شعر عن المطر
من من لا يهوى المطر فنقدم اليوم اجمل و اعذب الاشعار الجميله المعبره عن المطر
حيث ان الاحساىس المرهف يصدر اجمل كلمات التعبير عن جمال المطر
المطر حنت رعوده – حسين علي العتيبي
المطر حنت رعوده ولتعج براقه
صدق وهذا اوله فوق الثرى دفاقي
جاء سحابه حادر مملي تدلا اعناقه
وانتثر هملوله وساق وسقى ونساقي
مرحبابه عد عين للحيا مشتاقه
مرحبا يا امفرج الضيقه على من ضاقي
يا هماليله تساقي ورفقي بدفاقه
سقي الارض المحيله والثرا مشتاقي
قالوا ان الوسم قفا والوسوم اشفاقه
قلت ربي يا عرب هو كافل الرزاقي
الكريم اللي يجود ولا بخل برزاقه
بمره اتلم المزون ويلعج البراقي
هذي امزونه تهامل والحيا بشراقه
كل وادي سال حتى القاع صارت ساقي
وامتلت كل الخباري من زلال اوداقه
لين عقب اسبوع بين باذره وادقاقي
ابشروا يا اهل المواشي لا اكتسا برناقه
ليتني ما بعت في هاك السنين انياقي
جت مناه اللي شفوفه من شفوف انياقه
ابدوي للفياض المخضره عشاقي
يوم شاف الوسم صدق زال عنه ارهاقه
من يلومه غير خبل خافقه ما تاقي
ميت قلبه وعايش في زمانه عاقه
شف باله لبسه وتسكع الاسواقي
جعل جنسه في تناقص قاطعين الساقه
لين ما يبقا لهم بين الخلايق باقي
الحيا نبته لقلبي سجته واشواقه
شوفته تبهجني وتبعد هموم اعماقي
بكره اليا نور النوار بين اوراقه
وكتست جرد الفيافي هي تراها اشواقي
والدلال وشب نار بالدجا شعاقه
وسط روض ريح نبته ينعش الخفاقي
بين خطلان اليدين امتيهين الناقه لابه بين القبايل مستواها راقي
سجه تبعد هموم المشتحن واغلاقه والمدينه بالحيا مالي عليها اخلاقي
هالليالي وقتها بين الليال اذواقه ما تعد من العمار بسجه الرفاقي
من تطوفه والله انه ما تزين اخلاقه لين يمشي وسط روض زاهي الرناقي
