شعر حزين شعبي عراقي
افضل الاشعار الحزينه الشعبيه العراقيه عن الفراق والحزن
اجمل الاشعار العراقيه
گالو ما تجي وگالو عليك بعيد
ودرب كلش طويل البينك وبيني
شح مني الدمع گد ما بچيت عليك
وعاتب بالگمر هلبت يواسيني
ظلم كلش ظلم تحيا وتموت بشوگ
وچا شنهو العمر من تذبل رياحيني
تعب حتى الورق حبر ودمع مخبوط
وحسره وي القلم تاذيني وتبچيني
صفه رسمك حلم عذب حنايا الروح
ومثل طيفك بد ما شايف بعيني
نهر طولك عذب صافي ويرد الروح
ونه الميت عطش وبگطره ترويني
كتبلك شعر وسطرلك البيات
وانته بلا بخت بالفرگه تچويني
قيس بعام واحد وتيبس من الشوگ
ونه سنين مرت ما غفت عيني
گلي شلون رايك والعمر محسوب
وچلمات الشماته تگول ناسيني
طلابه وي العشگ ويامي كلهن ليل
وشمس حبك ظلم من ما تضويني
كافي من العتب راح ختم البيات
وحچيلك سطر بي كل عناويني
مثلك ما شفت ولا رايد ولا ريد
وحبك موت عنوان لدواويني
ري العمر مشوار تكضي ايامه وتعدي
ولو دري الوكت دولاب ياخذبينه ويودي
جا ماشمت الشمات بيه ولا خنت ودي
ولاخليت دمعي يسيل تيزاب وحرك خدي
مو انته الكلت عوفك واخلف بوعدي
شو نص الدرب يفلان وتبريت من عندي
لحيمي ودج عليه الريش وجناحك كوه بجبدي
كل هذه التعب والطيب ضيعته وصرت ضدي
صدك ينسى الفكر والضيم من يستغنى لمجدي
بعد ورده شبابي تفوح ماطاحت بمرض معدي
بعد حملي عدل مامال ليش تعوفني لوحدي
تدريني خشب وبنار بفركاك رماد وابدي
كل جرح يلم يطيب بس جرحك جرح يضل يدي
بعد شتريد من عندي شضحيلك بعد شفدي
ولو دري النهايه بهاي ماجنت بهواك بدي
تعال لخاطر الله وخليني ارتاح
من زمان ما شافتك عيني
ولك هم تشتاقلي بالغربه مرات
لو ناسي الذي بينك وبيني
لو تدري الدمع ما فارق العين
ولا قلبي بغيابك مل ونيني
مشتاق اني الك ….. مشتاق اني الك
ولك قلبي محتام
هاي الارض ما توسع حنيني
يا همي وعذابي وحركت الروح
كضيت ويا الحزن اجمل سنيني
هم عود اني اشوفك واكعد وياك
وك ابوس تراب جدمك منتجيني
- اجمل شعر شعبي عراقي
- شعر عراقي حزين
- شعر شعبي عراقي
- اجمل صور شعر حزينه
- عراقي كلش ما
- شعر عراقي
- شعر حزين عراقي
- شعر شعبي عراقي حزين
- شعر بدي عن الفكر
- موقع شعر عراقي حزين
