شعر عن فتاة مضحك

شعر عن فتاه مضحك

هذا الموضوع ليس للسخريه ولكن هو للفكاهه فقط كما انه يعد من الشعر الساخر عن
بعض عيوب المجتمع مثل الفتيات اللاتي يستخدمن مستحضرات التجميل بشكل مبالغ فيه او يرتدين ملابس
لا تناسب طابعنا العربي

هذا زمان المسخره هذا زمان المسخره

جوال ومشيه بفشخره في وسط السوق متبختره

والكحله في وسط العيون والشفايف زود محمره

هذا زمان المسخره هذا زمان المسخره

لو يسلها ذاك الفقير وين انتي رايحه يامره

جاه الجواب يبهدله وتقول كلام بيقهره

باروح السوق ابشتري فستان للحفله المزهره

وتروح الصاله كنها عروس مزينه ومعطره

وما ترجع الا في الصباح وتشيل الزينه الساحره

هذا زمان المسخره هذا زمان المسخره

اخر الشهر تقبض الراتب وتروح السوق وتبعثره

وتعير ذاك الفقير لو اني مثل غيري ما عشت واياك محسره

شوف فلانه وشوف علانه عايشين عيشه ميسره

فله جميله وسياره كشخه ماهو مثلك تركبني سياره مكسره

هذا زمان المسخره هذا زمان المسخره

لين استلمت ذاك التلفون تبمبع مثل البقره

واتحش في الناس هذا طويل وهذا قصير وحكيها كله مسخره

وفلانه اليوم مطلقه وفلان ماتت له مره

وكلامها اصلا ماله اساس بس هذره فاضيه وبربره

والوقت يسرع والهاتف يحسب امواله تروح مهدره