شعر جميل عن العيد
اجمل الاشعار الجميله والرائعه عن العيد فى عين الشعراء
جيك مقبل والفرح محتويني
طويت حزني واكتسيت السعاده
فرحه بوجهي وابتسامه بعيني
وثوب جديد وعطر ريحه زياده
ادري الحزن له موقعه في جبيني
وادري البكا في داخلي وبعناده
وادري انا ما اختار شي(ن) يجيني
قدار من ربي ولا لي راده
باستمحك يا حزن تطلق يديني
بذوق يوم العيد طعم السعاده
ياساعه الفرحه تشوقت للعيد
عيد العيون وعيد قلب الصبابه
رد الجمال لشوفتي يا تلع الجيد
واسحب على حرفي لحون الربابه
حرفي بصوتك يا جمل الصوت تغريد
يا رمز حبي هاك رمز الكتابه
يا صبح عمري فيك للعمر تجديد
وحبك يجدد كل يوم شبابه
للعيد والقمرا وحسنك مواعيد
وليل الهوى شرع للحباب بابه
يا ما زعجت الصوت باسمك تراديد
ويا ما نسيم الوجد يمك سرابه
وياما تمنيتك على باقي الغيد
وقول مثلك يا غلى الروح مابه
يا قطره الغيمه على يابس البيد
رد الحياه لخافقي يا ذهابه.
