لغايه الزواج وبعد كده انسى
فى بدايه الخطوبه
فى بدايه الخطوبه
بتبقى المكالمات كتير وتلاقيه كل شويه يتصل بيكى واهتمام زايد وانتى فين وفين عقبال ماتتصلى
بيه
وتتكلموا وتتعرفوا وتخلصوا الكلام وهو بكده بيبقى عرف عنك معظم الحاجات يعنى بتحبى ايه بتفكرى
ازاى
طموحاتك وهكذا بيخلص الكلامتيجى يعدى كام شهر من الخطوبه تتدخلوا فى حاله الملل مش بتلاقوا
كلام تقوله انتم الاتنين
مش بيتصل بيه زى الول
يقولى هتصل ومش بيتصل
بيفضل سهران مع صحابه وانا ولا على باله
شغال لليل ونهار وفين وفين عقبال مايعبرنى
مش ده يا بنات اللى بيحصلنندخل على نقطه نقطه
1-مش بيتصل زى الول ده طبيعى يا بنات انتى لما تبقى حابه اكله معينه وبتموتى
فيها مش هيبقى نفسك تكليها كل يوم
ولما خلاص عرفتى طعمها واخدتى عليه مش بتقللى منها بس بتكليها
هما نفس الحكايه بتبقى انتى جديده عليه ولازم يحببك فيه وهو كمان يحبك علشان كده
الاهتمام بيبقى زايد الفتره الولى
وبعد كده بتتدخلوا فى الجد فلازم تكبرى دماغى ومتعلقيش على حكايه المكالمات دى اتصل مره
ويكون حلو فى الكلام معاكى زى عشره مرات2-فى خطاب يقولولك شويه وهتصل انا بيكى ويرجع
ميتصلش وانتى ياعينى قاعده مستنياه وحاطه ايدك على خدك مستنيه الفرج
صح مش ده اللى بيحصل انا بتحصل معايه وببقى حنفجر منه بس بقيت اكبر دماغى
ويقول يتصل وميتصلش عادى
ومش لازم لما يتصل كنت فين دانا قاعده مستنياك كبرى وعيشى اللحظه زى مابيقولوا
3-شغال لليل ونهار وفين وفين عقبال مايعبرنى
دى يا بنات المفروض نقدر ظروفهم وظروف البلد الصعبه وان عليهم مشاغل وهموم وضغوط
منجيش يابنات نزودها عليهم اكتر اشغلى انتى كمان اشغلى نفسك بحاجه
4- سهران مع صحابه سبيه ياستى سهران ويعمل اللى هو عايزه وطبعا فى حدود الدب
والاصول
ومتمسكيش فى كل حاجه
ماشى اتفقنا فى النقط دى
يبقى مش كل شويه رنات رنات رنات انتى لو مكانه حتزهقى
مش كل شويه تتصلى اتصلى علشان المهم ومره تتطمنى عليه
وخليه يحس باهتمامك بيه مثلا تصحيه يروح الشغل تسليه اكل ولا لسه كده يابنات فهمتوا
جددى من نفسك
بصوا يابناتعايزين نخرج من حاله الملل اللى احنا فيها تعملوا ايهطبعا كلنا عايزين نجدد من
نفسنا هقولكم ازاى بصوا يا بنات
اول حاجه غيرى من طريقه لبسك يعنى جددى من نفسك وطبعا اللى امكانياتها تنفع تشترى
لبس جديد
واللى ظروفها مش سامحه علشان الجهاز وكده يبقى مثلا عندك طقم جيبه وبدى ممكن توفقى
البدى على جيبه تانيه
وهكذا وطبعا العنايه بنفسنا
يعنى الشعر فى الوش يتشال قبل ماخطيبك يجئ ولو فى ايدك تشيليه ولو انتى مكتوب
كتابك اهتمى بشعرك قدامه
بدل مايتسرع ويتخض
والاسنان طبعا تتغسل علشان الضحكه تكون كويسه وياريت يبقى معاكى كلورتس ده مستيكه بيخلى ريحه
