوصاف الخليل
والصديق احيان اقرب من هلك
من كلام المصطفى سقنا الدليل
الجليس اثنين واحدهم هلك
حامل المسك طبن للعليل
صاحب للخير بدروبه سلك
لو تحس بضيق للضيقه يزيل
لو تغيب شوي عن الحال سالك
والجليس السوء النذل الرذيل
نافخ الكير من الكير شعلك
ما يعين بخير خيره مستحيل
ما وراه احسان يجهل بجهلك
لو تمر بسوء دور لك بديل
خاين ما شال هم لزعلك
الفضل لله والشكر الجزيل
يافوادي خير من المولى شملك
البدايه عين واخرها سبيل
والوسط ابره وفكربمهلك
