وتنظيم الحمام بالصور
لازم كل ست تهتم بنضافه حمامهما بشكل يومي
وبشكل اسبوعي
وبشكل شهري
طبعا احنا عشان ننضف الحمام بشكل شهري
بنفضي الحمام كله من اي حاجه من ادوات تنضيف لادوات نضافه لفوط لاي حاجه
وبناخد الحمام من فوق لتحت
بندعكها دعكا مبرحا حتى يستغيث
وبنمسك كل الحيطان وبننضفها
وبنهتم جدا بالزخانيق والفروق اللي بين السيراميك انها تكون نضيفه وزي الفل ودا بيكون باستخدم
المنظفات الخاصه بكده زي فلاش وهاربيك والمنظفات التابعه لبعض الشركات زي ماي واي
واي منظف عشان تشوفي نتيجته لازم بتسيبيه فتره لا تقل عن نص ساعه ولكانك يعني
نقعها زي ما بتنقعي الغسيل او حله محروقه او غيره
والحمام بيكون بكل عام عباره عن
حيطان
حوض
بانيو(مش الكل عنده بانيو)
وقاعده او مرحاض _اعزنا واعزكم الله)
والحنفيات او ما يطلق عليه خلاطات
اولا: الحيطان
دي بتتنضف بفرشاه البلاط عادي بشويه صابون سايل وكلور ومايه
طبعا الحيطان اللي مافيهاش سيراميك ومدهونه برضو لازم تتنضف عشان بتكون رطوبه بتكون لونها اسود
فلازم تتنضف زيها زي السيراميك بالظبط
دي الحيطه اللي فيها سيراميك
ودي اللي مدهونه
ثانيا:الحوض
طبعا لازم بشكل يومي يتنضف وبرضو تنضيفه مش صعب شويه صابون سايل ومايه وكلور وبالليفه
او الاسكوتش وبتنضفيه
ممنوع استخدام السلك الالومنيا لانها بتجرح الحوض وبالتالي بيبان فيها الوسخ اكتر
ثالثا:البانيو
نفس الكلام في التنضيف
وما ننساش نضافه الستاره بتاعه البانيو
والناس اللي معندهاش ستاره البانيو انصحها بشراء ستاره للبانيو يكون لونها متنساق مع فرش الحمام
اذا كان دواسه او ستاره للحمام لان بيدي الحمام شكل متميز وجميل
رابعا:الحنفيات
تنضيف حنفيات الحوض
او حنفيه الدش
مش محتاجه اي افتكاسات او وصفات او خلطات بالفرشاه الصغيره او الليفه بس من غير
سلك مع الدعك وشويه صابون سايل بترجع زي الفل
واخيييييرا: القاعده او المرحاض _اعزكم الله_
كلنا بيكون نفسنا نمسك القاعده دي ننقعها في البانيو بالشكل ده في كلور خام عشان
تنضف
طبعا في ناس مش نضاف مش بينضفوا القاعده دي نهاائي وستات بيوت واحنا شوفنا كلامهم
هنا في القسم
تحت مسمى انهم بيقرفوا يع
طب اللي بيقرف هيطيق يقعد يعمل بي بي في قاعده زي كده ويكون السيفون بتاعها
زفت كده ازااااي؟
سوري لو كنت قرفتكم
بس لازم نشوف الحلو والوحش عشان نحمد ربنا على نعمه النضافه
لازم نحاول بقدر الامكان اننا نهتم بنضافه القاعده داخليا وخارجيا
واللي بتقرف او ما بتقرفش واااااحد
لازم نتبع الاتي
نلبس جوانتي
نشد السيفون ونكب مايه مره واتنين وعشره عشان ننضف القاعده دي من جوا ومن بره