الفم كويسه
وطبعا هدومك لازم تكون مكويه مش كانها طالعه من الخلاط وياريت المكياج يكون خفيف يعنى
انا بكتفى بالكحل والروج الشفاف
وريحه العرق يا بنات اسهل حل والحل المان ليكى الليمون بيقضى على ريحه العرق جربوه
وادعولى
ويكون البيت متروق وكل حاجه تمام علشان البيت ومنظر البنوته ورقيقتها وضحكتها هى عنوانك
نيجى بقى بالنسبه للتليفونات
اللى مش بيلاقى حاجه يتكلم فيها
طبعا فى الول سلامات وبعد كده اسلوا بعض يوم كل واحد كان عامل ازاى
ولو خلصتوا الكلام ممكن تلعبوا لعبه الصراحه وما ادراكى ما الصراحه
بس محدش يزعل من الصراحه
لعبنا وخلصنا حنستفاد من ده كله ايه ان هو على الاقل ضحكتم مع بعض طلعتم
من حاله الملل اللى انتم عايشين فيها
نوع من التجديدخليه كل مايجئ عندك يعرف ان الضحك والسعاده عندك انتى يعنى اضحكى وهزرى
وخليكى بنوته رقيقه
وخليكى مهتمه بيه بمشاكله بحاله فى الشغل
خليكى انتى فى حنيه مامته ودلع اخته عليه وبنوته الصغيره خليه يتجن عليكى
خليه يعرف ان انتى مفيش زيك اتنينشوفى بيحب اكله ايه وفجايه بيها حيفرح بيها اوى
مش علشان الكله علشان انتى عاملها علشان هو بيحبها
يعنى انتى بتعملى كل حاجه علشان بتحبيه وعايزه ترضيه
اتفقنا ولو فى حاجه مضايقكى منه مش لازم العصبيه والخنقه وكل ده استنى الوقت التمام
ويكون رايق
وقوليله ان انا زعلانه منك ياحبيبى حيقولك ليه وهيصالحلك
اما لو انتى متعصبه اعرفى ان حقك حيضيع وهيقلب عليكى الترابيزه
ياريت يا بنات نختار اوقاتنا والاوقات اللى نتكلم فيها
الحماوات
نبتدى ونقول فى البدايه خالص اعتبريها امك التانيه حتى لو كانت شبه مريم منيب علشان
نبقوا متفقينولو كانت بتعاملك وحش عامليها انتى بالحسنىنبتدى من الول خالص اللى مخطوبه جديده
بصى ياقمر عايزه تكسبى خطيبك لازم تكسبى حماتك الول وهو هيفرح اوى انك اهله كلهم
بيحبوكى
واعرف ان طالما حماتك حبتك يبقى
اهله كلهم هيحبوكى
وخطيبك حيبقى مستريح
وهيبقى ليكى عين جوه البيت
وحتلاقى كمان ان هى ممكن تدافع عنك لو خطيبك مزعلك
حنرضيها ازاى
1- تتصلى بيها تسلى عليها يعنى ممكن تكلميها مرتين فى السبوع ونوع تانى يابنات حماتها
بتحب الكلام الكتير يعنى عايزه الكلام كل يوم خلاص طالما بنحب كده راضيها وابو بلاش
كتر منه بس خير الكلام ماقل ودل
2- تانى حاجه روحى زوريها من وقت للتانى وخدى حاجه حلوه معاكى وحتفرح اوى بيها
وممكن تسلى خطيبك هى بتحب ايه
3- لو كانت تعبانه طبعا لازم تروحيلها واسلى كل شويه عليها وقوليلها ياماما لو احتاجتى
حاجه كلمينى مش انا بنتك كلى بعلقها حلاوه ومفيش اسهل من الكلام
4- امدحى فيها قدام خطيبك عارفه ليه علشان خطيبك حيفرح بكلامك وحيروح يقولها وهتبقى طايره
