هذه بعض القصائد البدويه الغزليه
ودي بك وابيك واباك وابغاك
جمعتها لرضاك واختار فيها
شف ويش منها يتبع احكاك ورضاك
واللي لك اسقي مسمعك لا ضميها
غديت (افر)احكاي واساير احكاك
وانا تشرف لكنتي واهتويها
مضمونها ودي بشوفتك واهواك
ياللي دروب اهل الردى ما تجيها
صانك ولي امرك وحبك وداراك
ولاقدر ردع الحظوظ ومجيها
نفسك مهذبها وعز الله رباك
مايدري ان جيش الهيام يغزيها
الله قسم يبلاك بي وانت يبلاك
باللي سواتي في العرب يرتجيها
محبه (ن ) ذربه من القلب تكساك
محبه (ن) صدق الهوى يكتسيها
يامرك قلبك بالوفا لي وتنهاك
ناس (ن) على لاماك تفرك يديها
رزين عقل ومن مزايا مزاياك
نفسك تحب وعفتك تمتطيها
تطيع عقل (ن) ما بعد زل واغواك
مشاعرك تعصاه ..وانت تعصيها
ماشفت منك الا عيونك ويمناك
محبه (ن) راع الردى ما يبيها
يقبض فوادي لا تخيلت فرقاك
ياشف عين (ن) ما سواك يعنيها
وياعزوه اخوانك ومطلب هذولاك
ناس (ن) محبه والدك تدعيها
ناس (ن) تخدم ابيك كله لعيناك
وهو يحسب ان الله عليه يهديها
ياجعلها تفدى على الارض ماطاك
والله بمن هو مثلها يبتليها
لكن لعب في ياوليفي تغلاك
و نفسي غلاك من الصدود يحديها
تبطي علي وانا هنا واتحراك
و كبدي لواهيب الصبر تشتويها
واجمع علومك امن هناك وهناك
وو الله لو انها تنشرى لا اشتريها
وعذرك (انا لاهي) يا ويش اللي الهاك
لااهي ومر(ن)منت لاهي تليها
كانك مشكك في الوفا والغلا هااك
جوالي اقر القائمه كل ابيها
رقمك مع (الصادر) ولا (وارد ) اسواك
والناس في اللي ( لم يرد عليها ).
واياك واياني…واياني اياك
ومن غيبه (ن) من دون عذر يحميها …
_
نويت مرباع الغضي سيد الاحباب
قصدي يزول الجرح زاد التهابه
جيت وبقايل نارهم حول الاطناب
بيت الشعر مطوي وباقي زهابه
اقفت ركايبهم ومني الهدب ذاب
الدمع يسري والذهل بالاجابه
على غزير الدمع ضميت الاهداب
صديت لين لين الدمع يقفي سحابه
بعض الوجع يمكن تداويه الاعشاب
وبعض الوجع يا ويل من هو سطا به
عشق بدوي لا حب ما هو بكذاب
يوفي ولو جرحه تجدد صوابه
واليوم وصلت بيننا مثل الاجناب
ذاك الغلا يا ضيعته يا سفابه
باكر اذا جينا لهم مثل الاغراب
من عقب ما كنا الاهل والقرابه
الامر لله كل شي له اسباب
ولا الهوى وش لي على ما اهتدى به
وشلون قلبي ما يجي اليوم منصاب
على الكتم منقوش بعض الكتابه
حتى اثر مشيه مع سهول وهضاب
مر يجيه ومر ما يندرى به
قلبي من الفرقا صويب ومرتاب
كنه غدى صوين من هول ما به
حزني عليه انه تسبب ولا طاب
نظره طبيبه عجلت في ذهابه
ريح الخزامى والنفل زين الاطياب
يشدني ريح السمر في ثيابه
لا اقبل نسيم به خيل وركاب
وله في طلوع الشمس عز ومهابه
_ هذي قصيده غزل بدوي وحضريه
الحضريه
قلنا سلام الله يا راعي الرعيه
وين الطريق اللي تودي للبلد
معنا غشيم ما عرف قيمه خويه
ضيعه بقفار ما فيها احد
البدوي
يا هلا ويا مرحبا بالنرجسيه
اقلطي فالدار دارك والولد
ذيك خيمتنا ولا انتي بالخليه
ولك امان الله في يوم الاحد
الحضريه
ما لنا مجلاس يا رجل الحميه
مثلنا لا غاب لحظه يفتقد
غير ذالهندي عساه اليوم حيه
لا عرف درب ولا هو اللي نشد
البدوي
ان جلستوا مرحبا ضيوف عليه
وان تعذرتوا معك طير السعد
ما يجوز الغصب لك وانتي بنيه
لكن العوده ولازم من وعد
الحضريه
ان عطاني الله عمر ولي بقيه
لازم ارجع مع هلي لك يوم غد
وان تفارقنا تذكرك المطيه
وجعل يخلفنا على ديارك رعد
البدوي
ليتني هندي معك يا الغشمريه
وان ذالهندي في المفلا قعد
ليتني وياك نرعى بالرعيه
او ليت قلبي خبل لا رحتي هجد
الحضريه
الله يخليك ما ني ببدويه
ما نقصني يا ولد هم ونكد
دلنا على الخط دام الشمس حيه
لا دنانا الليل ذالهندي رقد
البدوي
ذاك دربك من ورا ذيك الحويه
واستري وجهك ولا تبديه ابد
وان بغيتي تحطبي مالك لويه
اجعلي بيديك حبل من مسد
وقصيده جميله بويه اخرى
بديت لي بابيات شعرن جديدات = وفوق السطور اكتب بيوتن جدادي
اونست يا مشكاي بالصدر ضيقات = وان قلت راح الضيق بالصدر زادي
طرا علي اللي عيونه وسيعات = اللي مشاركني بنومي و زادي
وماظني انسا اللي رموشه ظليلات = وانا ليا منه طرا وااااااهجادي
قضيت مع خلي ليالي جميلات = انا مفادي واهو مثلي مفادي
واخذت انا وياه بالحب سجات = في عشرتن ماهي بعشره فسادي
لكن حدتني في زماني غيارات = وعيا يحقق لي زماني مرادي
حب وراه فراق مافيه لذات = مثل البياض اليا غشاه السوادي
وصحيح ماقال المثل والروايات = ماتعقب النيران كود الرمادي
وخلصت مالي بالمحبه هوايات = وزرعن زرعت اصرم وجاه الحصادي
ماهو صحيح الحب كذب وخرافات = ان كنت ماني يا اهل العلم غادي
الحب بدعه ما نزلت فيه الايات = ولا قريناله حديثن وكادي
من بعد حب دام خمسه سنوات = صارت نهايه حبنا شيعادي
- اجمل شعر بدوي قصير