وكمان ننضف الغطا بتاع القاعده ساعات ناس بتهمل نضافه الغطا دا وبتسيبه بالشهور وبتنضفه في
الاعياد
كمان قاع القاعده لازم ننضفه من حمض البوليك المترسب فيه
اللي بنقول عليه طول موجود وناشف وبنسيبه
لا دا ناتج عن قله نضافته
وبيتشال
ازاي؟
هتنشفي القاعده من جوه من اي مايه عن طريق قطع قماش مانتيش عاوزاها هتشربي القامشه
دي الميه وترميها بعد كده لو انتي قرفانه منها وبعدين هتجيبي فلاش او هاربيك زي
ما عضوه قالت انه ممتاز وهتحطي فلاش دا من بالليل للصبح
هتصحي الصبح تشدي السيفون هتلاقي الطوب دا بقى رمل وهتنضفيها بعد كده عادي بالفرجون ودا
اللي عندهم تكلسات في قاع المرحاض
وباذن الله هتلاقيها زي الفل من جوا كده
نيجي لمرحله المحافظه على نضافه القاعده
لازم كل يوم تتنضف من بره بالليف عادي
ومن جوا بالفرجون والصابون السايل ووشويه كلور عشان ما يحصلش ترسبات
ولازم بعد كل بي بي نعلم اهل البيت كبار وصغار شد السيفون حتى لو اضطريتي
تعلقي يافطه بكده او تدخلي وراهم وتقولي مره واتنين عشان يتعلموا ثقافه شد السيفون زي
ما اتعلموا التشطيف بعد البي بي
تنظيم الحمام وترتيبه
اللي بيبين نضافه الحمام نظامه وترتيبه
وكمان لمساتك فيه بايديكي الطاهره الغاليه
ادوات النضافه الشخصيه
ويجب ان يكون دائما الحمام منظم وادواته نضيفه
زي ادوات الحمام بتاعه نضافتنا الشخصيه زي الليف وفرش الاسنان
وتلميع ازايز الشامبو والبلسم وعلب الكريم من الخارج كل اسبوع لان بيتكون عليها بعض الاتربه
وكمان مع بخار المايه بتكون سطح العلب مش نضيفه
وكمان لازم نجمعها بشكل منظم ماتكونش بالمنظر ده متنطوره ع البانيو او في كل حته
حاجه
وعشان تاخدي شاور تفضلي تلفي وتدوري جوا الحمام وتلعبي لعبه دوخيني يا لمونه وعشان ترجعي
كل حاجه مكانه تاخد وقت معاكي
لازم تكون ادوات النضافه الشخصيه او الاستحمام تكون ملمومه في سبت واحد ع الاقل ودي
ابسط حاجه
او ممكن تستخدمي الرشاقه الكورنر بلاستيك او استنلس
في ناس بتحط الفوط في الحمام ودا بيكون اساسي عندها
وناس بتاخد فوطتها وقت ما بتدخل تستحمى وخلاص
عادي كل واحد على حسب نظام حمامه
بس من المهم ان فوط تنشيفك الشخصيه بعد كل تواليت تكون في الحمام بنظام وشياكه
وكمان رص الفوط برضو يكون منظم هتطبقيها عادي او رول
كل واحد ينام ع الجنب اللي يريحه
لازم الفوطه تستخدم بشكل يومي يعني مش اطلع فوطه واستخدمها اسبوع ولما تتبل اروح انشرها
في المنشر غلط واكبر غلط
الفوطه اتبلت اه اهويها عشان احطها بسبت الغسيل واليوم التاني اطلع فوطه نضيفه
اومال ماما مشورانا بفوط كتيره ليه (كانت هتدخل بيهم مسابقه )؟!