من الفرحه اسالى مجرب
نصيحه يابنات متعمليش حاجه وتستنى المقابل اعملى وخلى نيتك لربنا
علشان متتعبيش ومتقوليش انا بكلمها وهى لا انا بزورها وهى لا احنا قولنا حنعمل علشان
ربنا وبعد كده خطيبك
بالنسبه لموضوع غيره الحماوات مننا بصى يابنوته منك ليها
لو انتى عندك ابنك وحسيتى ان ابنك حيحب واحده اكتر منك مش حتغيرى منها وحتبقى
مش طايقها
بس لوانتى كسبيتها وعاملتيها كويسه وكسبتى ودها من الول حتحبك زى ابنها
ما بالنسبه بقى اللى مش نافع معاهم العجب ولا الصيام فى رجب ومولعين صوابع العشر
شمع ليهم
وبرضه مش عاجب
نعمل ايه بصى ياقمر لو حتقدرى تستحملى استحملى وعامليها برضه عامليها بالحسنى
علشان خاطر ربنا وبعد كده خطيبك لاجل الورد بينسقى العوليل
لو المشاكل زادت يبقى تفاديها وابعدى عنها خالص علشان مهما كنتى على حق
عمر ماخطيبك هيجى على امه علشانك يبقى ماتحاوليش تحطى نفسك فى مقارنه معاهم
واللى مالوش خير فى اهله مش حيبقى خير فيكى
وحاولى تصلى استخاره كتيره وتدعى ربنا يهديها عليكى متتدعيش بغير كده علشان انا عارفه اللى
بيدعوا غير كده
اما بالنسبه لاخواته البنات صاحبيهم وخليها صاحبتك بس نصيحه منى اوعى تحكيلها حاجه عنك انتى
وخطيبك
ومتقولهاش خطيبى جبلى ولا خطيبك عمل ولا خطيبك سوى علشان هى لو مش مخطوبه حتغير
منك وحتتضايق
وممكن تطلب طلبات كتير من خطيبك وتوقع مابينكم وخلى خطيبك ميحكيش حاجه تخصكم انتم الاتنين
لحد وبذات لو زعل
لا تعانديهم واتقي شرهم وحاولي ان تقللي الاحتكاك معهم
الرجل العصبى
علشان انا بعانى من نفس المشكله بس الحب ولع فى الذره يابت وعلشان كده المفروض
نستحمل
بصى ياقمر منك ليها لو خطيبك من النوع ده لازم تتجنبى اى حاجه منه مثلا
لو بيتعصب من هزارك مع حد تتجنبى الحكايه دى
لو قالك متتكلميش مع ده او ده تتجنبى علشان الراجل العصبى بيبقى غيور اوى كمان
وبيغيرته ممكن يتعصب عليكى
وهتيجى على دماغك انتى
بصى بقى يا شابه منك ليها بتتكلموا عادى زى ما بتتكلموا هتلاقيه هيتعصب تسيبه خالص
يقول اللى هو عايزه
ومتتكلميش خالص حتى لو الكلام حيزعلك ليه بقى
علشان لو اتكلمتى هيقلب الغلط عليكى انتى بمعنى هتكونى انتى الغلطانه يعنى ولا تتعصبى ولا
تتكلمى خليكى بارده
وحطى اعصابك فى تلاجه ده حل
والحل التانى ان انتى ممكن تقوليله يا حبيبى لما تهدى نبقى نتكلم او تقولى اى
حجه تانيه مثلا ماما بتنادى عليه
المهم انك تقفلى معاه وخلاص علشان تتفادى المشكله اللى جايه
بعد كده لما يهدى تبقوا تتكلموا براحتكم بس اهم حاجه تتفادى وقت عصبيته
1- متعليش صوتك ومتزعقيش
2- متتعصبيش عليه
3- متتناقشيش مع كتير وهو متعصب
4- لو سمعتى كلمه زعلتك ولا كنك سمعتى حاجه استنى لحد ما يهدى خالص وبعد
