شعر فكاهي شعبي شعر مصري فكاهى
اشعار فكاهية شعبية اشعار مصرية فكاهيه
وانا و اقف علي باب الحاره
باشرب شاي و في ايدي سيجاره
وانا و اقف علي باب الحاره
باشرب شاي و في ايدي سيجاره
لابس كاجول فيري نيولوك
وعنيا عليها النضاره
واقف اشاكل خلق الله
وبعاكس فتاة بصفاره
ضحكت ضحكة تهز قلوب
انا قلت اهي غمزت سناره
والله يازهرة انا دايب فيكى
اسمك اية ؟ انا اسمي سماره
فجة لقيتة جاي عليا
شخص طويل و كنة عماره
قالي بتعمل اية يا عنيا
فاكر ان دي يا ابني شطاره
قلت له دخلك اية يا زميل
قال لي دي اختي و ادي اماره
ايدة بقت فالجو بتهوى
قابلت راسي كنها غاره
راح الكاجول و النيولوك
وكمان كسر لي النضاره
وقال لي انا هشرب من دمك
وهقطر منة بقطاره
وهاقطع من لحمك كفته
وهفرق علي اهل الحاره
الدنيا يا صاحبي دارت بيا
حوشني ياعم حوشي يا جاره
والناس كلها ضحكوا عليا
وسابوة يضربني بنشاره
فكرت بسرعة و لقيتنى
بجري صاروخ و كمان طياره
ومن يومها حلفت انا بربى
امشي فحالي بكل جداره
ولا اشاكل ناس و ابعد عنهم
ولا اعاكس فتاة بصفاره
واغير من جميع طباعى
لا اشرب شاي و لاحتي سيجاره
كلمة اخيرة بقلها بغيره
الدنيا يا صاحبي دي غداره
مهما هتعمل بها يا خال
راح ترجع و عليك دواره
تاخد منك حق الغير
وتسيبك لو حوش جباره
- شعرفکاهی شعبی
- يوتيوب فكاهى مصرى