كمان مساله الحمام صغير اوي كبير دي بقت واحده
يعني حمامك صغير لازم يكون منظم ونضيف
واللي حمامها كبير نفس النظام
تنضيف الحمام مش بياخد وقت بس لازم نركز على كل حته فيه
طبعا مساله تعطير الحمام
زي ما تحبي عطريه بخريه بس ما اعتقدش بعد جو النضافه ده هيكون ريحته وحشه
دا كفايه ريحه النضافه احلى من اي ريحه
كفايه انك تدخلي تاخدي شاور وترطبي جسمك وتخرجي تلاقي الحمام بعدها ريحته واو
كفايه انك تعملي بخاخه صغيره فيها شويه مايه ورد على زيت ورد على مسك مبشور
وبعد كل بي بي ترشي المنطقه بتاعتك وتنشفيها هتلاقي الحمام وانتي ريحتكم زي الفل لمجرد
نضافتك انتي بس
طبعا فرش الحمام دا حريه شخصيه
بس دا بيدي للحمام شكل جميل ومريح
بس لااااازم دايما يكون الحمااااام نااااااااشف نااااااشف ومتهوووووووي
وخصوصا في الشتا
وخصوصا اللي عندها اطفال بيكونوا لابسين شرابات في البيت ولما بيدخلوا الحمام بينسوا يلبسوا الشبشب
وبيدخلوا جري ع الحمام
وما ننساش البوتي او التوته ونضافتها من ضمن نضافه الحمام مادام جبنا سيره الاطفال
كمان وضع باسكت في الحمام دي برضو على حسب حريتك ونظرتك لحمامك
دي كلها حمامات صغيره شوفوا اد ايه منظمه وجميله
وما ننساش نضافه المرايات وتلميعها بملمع الزجاج هي واللمبه ومفاتيح الكهربا بس لازم نفصل الكهربا
نفسي اعرف بيعملوا البي بي فين في الصورتين دوووووووووول
بتعملوها فييييييين يا ظلمه فكروني بفيلم اتش دبور
فيييين القاعده نفسي اعرف
بيتصرفوا ورا باب الحمام؟
شايفين الحمام دا ياعيني صغير اووووووي
وفي كمان اصغر منه
يعني سوري تلاقي اللي يقعد ع القاعده ما ينفعش الباب يتقفل عليه يا دوب يقعد
وتلت تربعه بره الحمام يعني يكون قاعدفي الحمام وفي نفس الوقت مع الناس اللي قاعدين
في الاوضه اللي في وش الحمام ويتفرج ع التي في عادي معاهم
سخان ا
المنظفات الخاصه بكده زي فلاش وهاربيك والمنظفات التابعه لبعض الشركات زي ماي واي
نقعها زي ما بتنقعي الغسيل او حله محروقه او غيره
فلازم تتنضف زيها زي السيراميك بالظبط
او الاسكوتش وبتنضفيه
اذا كان دواسه او ستاره للحمام لان بيدي الحمام شكل متميز وجميل
سلك مع الدعك وشويه صابون سايل بترجع زي الفل
تنضف
هنا في القسم
زفت كده ازااااي؟
الاعياد
دي الميه وترميها بعد كده لو انتي قرفانه منها وبعدين هتجيبي فلاش او هاربيك زي
ما عضوه قالت انه ممتاز وهتحطي فلاش دا من بالليل للصبح
اللي عندهم تكلسات في قاع المرحاض
تعلقي يافطه بكده او تدخلي وراهم وتقولي مره واتنين عشان يتعلموا ثقافه شد السيفون زي
ما اتعلموا التشطيف بعد البي بي
وكمان مع بخار المايه بتكون سطح العلب مش نضيفه
حاجه
كل حاجه مكانه تاخد وقت معاكي
ابسط حاجه
في المنشر غلط واكبر غلط
دا كفايه ريحه النضافه احلى من اي ريحه
وبعد كل بي بي ترشي المنطقه بتاعتك وتنشفيها هتلاقي الحمام وانتي ريحتكم زي الفل لمجرد
نضافتك انتي بس
وبيدخلوا جري ع الحمام
وتلت تربعه بره الحمام يعني يكون قاعدفي الحمام وفي نفس الوقت مع الناس اللي قاعدين
في الاوضه اللي في وش الحمام ويتفرج ع التي في عادي معاهم
طبعا لازم باب الحمام يتنضف ويتغسل ويتنشف كويس
وكمان ما يتعلقش ورا باب الحمام هدوم كتيره
وبلاش برضو قمصان النوم اللي بتتعلق ورا باب الحمام
مادام مش نضيف يتحط في سبت الغسيل عشان لو حد غريب دخل الحمام فجاه
او لو عندك عيال كبار برضو ما يصحش يشوفوا الحاجات دي
اوكره الباب لازم تنضف كويس وتتعقم من حين لاخر
ولسهوله تعقيم الحمام بشكل مستمر
تعملي بخاخه فيها مايه وكلور وديتول بكميات متساويه وترشي وتمسحي بفوطه او مناديل الحمام الرول
Posted in: تنضيف الحمام بالصور
- تنضيم الحمام
- منظم الحمام
- كيفه عمل صابون سايل من صابون الحمام
- اجمل صور الحمام
- لوالكبدة ريحتة وحشة من الفرزر عمل اية
- صور ابليكات 2020
- شرابات الحمام
- تنظيم وتنضيف الحمام
- تنظيم الحمام
- تنطيم الحمام