كده نخد حقنا
زى مابيقولوا منتطرقش على الحديد وهو سخن
دى وهو متعصب
الصراحه
لو الصراحه مبنيه مابينكم حترتاحوا اوى وبمعنى الدق الوضوح
الوضوح فى العلاقه يعنى ان انتم متخبوش حاجه على بعض
بس مش معنى كلامى ان كل حاجه تقوليها
اكيد فهمتوا انا قصدى ايه واللى مش فاهم يقولى وانا هافهمه
وكمان لو خطيبك صارحك بحاجه متعلقيش المشنقه وانت عملت كده ليه وازاى
والكلام ده حتى لو اضايقتى احترمى صارحته وان هو قالك بدل ماكان خبئ عليكى كنتى
حتزعلى اكتر
قل كلمه قوليله انا احترمت صارحتك معايه وياريت متعملش كده تانى يعنى تكليه بالكلام
بدل ماتخليه يندم ان هو قالك
عينه زايغه
الشغل واللى ضايف بنات على الفيسحنبتدى بحاجه حاجه
1-اللى خطيبها بتاع بنات
بصى ياقمر منك ليها لو خطيبك كان قبل مايعرفك كان بتاع بنات وبيعرف بنات كتير
حطى تحت قبل مايعرفك 100 خط وخلاص تاب علي ايدك
مالكيش انك تزعلى منه او تعاتبيه وخلاص تنسى الحكايه دى وكنها محصلتش وتحترمى ان هو
قالك بدل ماكنتى تعرفى من برهاما بقى لو انتى مخطوباله وبيعرف بنات عليكى فبقولك ده
شخص حتتعبى معاه اوى فى حياتك وحتفضلى شاكه فيه
وفكل حركاتهولاى بنوته علشان خطيبها متخلهوش يبص بره خليكى مهتميه بنفسك وعندك ثقه فى نفسك
علشان الراجل بيحب البنت الواثقه من نفسها
وابعدى عن الزعل والخناق والعكننه كل شئ علشان ميحاولش حتى يبص لبره
2-اللى خطيبها عينه زايغه اللى تبقى ماشيه جنب خطيبها وتلاقيه بيبص هنا وهنا بصى فى
رجاله بتبقى قصده انك تشوفيها
علشان تحس بغيرتك عليها
وفى رجاله بتبقى عايزه تغزيلها عينها صح كلامى ولا لا
الحل ايه بقى انك فى الول تعدى وتعملى نفسك مش اخده بالك حتقولولى ازاى هقولك
يمكن نظره اولى وظلمينوه
المره التانيه لاقتيه بيص قوليله على فكره مش حلوه انا احلى منها ولو بصيت تانى
على حد انا هزعل منك انت ترضى ابقى ماشيه جنبك وبص على حد تانى
هيقولك لا طبعا هتقوليله اللى مترضهوش علي نفسك مترضهوش على حد
المره الثالثه بقى واظن ان هى مش حيبقى فيها مره ثالثه بس الاحتياطى واجب (
ازعلى منه وعلى الموقف ده وساعتها هيجى يصالحك وهيراضيكى
ومش حيعمل كده تانى بس متتعصبيش ولا تتخلقى عليه )
3- البنات اللى مع خطيبك فى الشغل
بصى انتى لو واثقه منه وعطيتهاله الثقه يبقى متقلقيش عليه لو هو لوحده فى اوضه
مع 100بنت طالما انتى واثقه فيه
هتقولولى يا ريرى البنات هما اللى ميتوثقش فيهم هقولك طالما خطيبك محترم وبيحبك وبيصونك فى
غيابك يبقى مهما عملوا
متقلقيش
4- اللى ضايف بنات على الفيس بصوا انا بعمل ايه انا بدخل على الفيس عنده
ولو لاقيت بنت عنده بمسح على طول
من غيره ما اقوله
ماشى لو تقدرى تمسحيهم من غير مايعرف امسحيهم
