الامثال المختصره ذات الرنه
– حجه وحاجه
– عشاق ملال
– زرب تعطل
– بوه يشبه بوه
– سته من ستين
– طاروا ولا لحكوه
– نارو على منقارو
– عش نهار تسمع خبار
– سيدي بسيادو
– اللي غلب يعف
– لاتعمل شاي لاتخاف شاي
الامثال المطوله :
الحنه حرشه ,والماشطه عمشه .والعروس بوهزاز.
مول الطاحونه ,والسانيه ,ولمرا التانيه حتى ليله ما يبات هانيه .
قالت العوده :من نهار اللي ولدت ,ما كليت علفي وافي , ولا شربت مايا صافي
.
كيفتش على على جوا منجل , وطربوش لعجل ,وسروال الجمل .
مشات عيشه تجيب القزبر ,جات حبلا من سبع شهور ,لو كان ما خافت من الطلاق
, كون بقات حتى يخلاق .
اطلع تاكل الكرموس , اهبط شكون قالها لك .
امثال في الاخلاق الحسنه والسلوك الحسن.
سير بالنيه وارقد مع الحيه .
مني ومنك ينطبع , ومن واحد وحدو ينقطع
سعداتك يا فاعل الخير .
الحره الىصبرت دارها عمرت .
لمعايره في لوجه صابون , وفي الظهر طاعون .
انت مير وانامير , الله يجيب اللي يصوك هذ لحمير
الكرش غراره ورباطها عقل .
اضربني وابكا,واسبقني وشكا .
لعوين مع النصارى ولا لكلاس خساره .
اللي عمل راسو في النخاله ينقبو الدجاج .
اللي غاب عليك اصلو شوف فعلو .
ايمارت الدار على بابها.
ريح ساعه يخلي كاعه .
الزين في الدفله ,والدفله حاره .
اخنيفيسه تونس ,خير من غزاله تهوس .
من لاخير في لسانو لاخير فمكانو .
امثال لتهذيب الاطفال:
الي ما سمع راي كبيرو الهم تدبيرو .
الفكوسه من الصغر كتعواج .
كيفصل الزناقي ويخيط الدروبه .
اربط حمارك مع لحمير , يتعلم الشهيق والنهيق وخرجان الطريق .
نهيه , انهيه ويلا عما , سير وخليه .
مع من شفتك مع من شبهتك .
امثال حول الذكاء والوعي .
كن اسبع وكلني ,ولاتكنشي ذيب تشوهني .
اميات تخميمه وتخميمه ولا ضربه بمقص.
قليل مداوم خير من كثير ومقطوع .
اللي جبر احسن من لعسل يلعقو .
النفس نفس سلطان ,والحاله حاله مسكين ,
السلطان بالتاج ويحتاج .
امثال تلازم الحياه اليوميه .
اللي صابها ليلو, ما عطاها لغيرو .
لمحبه الزربانه مفر قه في نهار .
دهن راسو بلعسل وخشاه في غار النمل .
منين لحقت عليك اوجهي خبشوك لقطوط .
داري, يسترت عواري .
احاح على غدا اما اليوم عدا .
لاتشكر لاتذم, حتى تجرب عام ;
ايلا كان حبيبك عسل ,لاتلعقوش كلو .
اللي ضربتو ايدو ما يبكيش .
قالت ام لعروسه لبنتها كاع بكاو ومشاو .ابنيتي.
حبني محبه خوك وحاسبني حساب عدوك .
اللي دركك بخيط دركو بحيط .
امثال تتعلق بالصحه والنفس .
تغدا وتمدا وتعشا وتمشا .
النواض بكري بالذهب مشري .
الضر بالقنطار والراحه على راس ليبرا .
باعد من لبلا ليبليك .
سال لمجرب لاتسال الطبيب .
لاعين شافت لاقلب وجع .
العين اللي تموت شبعها شوف .
القلب لمغير لوجه يعطيك خبا رو .
