كلمات عتاب لصديق

فديت وقتن حط في دربي رفيق
واحدن يضحك معي واضحك معه
واحدن لا صار وسط القلب ضيق
بالسوالف والمزايح وسعه
وان حكى باسلوبه العذب الرقيق
يسرق من الجوف قلبن يسمعه

انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك

قلبي اصيل وماضي الحب ماانساه
والصاحب الغالي تشيله عيوني
اشتاق له واشفق لصوته وطرياه
واقول هو دنياي وشموع كوني
رفيق دربي ماتناسيت ذكراه
لو العرب في رفقته يعذلوني

تعبت ادور بين الاجواد صاحب
وعندي مفاهيم الصداقه عظيمه
وادري الصديق بكل الاحوال ساحب
واحذر صديق السوء حكمه قديمه
احب راعي الطيب والجود والواجب
ناس مثلك تحشم وتستحق الحشيمه

من نسى في زحمه الدنيا رفيقه
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشره وثيقه
ان بديته بالغلا والا بداني
صرت عنده بالغلا حسبت شقيقه
هو بعد غالي ومن حسبت اخواني

جالس في وسطهم
قاعد ولااسمع حكيهم
لاتحسب اني عندهم
انا معك بس جنبهم
متحمسين بحكيهم
ماغير اشوف عيونهم
واتخيلك وسطهم
سالني واحد بينهم
وش رايك بكلامهم
احرجني والله قدامهم!!
قلت العفو ياقلبهم
ناقص رفيع الشان بينهم

اشتقت لك يا صاحبي وين الاقيك؟
محتاج لك بالحيل ودي اشوفك..
اشتقت اسولف معك واسمع حكاويك
واللمه الحلوه وباقي مزوحك
ياصاحبي من كثر ما اطريك واغليك..
صرت اتحلم فيك واصحى واشوفك!

شخص الا منه مضى لي معه
يوم
اندم على ايام مضت قبل
ما القاه
احتاج له لا صار في صدري
هموم
ولو ينكسر ساقي تسندني
يمناه
جعل المعزه بيننا دايم
الدوم
هذا الرفيق اللي من الصعب
تنساه

والله ماانسى صاحب مانساني
لو طالت الغيبه وضاعت نواحيه
يبقى معي مابين قلبي وعيني
والنفس من بد المخاليق تغليه
وانشد عن احواله بعاصف سنيني
وارتاح لازانت وطابت لياليه

عرفت بحياتي لوعت الوقت والحرمان
وعرفت العذاب وتعبت اميز الوانه
وجلست اذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه

صديقتي كل السهام الي طعنتني باليه
الا اسهامك ناظريها نار في صدري تقيد
صديقتي رغم الالم تبقي الصداقه (غاليه)
ومن يمسح ادموعي انا ماتدمع اعيونه اكيد
روح الصداقه معطره باحلا المعاني الساميه
وماحس بك غير الصديق لو كان ابعد من بعيد
يوم اشتكيتي دنيتك شفتي اعروقي داميه
ويوم بكيتي دمعتك كم ذاب في صدري جليد

قدرك كبير وصحبتك ترفع الراس … فوق الغلا تملك وسام الصداقه

ابيك تعرف ان لك صاحب بكل مافيه
يغليك …..
بكل ماعطاه ربي من احاسيس
يحتويك …..
روحه حياته حتى جروحه
تفتديك….
لاتظن انه في يوم يقدر
ينتسيك …..
يبيك تذكره لاصارت الليالي
تجتفيك …..
وتدعيله:
” عسى الله له يخليك

تعبت ادور بين الاجواد صاحب
وعندي مفاهيم الصداقه عظيمه
وادري الصديق بكل الاحوال ساحب
واحذر صديق السوء حكمه قديمه
احب راعي الطيب والجود والواجب
ناس مثلك تحشم وتستحق الحشيمه

(الهي)
لي صحبه بين الضلوع في حنايا القلب ماواهم..
هم اهل ودي تسعد الروح بذكراهم..
هم معدن الخير في الناس طابت سجاياهم..
فيارب احفظهم وزدهم في مزاياهم..
وبلغهم مناهم واغفر لهم خطاياهم..
“اامين

اعاهدك بابقى اناوانت خلان
ودرب المحبه يالغالي ندله
ياصاحبي خل المحبه لناانسان
انسان مايرضى بحكم المذله
بابحرانا واياك من دون ربان
نمشي ببحر فيه الاشواق فله
انا معك والبحر والغيم خلان
مانفترق..لو كلن يموت بمحله

بعد الخيانه انتهت رغبتي فيك
وان كنت تذكرنا ترانا نسياك
يشهد علي الله لاحل طاريك
يروق قلبي لكن اذكر سواياك

اذا طبعك كذا ما ابيك..
بترضى والا مايرضيك..
نصيحه لاتزودها،،
ترى اسويها،،واخليك!!
انا كلي اجي لاجيت..
وابيع الدنيا لي حبيت
ولكن تدري وش عيبي؟؟
اذا صديت انا،،صديت..

ان كان غيري في غيابك يسليك
خلك معه ولا تتركه الله يخليك
سهل انك تنساني لكن صعب
انك تمحيني من قلبك وبالك
لاني وياك مثل القلب وروح
مالهم غنى عن بعض اذا مات
القلب تموت معاه الروح

جرحتني جرح مو مثل
الجروح يجوز يشفى
الجرح بس الاثر مايروووح…

وش اسوي دام قلبك مايبيني
دايمن يهوا فراقي والزعل
ببتعد لجلك انا يا نور عيني
وبالمهل ببعد حبيبي بالمهل
اسفن ان قل في حبك حنيني
والجراح اللي بقلبك تنذبل
لك وعد مني ابد متشوف شيني
الا انا واحد عشق شخص وفشل

المفارق عنك لا يعني ضياعي
والمعيشه معك لاتعني متاعي
والحياه بتستمر وشي طبيعي
لوتجي تسحب ذراعك من ذراعي
ما اموت من المفارق وانت تدري
وش بقول ان جيتني ناوي وداعي
باختصار ان غبت تاكد المفارق لايعني ضياعي

سمعت نغمه رساله قلت يالله عسى خير
وانا ثلاث ايام محدن ذكرني
فتحتها بلهفه من الفرح باطير
واقول يالله من اللي افتكرني
اثرها من الجوال يرسل فواتير
هو الوحيد اللي ابد ماهجرني