شعر فكاهى شعبى شعر مصرى فكاهى
اشعار فكاهيه شعبيه اشعار مصريه فكاهيه
وانا واقف على باب الحاره
باشرب شاى وف ايدى سيجاره
وانا واقف على باب الحاره
باشرب شاى وف ايدى سيجاره
لابس كاجول فيرى نيولوك
وعنيا عليها النضاره
واقف اشاكل خلق الله
وبعاكس بنت بصفاره
ضحكت ضحكه تهز قلوب
انا قلت اهى غمزت سناره
والله يازهره انا دايب فيكى
اسمك ايه ؟ انا اسمى سماره
فجه لقيته جاى عليا
شخص طويل وكنه عماره
قالى بتعمل ايه يا عنيا
فاكر ان دى يا ابنى شطاره
قلت له دخلك ايه يا زميل
قال لى دى اختى وادى اماره
ايده بقت فى الجو بتهوى
قابلت راسى كنها غاره
راح الكاجول والنيولوك
وكمان كسر لى النضاره
وقال لى انا هشرب من دمك
وهقطر منه بقطاره
وهاقطع من لحمك كفته
وهفرق على اهل الحاره
الدنيا يا صاحبى دارت بيا
حوشنى ياعم حوشى يا جاره
والناس كلها ضحكوا عليا
وسابوه يضربنى بنشاره
فكرت بسرعه ولقيتنى
بجرى صاروخ وكمان طياره
ومن يومها حلفت انا بربى
امشى فى حالى بكل جداره
ولا اشاكل ناس وابعد عنهم
ولا اعاكس بنت بصفاره
واغير من كل طباعى
لا اشرب شاى ولاحتى سيجاره
كلمه اخيره بقلها بغيره
الدنيا يا صاحبى دى غداره
مهما هتعمل فيها يا خال
راح ترجع وعليك دواره
تاخد منك حق الغير
وتسيبك لو حوش جباره
- شعرفکاهی شعبی
- يوتيوب فكاهى مصرى