ولو متقدريش فى ساعه روقان اطلبى منه ان هو يمسح البنات لو قالك ليه ومش
ليه قوليله علشان بيغير عليك
حتلاقيه حيعند ويتعصب قوليله خلاص براحتك انا واثقه فيك ونا عارفه انك قد الثقه دى
حتلاقيه بيهدى لوحده ولما يلاقيك كده ممكن يمسحهم لوحده
انا كده خلصت الجزء ده ولو اى واحده عندها اى سؤال انا موجوده وهاجاوب عليها
الراجل المتحكم
الراجل بطبيعته لما بيحب حد اوى بيبقى عايزه له هو لوحده مش عايز حد يشاركه
فى الحاجه اللى بيحبهاعلشان كده بتلاقيه يمنعك من كل حاجه من الخروج من الكلام فى
التليفون من الهزار مع قرايبكوده بيحصل معانا صح وعلى فكره يابنات دى مش قله ثقه
ولا حاجه ولا حتى شكده خوف عليكى من اللى بيحصل فى البلد ومن الشباب ومن
كل حاجه
اول حاجه حنتفق ان اى خطيبك مش بيبقى له حكم على خطبيته علشان هى فى
حكم باباها وفى بيته
مش فى بيت خطيبك علشان كده مالوش حكم ان هو يقولى رايحه فين وجايه منين
وتنزلى ولا لا
1-دى اول فكره لازم تعرفها اللى فى بدايه الخطوبه ان انا بعرفك ان انا رايحه
المكان المعين
مش باخد اذنك بس بطريقه احسن
2- لو هو بيقولك لا متروحيش ولا متجيش اللى طبعا عدى على خطوبتهم شهور لازم
تعرفى واجهه نظره
ان هو مش عايزك تروحى ليه ولو صح نفذى رغبته ولو غلط حاولى تتناقشى معاه
وتفهميه الصح
بس متقولوش انت مالكش حكم عليه حاولى ياقمر تختارى الالفاظ المناسبه علشان تكسبى الشخص اللى
قدامك
وبطبيعه الراجل بيحب يعود خطيبته على اسلوبه فى بيت باباها علشان لما يتجوزوا تبقى عارفه
هو بيحب ايه ومش بيحب ايه
مثلا معظم الرجال متفقين ان مش بيحبوا
البنت اللى بتنزل عمال على بطال ده فى نوع من الرجاله كده
وفى اللى خطيبها مش بيحبها تبات بره بيتها
وفى خطيبها اللى مش بيحبها تشتغل
وفى واحده خطيبها لازم تعرفه هى رايحه فين وجايه منين
بصوا يابنات فى كل دول بيحب يحس برجولته وان انتى بتسمعى كلامه وبتقدريه وبتحبيه
على فكره مش سى السيد ولا حاجه بس دى غريزه فى الراجل
واهم حاجه فى التعامل انكم تكون متفاهمين يعنى مش شخص واحد بس بيفرض ريه
علشان الحب مشاركه بين طرفين
يبقى اتفقنا مش علشان هو بيقولك متروحيش متجيش يبقى هو متحكم هما بيبقوا خايفين علينا
من اللى بيحصل فى البلد
وبيبقى دليل على حبه الشديد ليكى وخوفه عليكى
وابعدى عن اسلوب العند معاه خالص مش معنى كده ان انا بقول ان احنا نلغى
شخصيتنا لا بس منعندش معاهم
عارفين انا خطيبى مكنش عايزنى اروح لصحابتى عارفين قولتله ايه خلاص اللى انت شايفه ولاقيته
اتصل بيه
بعدها بشويه قالى روحيلها بس متتخريش
يعنى اللى انا اقصده بذكاء المره ممكن تخدى اى حاجه انتى عايزاه منه
الرجل المدخن
فى بدايه احب افكركم ان مفيش حاجه بتيجى بالزن او العصبيه
