اجمل بيت شعر مدح
حيانا لا نجد الكلمات المناسبه لنعبر لمن نحب عن مشاعرنا اتجاههم ، فنبحث عن بيات
شعريه تناسب غلاوتهم في قلوبنا ، و من طرق التعبير عن المشاعر هداء من نحن
بيات شعريه مثل :
الموقف اللي صدو عنك وخلوك
وضاقت بك الدنيا ولا فيه فزاع
ابشر بعزك لعنبو من عادوك
تمر علي وانا جيك بياع
لاتشتكي الدنيا وان حي ياخوك
يفداك راسي وكلي لك انصاع
الجود شيخ تملكه عده اطراف..بس المراجل حالفه انك ولدها
عريب واجد وحاوين كل العراف..دنياك جنه بس فعلك رغدها
كن العلوم الطيبه عندك اهداف..صارت فريسه وانت كنك اسدها
قصائد اشعار عبارات قصائد قويه ابيات
قم يانديبي بالعجل واحمل النص..وصل اكتابي والمانه على شاص
شاص خليجي للنشاما مخصص..شد البلد مضمون عن كل النقاص
مرسله للي يفعل الطيب مخلص..طبيعته دايم على الطيب حراص
وجودي على اللي خوته للمريض علاج..يداوي صويبن في صميم الحشى لاج
رفيق الرفيق ورفقته فوق راسي تاج..ياعله فداه اللي يخيب رجى الراجي
يشتاق قلبي للمطاليق..شوق الحبيب اللي تمنى حبيبه
كنز الرجال ولا كنوز الصناديق..المال يفنى والنشاما تجيبه
رعاك ربي من عيون المخاليق..والله يصيب اللي يبي لك مصيبه
فيني شموخ غارسه شايبي غرس..ومهما يجور الوقت مالن راسي
ابوي علمني وانا حافظ الدرس..ماخالف سلم جدي وساسي
انا حمست العز في داخلي حمس..وهيلت فنجانه وقندت راسي
نت الذي يرمى بك الظن ويصيب..والا الردي ماله على الظن طاقه
ساسك عريب وراسك اطيب من الطيب..وابوك يرخي للثقيله شقاقه
والبل ليا قفت ماتجي بالمناديب..وحنا على ماقيل ربع ورفاقه
رز الوعد ياصاحب العرف رزه..وانا خويك في نهار الطلايب
ان ضقت خذ قلبي فضاك وتنزه..نوخ بقلبي معضلات الركايب
ومثلك ليامن ضاق يبشر بعزه..ناتي بمايرضيك لو هي غصايب
قلي وش المطلوب يابن الكريمين..قلي وش الصعبات وانا جملها
ازهم على صاحيين نحضر مجانين..اما كذا والا الرخامه لهلها
لاضاق صدرك لاتخاوي مساكين..خلك مع اللي نيته مايبدلها
مانيب في طرد المقفين ملزوم..مالي بهم ياطيب الفال حاجه
المسك مسك وبينه ريحه الثوم..والورد عطره ماتحبسه قزازه
المال عمره مابنى المجد للرخوم..والنذل مايقضي للجواد حاجه
قم يانديبي زود النار بشعال..يجذب سناها راكبين المناكيف
دن الدلال وصك نجر على جال..خله يجر عواه يطرب هل الكيف
نبغى مع الجواد سجه وفنجال..قبل يجي للعمر بعض الصواديف
يازعيم الطيب والا ياعقيده..انت ياشيخ المراجل والكرامه
يا فريد النوع يالقرم الوليده..تنهض يوم الوغى ثاير عسامه
سعد من هو حطك حساب برصيده..في بنوك المرجله والا الشهامه
عسى الردي ياكاسب الطيب يفداك..ماهو كفو يفداك..يفدى رجولك
انت الذي على روس الشراف مبداك..والا الردي مهما تعب مايطولك
مدت يمينه ماتجي عند يسراك..واغلى ثيابه مايساوي نعولك
ارفع مقامك عند ربعك والجناب..وانا عضيدك كان صارت صمايل
لا تعتقد ربع المصالح لك اصحاب..الحر حر ولا يحب الهزايل
لا طحت ماشالوك ياوافي النساب..من رافق النذال شاف الهوايل
- ابيات شعر قويه عن الصداقه
- بيت شعر مدح
- شعر مدح العلماء
- ابيات شعر مدح
- بيات شعرية في المدح
- اجمل ابيات الشعر عن الصداقه
- ابيات مدح
- ابيات شعريه مدح
- ابيات شعر مدح في شيخي
- قصيدشاص خليجي للنشاما مخصص