بس كل واحده وعلى حسب زنها واحده تقدر توصل الزن امر من السحر
وواحده تخليه يعند اكتر ويقول والله مانا مبطل بالعند فيها
يبقى اللى عايزين نفهمه بالاسلوب الحلو وبذكاء البنوته حتعرف تخد اللى هى عايزاه
بصوا بقى معايه وركزوا السجاير والتدخين عامل زى الادمان بس طبعا مخاطره اقل من ادمان
حاجه تانيه
وقصدى بالادمان هو التعود على فعل شئ معين
واى واحده مخطوبه جديد وخطيبها بيدخن لو حتقدر تستحمل الوضع ده توافق على الوضع ده
بس حتعرف ان هى حتتعب معاه
بصوا يابنات انا خطيبى الاول كان بيدخن بالعلبتين فى اليوم قبل مايعرفنى اتفقت معاه ان
هو مش حيشرب سجاير
ووافق وقعد كام شهر ميشربش وانا كنت متكده من كده ومره شوفته بالصدفه وهو بيشرب
عارفين انا ايه اللى زعلنى
انا هو عمل حاجه من ورايه علشان انا كنت بزعق وبتعصب
عارفين انا بقولكم كده ليه علشان حتفضلوا تزعقوا وتتعصبوا مش حينوبكم غير لقب نكد وعكننه
وحيعمل كل حاجه من وراكى
يبقى نتفق ان احنا حنطول بالنا معاه ونحط كمان اعصابنا فى تلاجه
ماشى بعد كده خديه بالهداوه وقوليله ياحبيبى السجاير مضره بالصحه
وقوليله انا خايفه على صحتك وياسيدى متبطلهاش على طول وواحده واحده
عامليه زى الطفل
قوليله مثلا 3 مرات فى اليوم وكل اسبوع مثلا نقللها خالص وخليه يكل فاكهه عوضا
عن السجاير
هاتيله كراميل ولب يكله وهو قاعد علشان يستغنى عن السجاير وهكذا
ويا سلام بقى للمتجوزين حيبقى تحت عينكى وانتى اللى حتبقى عارفه خط سيره
يبقى اهم حاجه طوله البال والهداوه وبكلمتين حلوين وتحسسيه بنك خايفه عليه
حتقولولى عملنا كل ده ومفيش فايده مبطلهاش ه
هقولكم بس على الاقل بطلها شويه بدل ماكان بيشرب علبه حيشرب 3 او 4
يبقى كده احسن ولالا انتم ريكم ايه
ازاى تخليه يهتم بيكى الاهتمام
حنتكلم عن الاهتمام وان احنا نطلب حاجه بس بالذوق ونبعد عن العكننه
بس على فكره الاهتمام مش بيجئ بالطلب عمر ماحنروح نقول لحد اهتم بينا اانا عجبتنى
اوى المقوله دى علشان هى صح
كل شىء يمكن ان يتى بالطلب الا الاهتمام فذا جاء بعد الطلب فلا قيمه له
لان اى مشاعر جميله تطلب تفقد قيمتها ومعناها لانها يجب ان تكون تلقائيه ومن القلب
يعنى مينفعش اروح اطلب ان هو يهتم بيه بس احسسه ان هو مهمل فيه علشان
كده انتى عايزه اهتمام منه
بس مش حتطلبيه بشكل تلقائى يعنى مثلا لو انتى زعلانه من حاجه معينه حسسيه من
نبره صوتك
وهو اول ما حيحس حيفضل جنبك
عارفه اكتر حاجه تحسى بيها ان خطيبك حاسس بيكى ان هو يعرف نبره صوتك يعنى
يبقى فاهم نبره صوتك وانتى فرحانه وانتى زعلانه لما
بتتضايقى منه بتتبقوا فاهمين بعض وهكذا
اما بقى اهتمامك بيه بصوا يا بنات خير الامور الوسط يعنى منخليش اهتمامك بيه ان
انتى تتصلى بيه كل ربع ساعه
ده مش اهتمام
الاهتمام بمعنى ان مثلا تتصلى بيه لو حتى مره فى اليوم بس يحس قد ايه
انك مهتميه بيه
بنك تسليه على الشغل وعن الصلاه ان هو اكل ولا لا حسسيه ان انتى يهمك
امره
ولازم يا بنات تراعوا ظروف شغل خطيبك والضغوط اللى عليه حتى لو قصر معاكى فى
حاجه
اما بقى لو انتى عايزه تتطلبى منه حاجه بس بالطريقه كويسه
بصى تستنى الوقت اللى يكون رايق فيه وتحسى ان هو مش حيقول لالا على اى
طلب
وبعد كده تقوليله ممكن يا حبيبى اطلب منك طلب حيقولك امرى واطلبى بقى اللى انتى
عايزاه
بس ياريت يكون طلب واحد مش ماتصدقى بقى وتبقى مسوره وانفجرت طلبات
يابنات
الحمد لله ربنا خلقنا كلنا اشكال مختلفه ومفيش حد وحش كلنا حلوين ولو كان فينا
عيب بس برضه حلوين
يعنى متجيش تقوليلى اصل انا وشى فى حب شباب فى هالات سوداء فى نمش
كل داء وله علاج بس برضه مش حنبقى وحشين
وعلى فكره الجمال جمال الروح وطول مانتى من جواكى حلوه وبتتمنى الخير لكل الناس
الناس كلها حتحبك حتى لو متعرفكيش مسمعتوش عن الحب من اول نظره
وفى ناس اول ماتبصلها بتستريحلها
صح كلامى ولا حد معترضانا هدفى من المشاركه دى طول مانتى واثقه فى ربنا
ربنا عمره ما حيخذلك ابدايعنى فى واحده خطيبها وسيم واحلى منها وعينه خضراء وشعره اصفر
وشكله قالب على الواد مهند
وانتى اقل منه فى الجمال والواد واثق فى نفسه والكلام ده
تفتكرى هو خطبك ليه مش علشان بيحبك مبصش لشكلك ولا لجمالك ولا مين احلى من
مين اكيد شده ليكى حاجه معينه
زى اخلاقك وتربيتك وسمعتك الكويسه انتى واهلك
وانا قولت قبل كده الراجل حتى لو عينه زايغه يبقى ماحيفكر يخطب واحده حيخطبها لاخلاقها
مش لجمالها
يبقى اهم حاجه انتى تبقى واثقه فى نفسك متقوليش لا هو حيبص بره لواحده احلى
منى وزيه فى الحلاوه
كان فى نكته بتقول المخده مش بتشيل اتنين حلوين وان شالت بيتطلقوا
بعد الشر علينا من الطلاق
واللى لسه مش مخطوبه
او فيكى عيب زى اللى قولت عليهم فوق تفتكرى ان انتى مش حتتخطبى وتتجوزى
ثقى فى ربنا وان كل واحد مكتوبله نصيبه وهو بطن امه وكل واحده ليها يوم
وحتتجوز
اهم حاجه تثقى فى نفسك بس طبعا الثقه الزايده لا علشان ميبقاش تكبر وللعياذ بالله
ومتقلش علشان محدش يحس انك ضعيفه وبقل كلمه تهزك
وطول مانتى شايفه نفسك جميله كله حيشوفك بعينيك انتى
والراجل دايما بيحب البنت اللى تكون واثقه من نفسها مش دايما شكاكه فى نفسها
ومتبقاش عارفه تخد قرار لوحدها
دايما سعيده
- اسم لمى في بيت شعر
- الراجل المتحكم
- حجات،مينفعش،ختيبي،يعرفهعليه
- سؤال هل تحبي خطيبك
- صور خطيبي
- لازم تحسسي الراجل انك مش مهتميه بيه
- مامعنى تغزيلها
- مش بتتصلي بياا
- مش بوحش خطيبي
